Latest News

Wednesday, March 1, 2017

၂၁ ပင်လုံညီလာခံကို အင်းတော်မြို့မှာ ထောက်ခံကြိုဆို

၂၁ ပင်လုံညီလာခံကို အင်းတော်မြို့မှာ ထောက်ခံကြိုဆို

နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် အကောင်အထည်ဖော်နေတဲ့ ၂၁ ရာစု ပင်လုံညီလာခံ ကို ထောက်ခံကြိုဆိုတဲ့အနေနဲ့ စစ်ကိုင်းတိုင်းဒေသကြီး အင်းတော်မြို့မှာ ဒီနေ့ ဒေသခံ ၄၀၀ ကျော်က စုပေါင်းလမ်းလျှောက်ချီတက်ခဲ့ကြပါတယ်။

ငြိမ်းချမ်းမှသာ ပြည်သူအားလုံး လုံခြုံစိတ်ချစွာနဲ့ သွားလာလုပ်ကိုင်ဖို့ အဆင်ပြေမှာဖြစ်တယ်လို့ ထောက်ခံကြိုဆိုပွဲမှာ ပါဝင်တဲ့ ဒေသခံ ဦးသိန်းဝင်း က ပြောပါတယ်။

ချီတက်လမ်းလျှောက်ကြတဲ့ ဒေသခံတွေဟာ နိုင်ငံတော် အလံတွေနဲ့ ၂၁ ရာစု ပင်လုံညီလာခံကို ထောက်ခံကြိုဆိုကြောင်း ပိုစတာတွေ ကိုင်ဆောင်ပြီး အင်းတော်မြို့ တစ်ပတ် လမ်းလျှောက်ခဲ့ကြတာဖြစ်ပါတယ်။

ဒီနေ့ ထောက်ခံကြိုဆိုပွဲကို အင်းတော်မြို့နယ် NLD ပါတီ က ဦးဆောင်တာဖြစ်ပြီး မဲဇာ၊ အလယ်ဆိပ်၊ သံဘို၊ မော်လူး၊ မော်တိတ် စတဲ့ ကျေးရွာအုပ်စု ၄၃ ခု က ရှမ်း၊ ဗမာ၊ ကတူး၊ ကနန်း စတဲ့ ဒေသခံ တိုင်းရင်းသားတွေ ပူးပေါင်းပါဝင်ခဲ့ကြပါတယ်။

ရှမ်းပြည်နယ် ပင်လုံမြို့မှာ ပြီးခဲ့တဲ့ ဖေဖော်ဝါရီလ ၁၂ ရက်နေ့ က ပြုလုပ်ခဲ့တဲ့ နှစ် ၇၀ မြောက် ပြည်ထောင်စုနေ့ အခမ်းအနားမှာ တစ်နိုင်ငံလုံး အပစ်အခတ်ရပ်စဲရေးစာချုပ် NCA မှာ လက်မှတ် မရေးထိုးရသေးတဲ့ လက်နက် ကိုင် တိုင်းရင်းသား အဖွဲ့တွေအနေနဲ့ သတ္တိရှိရှိ နဲ့ လက်မှတ်ရေးထိုးကြဖို့ နိုင်ငံတော်အတိုင်ပင်ခံ ပုဂ္ဂိုလ်က တိုက်တွန်း ဖိတ်ခေါ်ခဲ့ပါတယ်။

Photo: Ko Thein Win

( ၂၁ ပင်လုံညီလာခံကို စစ်ကိုင်းတိုင်းဒေသကြီး အင်းတော်မြို့မှာ မတ်လ ၁ ရက်နေ့က ထောက်ခံကြိုဆိုစဉ် )
RFA

No comments:

Post a Comment