ဇနီးမောင်နှံ
သိန်း(၂၀၀)တန်ဖိုး ရွှေဝတ်စုံနဲ့ တက်မှာ ဖြစ်ပါတယ်။
မြန်မာပြည်သိန်းတန်တို့ ဇနီးမောင်နှံကတော့ ဒီနှစ်အကယ်ဒမီပေးပွဲကို သိန်း(၂၀၀)တန်ဖိုးရှိတဲ့ ရွှေဝတ်စုံနဲ့ တက်ရောက်မှာပါ။ ဝတ်စုံကိုတော့ Aroma က စီစဉ်ပေးထားတာဖြစ်ပြီး ဝတ်စုံဒီဇိုင်းဘယ်လိုချုပ်မလဲဆိုတာကိုတော့ မသိရသေးပါဘူး။ ရွှေတွေနဲ့ပေါင်းစပ်ပြီး ဒီဇိုင်နာ ကိုအောင်မြတ်သူက ပုံဖော်ပေးသွားမှာ ဖြစ်ပါတယ်။
ဒီနှစ်အကယ်ဒမီပေးပွဲမှာတော့ သရုပ်ဆောင်တချို့က ရွှေအစစ်နဲ့ ချုပ်လုပ်ထားတဲ့ ဝတ်စုံတွေကို ဝတ်ဆင်ကြမယ်ဆိုတဲ့ သတင်းတွေက လူမှုကွန်ယက်ပေါ်မှာ တွေ့မြင်နေရပါတယ်။ အဲ့ထဲမှာတော့ အိချောပိုနဲ့၊ မြန်မာပြည်သိန်းတန်တို့ဇနီးမောင်နှံလည်း အပါအဝင်ဖြစ်ပါတယ်။
မြန်မာပြည်သိန်းတန်အတွက် ဝတ်စုံကိုတော့ဒီဇိုင်နာ ကိုအောင်မြတ်သူက ရွှေနဲ့လုပ်ထားတဲ့ နဂါးအရုပ်လေးတွေနဲ့ ဖန်တီးပေးထားပြီး ဦးသိန်းတန်ရဲ့ ဇနီးကိုတော့ ရွှေနဲ့လုပ်ထားတဲ့ ဒေါင်းလေးတွေနဲ့ ဖန်တီးချုပ်လုပ်ထားတယ်လို့ အကုန်သိ သတင်းဌာနကို ဖြေဆိုပေးထားပါတယ်။ မြန်မာပြည်သိန်းတန်တို့ ဇနီးမောင်နှံအတွက် ရွှေတွေကို ဝိန့်စိန်ရွှေဆိုင်က စီစဉ်ပေးထားတာ ဖြစ်ပြီး ပိုးထည်ကိုတော့ အမရပူရနန်းခေတ်ပိုးထည်တိုက်က စီစဉ်ပေးထားတယ်လို့ ယင်းအင်တာဗျူးမှာ ဖြေဆိုထားပါတယ်။
ဂီတလောကထဲမှာ ဆယ်စုနှစ်များစွာ ရပ်တည်လာခဲ့တဲ့ အဆိုတော် မြန်မာပြည်သိန်းတန်ကတော့ လက်ရှိအချိန်မှာ Myanmar Idol ရဲ့ ဒိုင်တစ်ဦးအဖြစ် ဆောင်ရွက်နေသလို ရုပ်ရှင်ဇာတ်ကားလည်း ရိုက်ကူးဖို့ ရှိတယ်လို့ သိရပါတယ်။ "အဆိုတော်တွေနေတဲ့ရွာ" ရုပ်ရှင်ဇာတ်ကားကို ဇေရဲထက်၊ တက္ကသိုလ်ဂွမ်းပုံတို့နဲ့အတူ ရိုက်ကူးသွားမှာ ဖြစ်ပါတယ်။မြန်မာပြည်သိန်းတန်ဟာ ၂၀၁၆ခုနှစ်ထဲမှာ "ဖက်ရှင်" ရုပ်ရှင်ဇာတ်ကားကို ဇနီးဖြစ်သူနဲ့အတူ ပါဝင်ရိုက်ကူးခဲ့ပြီး ဒီတစ်ခါရိုက်ကူးမယ့် "အဆိုတွေနေတဲ့ရွာ" ရုပ်ရှင်ဇာတ်ကား ကတော့ သူ့ရဲ့ ဒုတိမြောက် ဇာတ်ကားဖြစ်ပါတယ်။
Duwun
No comments:
Post a Comment