ဒီလအတွင်း မွန်ပြည်နယ် မြို့နယ် ၈ မြို့နယ်က ကျေးရွာပေါင်း ၅၀ မှာ ရေရှားပါးမှုနဲ့ ကြုံတွေ့နိုင်တယ်လို့ ပြည်နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာန ညွှန်ကြားရေးမှူး ဦးမျိုးကြည် က ပြောပါတယ်။
နေ့အပူချိန် ပိုမြင့်လာတာကြောင့် ရေရှားပါးမှု ရင်ဆိုင်ရနိုင်တဲ့ ကျေးရွာအရေအတွက် ပိုများလာဖို့ပဲ ရှိတယ်လို့ ညွှန်ကြားရေးမှူး ဦးမျိုးကြည် က ပြောပါတယ်။
ပြီးခဲ့တဲ့မတ်လက မွန်ပြည်နယ်မှာ ရေး၊ ချောင်းဆုံ၊ ပေါင်၊ သထုံ၊ ဘီလင်းနဲ့ ကျိုက်ထို စတဲ့ ၆ မြို့နယ်က ကျေးရွာ ၂၄ ရွာ ရေရှားပါးခဲ့ပြီး အိမ်ခြေ ၄ ထောင်ကျော်ကို ရေဂါလံ ၅ သောင်းကျော် ကျေးလက်ဦးစီးဌာန က ပေးဝေခဲ့ပါတယ်။
ဒီလမှာ ကျိုက်မရောမြို့နယ်နဲ့ မုဒုံမြို့နယ်တို့မှာပါ ရေရှားပါးမှုနဲ့ ရင်ဆိုင်နေရတာဖြစ်ပြီး မြို့နယ် အလိုက် ကျေးလက်ဒေသဖွံ့ဖြိုးတိုးတက်ရေးဦးစီးဌာနရုံးတွေမှာ ရေအကူအညီတောင်းနိုင်ဖို့ ဆက်သွယ်ရမယ့် ဖုန်းနံပါတ်တွေ ကြေညာပေးထားတယ်လို့ သိရပါတယ်။
အပူချိန်မြင့်တက်နေတဲ့အတွက် ရေတွင်းရေကန်တွေ ရေအရင်းအမြစ်တွေ ခမ်းခြောက်လာတာကြောင့် ဖြစ်တယ်လို့ သိရပါတယ်။
လက်ရှိရေရှားနေတဲ့ကျေးရွာတွေကို ဌာနဆိုင်ရာတွေ၊ အရပ်ဖက်အဖွဲ့တွေ၊ အလှူရှင်တွေက ရေလှူဒါန်းမှုတွေပြုလုပ်နေပြီး ပြည်နယ်အစိုးရအဖွဲ့ကလည်း ရေအကူအညီပေးနိုင်ဖို့အတွက် မြို့နယ်တစ်မြို့နယ်ကို ငွေကျပ်သိန်းတစ်ရာစီ သုံးစွဲဖို့ စီစဉ်ထားပါတယ်။
အရင်နှစ်တွေက ရေရှားပါးမှု ကြုံတွေ့ခဲ့ရတဲ့ကျေးရွာတချို့ကို ၂၀၁၆ -၂၀၁၇ ဘတ်ဂျက်မှာ ရေတွင်းတူးဖော်ပေးတာ၊ ရေကန်ဖော်ပေးတာ၊ ရေအရင်းအမြစ်တွေကနေ သွယ်တန်းပေးခဲ့တယ်လို့ သိရပါတယ်။
Photo: Kyaw Lwin Oo/RFA
No comments:
Post a Comment