အမေရိကန်သမ္မတ ဒေါ်နယ်ထရမ့်က ထိုင်းဝန်ကြီးချုပ် ပရာယွဒ် ချန်အိုချာထံ ယနေနံနက်စောစောက ဖုန်းအဆက်အသွယ် ပြုလုပ်ပြီး အိမ်ဖြူတော် ကို လာရောက် လည်ပတ်ဖို့ ဖိတ်ခေါ်ခဲ့သလို မြောက် ကိုရီးယား အရေးကို ဆွေးနွေးခဲ့ကြောင်းBangkok Post သတင်းကဆိုပါတယ်။
သမ္မတ ဒေါ်နယ်ထရမ့်ဟာ ထိုင်းဝန်ကြီးချုပ်ထံသာမက စင်ကာပူဝန်ကြီးချုပ် ထံသို့လည်း ဖုန်းဆက် ကာ မြောက်ကိုရီးယားအရေးကို ဆွေးနွေးခဲ့တာဖြစ်ပါတယ်။
အရှေ့တောင်အာရှ ခေါင်းဆောင်တချို့ကို အိမ်ဖြူတော်သို့ လာရောက်လည်ပတ်ရန် ဖိတ်ခေါ်နေရာ ဖိလစ်သမ္မတ ဒူတာတေးကိုလည်း ဖိတ်ခေါ်ခဲသလို၊ ဗီယက်နမ်ဝန်ကြီးကိုလည်း ဖိတ်ခေါ်ခဲ့ပြီးဖြစ်ပါ တယ်။
ထိုင်းဝန်ကြီးချုပ် ပရာယွဒ် ချန်အိုချာကတော့ အိမ်ဖြူတော်သို့ လာရောက်ဖို့ ရက်သတ်မှတ်ခြင်း မရှိ သေးပေမယ့်၊ သမ္မတဒေါ်နယ်ထရမ့်နဲ့ ဝန်ကြီးချုပ် ပရာယွဒ် ချန်အိုချာတို့ ၂ဦးလုံးက အာရှ- ပစ္စဖိတ် ဒေသ တည်ငြိမ်အေး ချမ်းရေးအတွက် သူတို့ရဲ့ ဆုံးဖြတ်ချက်တွေကိုထပ်လောင်းအတည်ပြုခဲ့တယ်လို့ သိရပါတယ်။
ဒါအပြင် နှစ်နိုင်ငံအကြား စီးပွားရေး၊ ကုန်သွယ်ရေးကဏ္ဍနှင့် ပတ်သက်ပြီး ပိုမိုခိုင်မာအောင် ပြုလုပ်ဖို့ လည်း ဆွေးနွေးခဲ့သလို၊ သမ္မတဒေါ်နယ်ထရမ့်ကလည်း သူ့ရဲ့ အစိုးရအနေနဲ့ အာရှမှာ ဦးဆောင်ကဏ္ဍ ကနေ ပါဝင်မှာဖြစ်ပြီး၊ ထိုင်းနိုင်ငံလို မဟာမိတ်တွေနဲ့ ပိုမိုနီးကပ်စွာ ဆက်ဆံမယ်လို့ ကတိပေးခဲ့ ကြောင်း သိရပါတယ်။
မြောက်ကိုရီယား အရေးနဲ့ ပတ်သက်ပြီးလည်း သံတမန်ရေးနဲ့ စီးပွားရေး ဖိအားပေးမှု လမ်းကြောင်း ဆက်လက်ထိန်းသိမ်းဖို့ ဆွေးနွေးတယ်လို့လည်း သိရပါတယ်။
ဧရာဝတီ
No comments:
Post a Comment