မြန်မာနိုင်ငံမှာ သဘာဝဘေးကြောင့် နှစ်စဉ် အမေရိကန်ဒေါ်လာ ၂.၁ ဘီလီယံဖိုးလောက် ပျက်စီး ဆုံးရှုံးနိုင်တယ်လို့ လူမှုဝန်ထမ်း၊ကယ်ဆယ်ရေးနဲ့ ပြန်လည်နေရာချထားရေးဝန်ကြီး ဒေါက်တာ ၀င်းမြတ်အေးက ပြောပါတယ်။
နေပြည်တော်က Park Royal Hotel မှာ ဒီကနေ့ ကျင်းပတဲ့ သဘာဝဘေး ရင်ဆိုင်တုန့်ပြန်နိုင်စွမ်း မြင့်မားစေရေး အမျိုးသားအဆင့်မူဘောင် စာအုပ်မိတ်ဆက်ပွဲအခမ်းအနားမှာ ၀န်ကြီး ဒေါက်တာဝင်းမြတ်အေးက အဲဒီလိုပြောတာဖြစ်ပါတယ်။
ဒီကနေ့မိတ်ဆက်တဲ့ မူဘောင်မှာဖော်ပြထားတဲ့ လူထုအခြေပြု ဖွံ့ဖြိုးတိုးတက်ရေးစီမံကိန်းတွေ၊ လူမှုကာကွယ်စောင့်ရှောက်ရေး အစီအစဉ်တွေနဲ့ လူထုဦးဆောင်တဲ့ သစ်တောစိုက်ခင်းတွေကို အောင်အောင် မြင်မြင်အကောင်အထည်ဖော်နိုင်ဖို့အတွက် အစိုးရနဲ့ နိုင်ငံတကာအဖွဲ့အစည်းတွေကနေ လိုအပ်တဲ့ အရင်းအမြစ်တွေရရှိအောင် ကြိုးစားပေးကြဖို့လည်း ၀န်ကြီး က တိုက်တွန်းခဲ့ပါတယ်။
ဒါ့အပြင် လက်ရှိလုပ်ဆောင်နေတဲ့ ဖွံ့ဖြိုးတိုးတက်ရေးလုပ်ငန်းတွေမှာ သဘာဝဘေးကြောင့် ထိခိုက်ဆုံးရှုံးနိုင်ခြေ လျော့ပါးစေရေးလုပ်ငန်းတွေကို ထပ်မံအားဖြည့်သွားဖို့အတွက်လည်း ဒေါက်တာဝင်းမြတ်အေး က တိုက်တွန်းသွားပါတယ်။
မြန်မာနိုင်ငံမှာ ၁၉၈၀ ခုနှစ်ကနေ ၂၀၁၅ ခုနှစ်အထိ ဖြစ်ပွားခဲ့တဲ့ သဘာဝဘေးတွေကြောင့် လူဦးရေ ၁ သိန်း ၄ သောင်းနီးပါး အသက်ဆုံးရှုံးခဲ့တယ်လို့ သိရပါတယ်။
ဒါ့အပြင် လူဦးရေ ၅ သန်းကျော်ရဲ့ ဘ၀တွေနဲ့ အသက်မွေးဝမ်းကြောင်းလုပ်ငန်းတွေ ထိခိုက်ခဲ့ပြီး ပျက်စီးဆုံးရှုံးမှုတန်ဖိုး အမေရိကန်ဒေါ်လာ ၅ ဘီလီယံဖိုး လောက်ရှိတယ်လို့ သိရပါတယ်။
အစိုးရအနေနဲ့ လာမယ့် ၂၀၁၇- ၁၈ ဘဏ္ဍာနှစ်အတွက် သဘာဝဘေးအန္တရာယ် ကာကွယ်ရေး ရန်ပုံငွေအဖြစ် ငွေကျပ် ဘီလီယံ ၂၀ လျာထားတယ်လို့ သိရပါတယ်။
Photo: Win Naung Toe/RFA
No comments:
Post a Comment