စစ်ကိုင်းတိုင်းဒေသကြီး ကသာမြို့နယ်မှာ ဧရာဝတီမြစ်ရေ မြင့်တက်ပြီး မြေပဲစိုက်ခင်းဧက တစ်ထောင်လောက် ရေနစ်မြုပ်နေတယ်လို့ ကသာမြို့နယ် အုပ်ချုပ်ရေးမှူးရုံးကနေ သိရပါတယ်။
အချို့တောင်သူတွေက ရေနစ်မြုပ်နေတဲ့ စိုက်ခင်းတွေကနေ ရသလောက် ရိတ်သိမ်းနေကြပေမယ့် သီးနှံတွေ အောင်မြင်မှု ရှိ မရှိ ကတော့ မသေချာဘူးလို့ ကသာမြို့နယ် အုပ်ချုပ်ရေးမှူး ဦးဝင်းအောင်က ပြောပါတယ်။
"ဧရာဝတီမြစ်ရေတက်တော့ မြေနုကျွန်းမှာစိုက်တဲ့ သီးနှံတွေ နောက် မြစ်ကမ်းနားမှာစိုက်တဲ့ သီးနှံတွေမြုပ်တာပေါ့။ အဲဒါတွေကို တချို့တောင်သူတွေကတော့ နှုတ်လို့ရတဲ့ မြေပဲခင်းတွေကို အချိန်မီ သူတို့ နှုတ်ကြတာပေါ့လေ။ အောင် မအောင်တော့ သိပ်မသေချာဘူးပေါ့။ မမြုပ်ခင်လည်း မိုးဇလနဲ့ ကျနော်တို့က ကြေညာပေးထားတာ ဖြစ်တဲ့အတွက် မြစ်ရေတက်မှာကိုသိလို့ ကြိုနှုတ်တဲ့အဖွဲ့တွေက နှုတ်ထားကြတယ်လေ"
ရေနစ်မြုပ်မှုကြောင့် လယ်ယာမြေတွေ ပျက်စီးဆုံးရှုံးရတဲ့ အခြေအနေကို စာရင်းကောက်ယူနေပြီး မြေစာရင်းဌာနနဲ့ စိုက်ပျိုးရေးဌာနကို တင်ပြသွားမယ်လို့လည်း ပြောပါတယ်။
ကသာမြို့နယ်က ကုန်းသာ၊ မိုးတားလေး၊ မင်းလယ်၊ ပလွေရှည်နဲ့ ဒုံးအော စတဲ့ ကျေးရွာအုပ်စုတွေမှာ ဧရာဝတီမြစ်ရေတက်ပြီး စိုက်ခင်းအချို့ ပျက်စီးသွားပေမယ့် ကြိုတင်သတိပေးထားတာကြောင့် မနှစ်ကလောက် ပျက်စီးဆုံးရှုံးမှု မများဘူးလို့လည်း သိရပါတယ်။
ဧရာဝတီမြစ်ရေဟာ ရွှေကူမြို့နဲ့ ကသာမြို့တွေမှာ ပြီးခဲ့တဲ့ သုံးရက်အတွင်း ၇ ပေခွဲကနေ ၉ ပေလောက်အထိ မြင့်တက်ခဲ့ပေမယ့် ဒီကနေ့ကစတင်ပြီး ပြန်လည်ကျဆင်းနေပြီလို့ မိုးလေဝသနဲ့ ဇလဗေဒညွှန်ကြားမှု ဦးစီးဌာနက သတင်းထုတ်ပြန်ပါတယ်။
Photo: Myint Lwin
RFA
No comments:
Post a Comment