Latest News

Friday, March 3, 2017

အခွန်ကိစ္စနဲ့ ပတ်သက်ပြီး ပြန်ဖြေရှင်းလိုက်တဲ့ အနုပညာရှင်လေးဦး

အခွန်ကိစ္စနဲ့ ပတ်သက်ပြီး ပြန်ဖြေရှင်းလိုက်တဲ့ အနုပညာရှင်လေးဦး


အခွန်ကိစ္စနဲ့ ပတ်သက်ပြီး လူမင်း၊ခင်လှိုင်၊ ထွန်းအိန္ဒြာဗို၊ အိန္ဒြာကျော်ဇင်တို့က ကိုယ်ပိုင်လူမှုကွန်ယက် စာမျက်နှာပေါ်တွေမှာ ပြန်လည်ဖြေရှင်းထားတာတွေ တွေ့ရပါတယ်။ ပြည်တွင်းအခွန်များဦးစီးဌာနက ထုတ်ပြန်တဲ့ အခွန်ဆောင်တဲ့ အနုပညာရှင်များ စာရင်းထုတ်ပြန်ပြီး နောက်ပိုင်းမှာတော့ ပြန်လည်ဖြေရှင်းထားတာပါ။

အခွန်ဆောင်တဲ့ စာရင်းထဲမှာ မပါဝင်တဲ့ မြန်မာနိုင်ငံရုပ်ရှင်အစည်းအရုံး ဥက္ကဌ ဦးလူမင်းကတော့ ကိုယ်ပိုင်ဖေ့စ်ဘွတ်အကောင့်ကနေ မတ်လ(၁)ရက်နေ့က ပြည်တွင်းအခွန်များဦးစီး ဌာနသို့ လိပ်မူပြီး ယခုလိုရေးသားပါတယ်။

"ပြည်တွင်းအခွန်များဦးစီး ဌာနသို့ အသိပေးကြေညာချက် ထုတ်ပြန်ရာတွင် ‘ကျသင့်သည့်အ ခွန်များကို တာဝန်ကျေပွန်စွာ ထမ်းဆောင်ခဲ့သော အနုပညာရှင် များစာရင်းကို အသိပေးကြေညာ အပ်ပါသည်’ဟု ရေးသားထားပါ သဖြင့် ဖော်ပြပါ အနုပညာရှင် ၁၉ ဦးမှလွဲ၍ ကျန်အနုပညာရှင် များသည် အခွန်လုံးဝထမ်းဆောင် ခြင်းမရှိဟု အဓိပ္ပာယ်သက်ရောက် နေပါသည်။ သို့သော် ကျွန်တော် အပါအဝင် နှစ်စဉ်အခွန်ထမ်း ဆောင်သော အနုပညာရှင်များ စွာရှိနေပါသေးသည်။ ယခုဘဏ္ဍာနှစ်ကုန်ဆုံးရန်လည်း ရက်အနည်း ငယ်ကျန်ရှိနေသေးသည်ဖြစ်ရာ ၂၀၁၆-၁၇ ဘဏ္ဍာနှစ်အတွက် သာ ထမ်းဆောင်ရန် ကျန်ရှိနေ ခြင်းများလည်း ဖြစ်နိုင်ပါသည်။ ကျွန်တော် ကိုယ်တိုင်လည်း ၂၀၁၅-၁၆ ဘဏ္ဍာနှစ်အထိ အ ခွန်ထမ်းဆောင်ခဲ့ပြီးဖြစ်၍ ယခုနှစ်အတွက်လည်း ထမ်းဆောင်မည် ဖြစ်ပါတယ်’’လို့ ရေးသားထားပါတယ်။

နောက်ထပ်အခွန်ကိစ္စနဲ့ ပတ်သက်ပြီး ခင်လှိုင်ကလည်း အခွန်ကိစ္စနဲ့ ပတ်သက်ပြီး လူမင်းရေးသားထားတဲ့ ပို့စ်အောင်မှာ ယခုလို ကောမန့်ဝင်ရေးပြီး ပြောထားပါတယ်။

"ကျွန်တော်လဲ၁၉၉၇ခုနစ်ထဲကဗိုလ်တစ်ထောင်အခွန်ဦးစီးရုံးမှာစဆောင်ခဲ့တယ်နောက်တော့တောင်ဥက္ကလာကို၂၀၀၀၀ခုနှစ်မှာပြောင်းတော့လဲလိပ်စာပြောင်းပြီးဆက်ဆောင်ပါတယ်နောက်ပြီးကျောက်မြောင်းကိုပြောင်းတော့လဲတာမေအခွန်ဦးစီးမှာ၂၀၁၀ထိဆောင်ခဲ့တယ်နောက်ပိုင်းအခွန်ရုံးကစာမပို့တော့လို့မဆောင်ဖြစ်တော့တာအခုတော့သွားပြီးစုံစမ်းရတော့မယ်"လို့ ပြောပါတယ်။

ထွန်းအိန္ဒြာဗိုကလည်း အခွန်ဆောင်ကြောင်းကို ပြောထားပါသေးတယ်။

‘‘ကျွန်မ ထွန်းအိန္ဒြာဗိုသည် ၁၉၉၃ ကစ၍ ၂၀၁၄ အထိ နှစ် စဉ် အခွန်ဆောင်ခဲ့ပြီးပါကြောင်း၊ ၂၀၁၅ မှာ အနုပညာအလုပ်များ ရပ်နားလိုက်ကြောင်း ကြေညာပြီး ပရဟိတပွဲများမှာ မေတ္တာဖြင့် ဒါန ပြုခြင်းမှလွဲ၍ အနုပညာကြေးရ ယူပြီး အလုပ်မလုပ်ခဲ့ပါကြောင်း နှင့် ၂၀၁၆ နှစ်လယ်လောက်မှ ယနေ့အထိ ဇာတ်ကားတချို့ပြန် လည်လက်ခံရိုက်ကူးခဲ့ကြောင်း ကို နားမလည်သည့် တချို့သူများ သိစေအပ်ပါသည်’’လို့ သူမရဲ့ ကိုယ်ပိုင်ဖေ့စ်ဘွတ်ပေါ်မှာ ရေးထားပါတယ်။

အိန္ဒြာကျော်ဇင်ကတော့ ကိုယ်ပိုင်ဖေ့စ်ဘွတ်မှာ ယခုလိုရေးထားပါတယ်။

"နှစ်စဉ်ဆောင်နေကျ အ ခွန် အိန္ဒြာကျော်ဇင်တို့ ကားရိုက် နားထားလိုက်ရလို့ ဒီတစ်ခါ ၂၀၁၆-၁၇ အတွက် အခွန် မဆောင်ရပါဘူးရှင်။ ဦးစီး ဦးတီ ပဲ အခွန်ဆောင်ရပါတယ်ရှင့်။ သာမီးအခွန်လွတ်တဲ့နှစ် ဖြစ်ပါ တယ်ရှင့်။ Page ကနေ တရားဝင် ပြောပါတယ်ရှင့်’’ လို့ ဆိုပါတယ်။

ပြည်တွင်းအခွန်များဦးစီးဌာနက ၂၀၁၆-၂၀၁၇အတွက် အခွန်ဆောင်တဲ့ အနုပညာရှင်များစာရင်းကို ထုတ်ပြန်ကြေညာရာမှာ အနုပညာရှင်(၁၉)ဦးသာရှိခဲ့ပြီး အခွန်ဆောင်ဖို့ ကျန်နေတဲ့ အနုပညာရှင်များကို သက်ဆိုင်ရာ မြို့နယ်အခွန်ဦးစီးဌာနရုံးတွေကို ဆက်သွယ်ပြီး ဘဏ္ဍာနှစ်မတိုင်မီ အခွန်ဆောင်ဖို့ကိုလည်း တိုက်တွန်းထားပါတယ်။

Source : 7day Daily : Duwun

No comments:

Post a Comment