သာကေတမြို့နယ်က အာရဗီစာသင်ကျောင်းတွေ ချိတ်ပိတ်ခံရမှုဟာ မဘသနဲ့ မသက်ဆိုင်ဘူးလို့ ဆိုပါတယ်။
“သတင်းမီဒီယာတွေမှာ ဖော်ပြနေတဲ့ အကြောင်းအရာတွေက မဘသဆိုပြီး ဖော်ပြနေတယ်ပေါ့ တကယ်လုပ်တာက အမျိုးသားရေးညွှန့်ပေါင်း အဖွဲ့က လုပ်တာပါ ” လို့ မဘသရဲ့ ဗဟိုဆရာတော်
တစ်ပါးဖြစ်တဲ့ ဒေါက်တာအရှင်တေဇနိယ က ပြောပါတယ်။
အများစု က မဘသလို့ သုံးနှုန်းနေတဲ့အတွက် ပြန်လည်ဖြေရှင်းရတာပါလို့ ပြောပါတယ်။ ကြီးကြီးကျယ်ကျယ်ဖြစ်ခဲ့တာ မဟုတ်တဲ့အတွက်
သတင်းစာရှင်းလင်းပွဲတွေတော့ လုပ်မှာ မဟုတ်ဘူးလို့ သိရပါတယ်။
ဧပြီလ ၂၈ရက်နေ့ ညနေ ၃နာရီ က သာကေတမြို့နယ် အနော်မာ ၁၁လမ်း မှာရှိတဲ့ အာရဗီစာသင်ကျောင်းတစ်ခုနဲ့ အနော်မာ (၁၂)လမ်းမှာ ရှိတဲ့ အာရဗီစာသင်ကျောင်းတွေကို ချိတ်ပိတ်လိုက်တာဖြစ်ပါတယ်။ အဲ့ဒီစာသင်ကျောင်းတွေမှာ မွတ်စလင်ဘာသာရေးဝတ်ပြုနေတယ်လို့ အမျိုးသားရေးသမားတွေရဲ့ စွပ်စွဲချက်ကြောင့် မြို့နယ်အုပ်ချုပ်ရေးမှူးရုံး က တာဝန်ရှိသူတွေ ၊ အမျိုးသားရေးသမားတွေ၊ ဘာသာရေးခေါင်းဆောင်တွေ အပါအဝင် ရဲတပ်ဖွဲ့ မှ တာဝန်ရှိသူတွေ အချိန် နှစ်နာရီ ခန့် ဆွေးနွေးပြီး အခုလို ချိတ်ပိတ်ခဲ့တာ ဖြစ်ပါတယ်။
အောင်လေး(Kumudra)
No comments:
Post a Comment