ခြစားမှုနှင့် အာဏာ အလွဲသုံးစားမှု အရှုပ်တော်ပုံကြောင့် ရာထူးမှ ဖြုတ်ချခံခဲ့ရသော တောင်ကိုရီးယားသမ္မတဟောင်း ပက်ကွမ်ဟီးသည် မတ် ၃၁ ရက် အစောပိုင်းက ဖမ်းဆီးခံခဲ့ရသည်။ တရားရုံးတွင် အလျင်အမြန် ကြားနာခဲ့ပြီးနောက် လာဘ်ပေးလာဘ်ယူမှု၊ အာဏာ အလွဲသုံးစားမှု၊ ဖိအားပေးစေခိုင်းမှု၊ အစိုးရလျှို့ဝှက်ချက်များ ပေါက်ကြားစေမှုစွဲချက်များဖြင့် ဆိုးလ်ခရိုင်တရားရုံးက ပက်အား ဖမ်းဝရမ်း ထုတ်ခဲ့ခြင်းဖြစ်သည်။
“အဓိက စွဲချက်တွေဟာ မှန်ကန်ကြောင်း ဆုံးဖြတ်ခဲ့ပြီး သက်သေ အထောက်အထားတွေ ဖျက်ဆီးခံရမယ့် အန္တရာယ်ရှိနေတာကြောင့် (ပက်ကို) ဖမ်းဆီးဖို့ လိုအပ်နေပါတယ်” ဟု တရားရုံးက ကြေညာချက်တွင် ဖော်ပြခဲ့သည်။
ပက်အား ထိန်းသိမ်းသင့် မထိန်းသင့်ကို တရားသူကြီးက မဆုံးဖြတ်မီ တရားရုံးတွင် ကိုးနာရီနီးပါး ကြားနာခဲ့ပြီးနောက် အစိုးရရှေ့နေရုံးမှနေ၍ ဆိုးလ်အနီးရှိ ထိန်းသိမ်းရေးစခန်းသို့ ချက်ချင်းခေါ်ဆောင် သွားခဲ့ပြီဖြစ်သည်။
စိတ်ပျက်ပြီး ဖျော့တော့နေပုံရသော ပက်သည် မီဒီယာများကို ဥပက္ခောပြုခဲ့ပြီး ဆိုးလ်ခရိုင်တရားရုံးသို့ ရောက်လာချိန်တွင် စကားပြောကြားခဲ့ခြင်း မရှိသလို ထွက်ခွာချိန်တွင်လည်း စကားမပြောခဲ့ပေ။
ပက်ကွမ်ဟီးအား ထိန်းသိမ်းခြင်းသည် တောင်ကိုရီးယား၏ ပထမဆုံးအမျိုးသမီး သမ္မတကို အရှက်ရစေခဲ့ပြီး ပြီးခဲ့သည့်နှစ်တွင် ပက်၏ခေါင်းဆောင်မှုအား ပြည်သူ သန်းပေါင်းများစွာက ကန့်ကွက်ဆန္ဒပြမှုများ၏ အဓိက တောင်းဆိုချက်တစ်ခုဖြစ်သည်။
အသက် ၆၅ နှစ်အရွယ် ပက်သည် ယခုလအစောပိုင်းတွင် တရားရုံးချုပ်၏ ရာထူးမှ ထုတ်ပယ်ခြင်း ခံခဲ့ရ ပြီးနောက် တရားစွဲဆိုခံရမှုအတွက် အကာအကွယ်ရရှိထားမှုကို ဆုံးရှုံးခဲ့ပြီးဖြစ်သည်။ ပက်က စွပ်စွဲချက်များကို ငြင်းဆိုထားသည်။
အရှုပ်တော်ပုံတွင် ဗဟိုချက်ဖြစ်သော ပက်၏လျှို့ဝှက်လူယုံ ချွိုင်ဆွန်ဆီသည် ဆမ်ဆောင်းအပါအ၀င် တောင်ကိုရီးယားထိပ်တန်း ကုမ္ပဏီများအား ၎င်း၏ ဖောင်ဒေးရှင်းများသို့ ဒေါ်လာသန်း ၇၀ နီးပါးလှူဒါန်းရန် ဖိအားပေးခဲ့မှုအတွက် ရုံးတင်စစ်ဆေးခံနေရပြီး ဖြစ်သည်။ ပက်သည် အာရှ၏ စတုတ္ထအကြီးဆုံး စီးပွားရေးတောင်ကိုရီးယားတွင် ခြစားမှုအတွက် ဖမ်းဆီးခံခဲ့ရသော တတိယမြောက် သမ္မတဟောင်း ဖြစ်လာခဲ့သည်။ တောင်ကိုရီးယားတွင် နိုင်ငံရေးနယ်ပယ်နှင့် စီးပွားရေး လုပ်ငန်းကြီးများသည် နီးနီးကပ်ကပ် ဆက်နွှယ်နေကြသည်။
ပက်ကို ကျဆုံးစေခဲ့သော အရှုပ်တော်ပုံနှင့်ဆက်နွှယ်၍ တောင်ကိုရီးယား အီလက်ထရွန်နစ်ကုမ္ပဏီ၏ ဒုဥက္ကဋ္ဌလီဂျဲယောင်သည် ပြီးခဲ့သည့်လတွင် ဖမ်းဆီးခံခဲ့ရသည်။ တောင်ကိုရီးယား အာဏာရှင်ဟောင်း ပက်ချုံဟီး၏ သမီးဖြစ်သူ ပက်ကွမ်ဟီးသည် ၂၀၁၂ ခုနှစ်တွင် တောင်ကိုရီးယား၏ ဒီမိုကရက်တစ်သမိုင်း၌ မည်သည့်ကိုယ်စားလှယ်မှ မရခဲ့ဖူးသော ထောက်ခံမဲအများစုကို ရရှိခဲ့ပြီး သမ္မတဖြစ်လာခဲ့သူဖြစ်သည်။
ပက်သည် အထက်တန်းကျောင်းသာပြီးပြီး တရားဝင် အစိုးရရာထူးမရှိသူ မိတ်ဆွေချွိုင်အား ထိပ်တန်းရာထူးများ ခန့်အပ်မှု အပါအ၀င် နိုင်ငံရေးရာအမျိုးမျိုးကို ကိုင်တွယ်ခွင့်ပေးခဲ့ကြောင်း စွပ်စွဲခံရပြီးနောက် အရှုပ်တော်ပုံကြီးမားခဲ့ပြီး ပြီးခဲ့သည့်ဒီဇင်ဘာတွင် ပါလီမန်၌ စွပ်စွဲပြစ်တင်ခံခဲ့ရသည်။
၁၉၆၁ မှ ၁၉၇၉ ခုနှစ်အထိ တောင်ကိုရီးယားကို ဖိနှိပ်အုပ်ချုပ်ခဲ့သော ဖခင်ဖြစ်သူ နှင့် ၎င်းကိုယ်တိုင်အား ဝေဖန်ခဲ့သော အနုပညာရှင်အမြောက်အမြားကို ပက်က နှိပ်ကွပ်ခဲ့ကြောင်းလည်း စွပ်စွဲခံထားရသည်။ အရှုပ်တော်ပုံကြောင့် ဖြစ်ခဲ့ရသော စိတ်ပျက်စေမှုအတွက် ပက်က အကြိမ်ကြိမ်တောင်းပန်ခဲ့သော်လည်း အမှားကျူးလွန်ခဲ့သည်ဟု ၀န်ခံမထားဘဲ ချွိုင်ဆွန်ဆီသည် ခင်မင်ရင်းနှီးမှုကို အလွဲသုံးစားပြုခဲ့ကြောင်း ပက်က အပြစ်တင်ထားသည်။
Eleven Media Group
No comments:
Post a Comment