စစ်ကိုင်းပညာရေးကောလိပ်မှာ ကျင့်သုံးနေတဲ့ ကျောင်းအုပ်ချုပ်မှုစနစ်ကို ကန့်ကွက်ဆန္ဒပြခဲ့ကြတဲ့အတွက် အဖမ်းခံထားရတဲ့ ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် ဗကသ အဖွဲ့ဝင် ကျောင်းသား ၄ ယောက်ကို ဒီကနေ့ မန္တလေးမြို့ ချမ်းအေးသာစံမြို့နယ် တရားရုံးမှာ ရုံးထုတ်ရာမှာ သူတို့အားလုံးက တရားခွင်ကို သပိတ်မှောက်ကြပါတယ်။
တရားရုံးအနေနဲ့ ကြိုက်သလို စီရင်ဆုံးဖြတ်နိုင်တယ်လို့ တရားစီရင်ရေးကို သပိတ်မှောက်ခဲ့တဲ့ ရတနာပုံတက္ကသိုလ်ကျောင်းသားသမဂ္ဂမှ ဥပဒေကျောင်းသား ကိုရဲမျိုးဆွေ က ပြောပါတယ်။
ပြီးခဲ့တဲ့ ဧပြီလ ၂၆ ရက်နေ့က မန္တလေးမြို့ အဆင့်မြင့်ပညာဦးစီးဌာ(အထက်မြန်မာပြည်) ရုံးရှေ့မှာ ခွင့်ပြုချက်မတင်ပြပဲ ကျောင်းအုပ်ချုပ်ရေးစနစ်ကို ဆန္ဒပြခဲ့ကြတဲ့အတွက် ပုဒ်မ ၁၉ ငြိမ်းချမ်းစွာစုဝေးခြင်းနဲ့ စီတန်းလှည့်လည်ခြင်းဆိုင်ရာပုဒ်မနဲ့ ဖမ်းဆီးခံရတာ ဖြစ်ပါတယ်။ ဆန္ဒပြသူတွေက စစ်ကိုင်းပညာရေးကောလိပ်က ကိုဇော်ရဲထွဋ်၊ ဗကသများအဖွဲ့ချုပ်အဖွဲ့ဝင် ကိုနှင်းအောင်၊ ကိုရဲမျိုးဆွေ နဲ့ ကိုကောင်းဇော်ဟိန်း တို့ ဖြစ်ပါတယ်။
ဒီကနေ့ဟာ ပထမဆုံးအကြိမ် ရုံးထုတ်တာဖြစ်ပြီး ၄ ဦးစလုံးက တရားခွင်မှာ သပိတ်မှောက်ခဲ့ကြပေမဲ့ တရားလိုပြသက်သေ ရဲအုပ်ထင်လင်းကျော် အပါအဝင် ၄ ဦးကို စစ်ဆေးခဲ့ပါတယ်။
လာမဲ့ မေလ ၂ ရက်နေ့မှာတော့ အပြီးသတ်အမိန့်ချမှတ်သွားမယ်လို့ ချမ်းအေးသာစံမြို့နယ် တွဲဖက်တရားသူကြီး ဦးမောင်မောင်သက်လွင် က ပြောပါတယ်။
ပုဒ်မ ၁၉ အရ ထောင်ဒဏ် ၃လ နဲ့ ငွေဒဏ် ၃ သောင်း ချမှတ်နိုင်တဲ့အပြင် နှစ်ကြိမ်ကျူးလွန်သူတွေကိုတော့ ထောင်ဒဏ် ၁ နှစ် နဲ့ ငွေဒဏ် ၁ သိန်း အထိ ချမှတ်နိုင်ပါတယ်။
Photo: Hset Paing Toe/RFA
No comments:
Post a Comment