ရခိုင်ပြည်နယ် ကျောက်ဖြူမြို့မှာရှိတဲ့ ရခိုင်ဒုက္ခသည်စခန်းကို ဖျက်သိမ်းလိုက်ပြီး မိသားစုတွေကို ပြင်ဖြူမော်ကျေးရွာ ကို ပြောင်းရွှေ့နေပြီဖြစ်ပါတယ်။
မိသားစုဘဝရပ်တည်ရေးအတွက် အကူအညီတွေကိုလည်း ပေးအပ်ထား တယ်လို့ ကျောက်ဖြူမြို့နယ် အုပ်ချုပ်ရေးမှူး ဦးညီညီလင်းကပြောပါတယ်။
ဒုက္ခသည် အိမ်ထောင်စု ၆၅ စုအတွက် ပြင်ဖြူမော်ကျေးရွာအုပ်စုက မြေ ၂ ဧကကျော်မှာ အိမ် ၆၅ လုံးဆောက်လုပ်ပြီး ပြောင်းရွှေ့နေရာချထားပေး တာလို့လည်းသိရပါတယ်။
အဲဒီ ဒုက္ခသည်မိသားစုတွေဟာ ဒီနေ့ကနေ မေလ ၅ ရက်နေ့အတွင်း အပြီးသတ်ပြောင်းရွှေ့နေရာ ချထားပေးမှာဖြစ်တယ်လို့ လည်း ကျောက်ဖြူမြို့နယ် အုပ်ချုပ်ရေးမှူး ဦးညီညီလင်းကပြောပါတယ်။
ကျောက်ဖြူမြို့မှာရှိတဲ့ ဒီဒုက္ခသည်စခန်းဟာ ပြီးခဲ့တဲ့ ၂၀၁၂ ခုနှစ်က ကျောက်ဖြူမြို့မှာဖြစ်ပွားခဲ့တဲ့ ပဋိပက္ခတွေကြောင့် ထွက်ပြေးခိုလှုံခဲ့ကြရတဲ့ ရခိုင်တိုင်းရင်းသားဒုက္ခသည်စခန်းတစ်ခု ဖြစ်ပါတယ်။
Photo: Min Thein Aung/RFA
No comments:
Post a Comment