တရုတ်-မြန်မာနယ်စပ် တည်ငြိမ်အေးချမ်းရေးကို အနှောင့်အယှက် ဖြစ်စေတဲ့စစ်ပွဲတွေရပ်တန့်ပြီး မြန်မာနိုင်ငံမှာ ထာဝရငြိမ်းချမ်းရေးရဖို့ တွန်းအားပေးဆောင်ရွက်သွားမယ်လို့ မြန်မာနိုင်ငံဆိုင်ရာ တရုတ်သံအမတ် ကြီး Mr. Hong Liang က ဒီကနေ့ပြုလုပ်တဲ့ တရုတ်-မြန်မာချစ်ကြည်ရေး ကျောင်းဆောင်းသစ်ဖွင့်ပွဲမှာ ပြောလိုက်ပါတယ်။
ကချင်ပြည်နယ် မြစ်ကြီးနားမြို့ မန်ခိန်ရပ်ကွက်က မိဘမဲ့မေတ္တာရိပ်မြုံဂေဟာ Love Orphan Center ရဲ့ တရုတ်-မြန်မာချစ်ကြည်ရေး စာသင်ကျောင်းဆောင်သစ်ဖွင့်ပွဲမှာ တရုတ်သံအမတ်ကြီးက အဲဒီလိုပြောကြားခဲ့တာ ဖြစ်ပါတယ်။
တရုတ်-မြန်မာချစ်ကြည်ရေးကျောင်းဆောင်တွေကို တရုတ်သံ ရုံးက ဆောက် လုပ်လှူဒါန်းနေတာဖြစ်ပြီး အခုဖွင့်လှစ်တာဟာ ၉ ဆောင်မြောက် ကျောင်းဆောင်ဖြစ်ပါတယ်။ နှစ်ကုန်ပိုင်းအထိ ကျောင်းဆောင် ၂၀ ကျော်ဆောက်လုပ်နိုင်မှာဖြစ်တယ်လို့ ပြောပါတယ်။
ဒီကနေ့ ကျောင်းဆောင်အသစ်ဖွင့်လှစ်ပွဲမှာ သံအမတ်ကြီးက ငွေကျပ်သိန်း ၁၀၀ ၊ ကျောင်းသုံးကိရိယာ နဲ့ ဆန်အိတ်တချို့ထောက်ပံ့လှူဒါန်းခဲ့ပါတယ်။
ကျောင်းဆောင်သစ် ဖွင့်ပွဲ အခမ်းအနားကို ပြည်နယ်အစိုးရအဖွဲ့ လူမှုရေးရာဝန်ကြီး၊ ရှမ်း၊ ဗမာ၊ လီဆူ၊ ရဝမ် စတဲ့ တိုင်းရင်းသားရေးရာဝန်ကြီးတွေ၊ လွှတ်တော်ကိုယ်စားလှယ်တချို့နဲ့ လီဆူရိုးရာယဉ်ကျေးမှုအဖွဲ့တွေလည်းတက်ရောက်ခဲ့ကြပါတယ်။
မိဘမဲ့မေတ္တာရိပ်မြုံ Love Orphan Center ကို ၂၀၀၀ ခုနှစ်ကစတင်တည်ထောင်ခဲ့တာဖြစ်ပြီး လက်ရှိမှာ စစ်ဘေးဒါဏ်သင့် မိဘမဲ့ ကလေးတွေအပါအဝင် မိဘမဲ့ ကျောင်းသား အယောက် ၂၇၀ ကျော်ကို ပညာသင်ကြားပေးနေပါတယ်။
အဲဒီဂေဟာမှာ လီဆူမိဘမဲ့ကလေးတွေအများဆုံး ရှိပြီး ဂျိန်းဖော၊ လော်ဝေါ်၊ ဗမာ၊ ရှမ်း စတဲ့ တိုင်းရင်းသားလူမျိုးစုံ မိဘမဲ့ကလေးငယ်တွေ ကို စောင့်ရှောင်ပညာသင်ပေးနေတာဖြစ်ပါတယ်။
Photo: Kyaw Myo Min/RFA
No comments:
Post a Comment