မကွေးတိုင်းဒေသကြီး ဖွံ့ဖြိုးရေး ရန်ပုံငွေ ကျပ်သန်း ၁၇၀၀ ကျော်ကို အရင်ဝန်ကြီးချုပ် ဦးဘုန်းမော်ရွှေက ကြံ့ခိုင်ဖွံ့ဖြိုးရေးပါတီအတွက် သုံးခဲ့တဲ့ကိစ္စနဲ့ ပတ်သက်ပြီး နောက်ကြောင်း ပြန်သွားဖို့ မရှိဘူးလို့ နိုင်ငံတော်အတိုင်ပင်ခံရုံး ပြောရေးဆိုခွင့်ရှိသူက ပြောပါတယ်။
ဒီကနေ့ နေပြည်တော် ပြန်ကြားရေးဝန်ကြီးဌာနမှာ ဝန်ကြီးဌာန ၄ ခုရဲ့သတင်းစာရှင်းလင်းပွဲမှာ ငွေကျပ် သန်းတစ်ထောင့်ခုနှစ်ရာကိစ္စကို သတင်းထောက်တစ်ဦးက မေးမြန်းရာမှာ ပြောရေးဆိုခွင့်ရှိသူ ဦးဇော်ဌေးက အခုလို ဖြေပါတယ်။
အဲဒီငွေကို မကွေးတိုင်းဒေသကြီးအစိုးရထံ ပြန်လည်ပေးအပ်သွားမှာဖြစ်ကြောင်း မကွေးတိုင်းအစိုးရအဖွဲ့က ပြောထားပါတယ်။
ဒီနေ့ သတင်းစာရှင်းလင်းပွဲမှာ နိုင်ငံတော်အတိုင်ပင်ခံရုံး၊ ကျန်းမာရေးနဲ့ အားကစား၊ တိုင်းရင်းသားရေးရာနဲ့ ဟိုတယ်နဲ့ ခရီးသွားလာရေးဝန်ကြီးဌာနတွေက တစ်နှစ်တာ ဆောင်ရွက်မှုတွေကို ရှင်းပြခဲ့တာ ဖြစ်ပါတယ်။
ဦးဘုန်းမော်ရွှေဟာ နိုင်ငံတော်သမ္မတ ဦးသိန်းစိန်အစိုးရလက်ထက်က မကွေးတိုင်းဝန်ကြီးချုပ်အဖြစ် ၅ နှစ် တာဝန်ယူခဲ့သူဖြစ်ပြီး လက်ရှိမကွေးတိုင်းလွှတ်တော်မှာ ကိုယ်စားလှယ်တစ်ဦးက မေးခွန်းမေးမြန်းရာကနေ အဲဒီငွေကြေးကိစ္စ ပေါ်ပေါက်လာတာ ဖြစ်ပါတယ်။
Photo: Win Naung Toe/RFA
No comments:
Post a Comment