မကွေးတိုင်းဒေသကြီး ဒုစရိုက်နှိမ်နင်းရေးအဖွဲ့ ၊ ပဒါန်း ရဲကင်းစခန်း ၊ မကွေး အမှတ် (၁၅) မူးယစ်တပ်ဖွဲ့စု တို့ ပူးပေါင်းပါဝင်တဲ့အဖွဲ့ တဖွဲ့ဟာ ဧပြီလ ၂၃ ရက် ညပိုင်းက ဆိုင်ကယ်နှစ်စီးနဲ့ မူးယစ်ဆေးဝါး လာရောက်ရောင်းချမယ်ဆိုတဲ့သတင်းရရှိ ထားတဲ့အတွက် စောင့်ဆိုင်းဖမ်းဆီးခဲ့ရာ ဘိန်းစိမ်းထုပ် အမြောက်အများကို ဖမ်းဆီးရမိခဲ့ပါတယ်။
အဲဒီ ပူးပေါင်းအဖွဲ့က ငဖဲမြို့နယ် ပဒါန်းကျေးရွာ ပုသိမ်-မုံရွာ ကားလမ်းမ မိုင်တိုင်အမှတ် ၂၆၄/၃ အနီး စောင့်ဆိုင်းနေစဉ် မွန်ဇောကျေးရွာဘက်မှ လာတဲ့ ဆိုင်ကယ် ၂ စီးကို ရပ်တန့် ရှာဖွေခဲ့ရာ မွန်ဇောကျေးရွာနေ အုပ်သိန်း(၃၇နှစ်) ဆိုသူရဲ့ ခရီးဆောင်ဘေးလွယ်အိတ်ထဲမှ ကာလတန်ဖိုး ၉-သိန်းကျော် တန်ဖိုးရှိ မူးယစ်ဆေးဝါး ဘိန်းစိမ်း အလေးချိန် ( ၁၁၄၆) ဂရမ် ကို သက်သေများရှေ့ ရှာဖွေ သိမ်းဆည်း ရမိခဲ့ ပါတယ်။
အုပ်သိန်း နဲ့ အတူလာသူ ငဖဲမြို့နယ် ငါးရံ့ချောင်းကျေးရွာနေ မောင်သောင်း ( ၂၇နှစ်) တို့ ကို ရဲအုပ်မျိုးနိုင်မှ တရားလိုပြုလုပ် တိုင်တန်းခဲ့ရာ ငဖဲမြို့မရဲစခန်း မယ(ပ) ၄/၂၀၁၇ မူးယစ်ဆေးဝါးနှင့်စိတ်ကိုပြောင်းလဲစေခြင်းဆိုင်ရာ ဥပဒေ ပုဒ်မ ၁၅/၁၉(က)၊ ၂၀(က)/၂၁ ဖြင့် အမှုဖွင့်ခဲ့ပါတယ်။
ဒီနောက် ကွင်းဆက် စစ်ဆေးချက်အရ အဲဒီ ည ၁၀ နာရီ လောက်မှာ မွန်ဇောရွာရှိ အုပ်သိန်းရဲ့ နေအိမ်ကို သွားရောက် ရှာဖွေရာ အိပ်ခန်းထဲမှာ ထုပ်ပိုးထားတဲ့ ဘိန်းစိမ်း အစေး (၂၂၅) ဂရမ်ခန့် ကာလတန်ဖိုး ၂-သိန်းကျော်ခန့် နဲ့ ဘိန်းရှူ ဘိန်းချက်ရာမှာ အသုံးပြုတဲ့ပစ္စည်းတွေကို သက်သေများရှေ့ ရှာတွေ့ရှိတဲ့အတွက် အုပ်သိန်း ကို စေတုတ္တရာမြို့မ ရဲစခန်းမှာ ပုဒ်မ ၁၅/၁၉(က)နဲ့ အရေးယူ ဖမ်းဆီးထားတယ်လို့ သိရပါတယ်။ RFA
No comments:
Post a Comment