တိုင်းပြည်သယံဇာတ တရားမ၀င် ထုတ်လုပ်ရောင်းချနေမှုများအား တပ်မတော်က ဖမ်းဆီးရမိခဲ့သည့် ပမာဏသည်ပင် အမြောက်အမြားရှိခဲ့ပြီး ပြည်ပသို့တရားမ၀င်ရောက်ရှိသွားသည့် သယံဇာတ ပမာဏသည် ခန့်မှန်း၍မရနိုင်သည့်အတွက် နှမြောစရာ၊ သံဝေဂရစရာကောင်းကြောင်း ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီးမြထွန်းဦးက ပြောကြားသည်။
''တရုတ်နိုင်ငံကို အလည်သွားခဲ့စဉ်က ကွမ်ကျိုးမြို့ကို ရောက်ပါသည်။ ကျွန်တော်တို့တည်းတဲ့ဟိုတယ်မှာ ကျောက်စိမ်းတွေနဲ့ အလှဆင်ထားပါတယ်။ ကျောက်စိမ်းဈေးကြီး ကွမ်ကျိုးမှာရှိတယ်။ ကျောက်စိမ်းတွေ ဘယ်ကရသလဲမေးတော့ မြန်မာနိုင်ငံကရတာတဲ့။ ကမ္ဘာပေါ်မှာ အကြီးဆုံး ကျောက်စိမ်းဈေးတဲ့။ ဒီပစ္စည်းတွေ ဘယ်လိုနည်းနဲ့ရောက်သွားသလဲ။ အင်မတန် နှမြောဖို့ကောင်းပါတယ်''ဟု ဗိုလ်ချုပ်ကြီးမြထွန်းဦးက ပြောကြားခဲ့သည်။
ဖေဖော်ဝါရီ ၂၈ ရက်တွင် နေပြည်တော်၊ ဘုရင့်နောင်ရိပ်သာ၌ ရခိုင်ပြည်နယ်၊ မောင်တောဒေသ အကြမ်းဖက်မှုဖြစ်စဉ်၊ ရှမ်းပြည်နယ်အရှေ့မြောက်ဒေသ၌ တိုင်းရင်းသားလက်နက်ကိုင်များနှင့် ဖြစ်ပွားခဲ့သည့်တိုက်ပွဲများနှင့်ပတ်သက်၍ ပြုလုပ်သည့်သတင်းစာရှင်းလင်းပွဲတွင် ဗိုလ်ချုပ်ကြီးမြထွန်းဦးက ထိုသို့ပြောကြားခဲ့ခြင်း ဖြစ်သည်။
အဆိုပါသတင်းစာရှင်းလင်းပွဲတွင် ထုတ်ပြန်ခဲ့သည့် အချက်အလက်များအရ ၂၀၁၇ ခုနှစ် ဖေဖော်ဝါရီ ၉ ရက်တွင် ကချင်ပြည်နယ်၊ ဖားကန့်ဒေသမှ တရားမ၀င်ကျောက်စိမ်းသယ်ဆောင်လာသည့် ကားများ၏ အောက်ကြမ်းခင်းနှင့် ရေတိုင်ကီများအတွင်း တရားမ၀င်ကျောက်စိမ်း (ခန့်မှန်း ၂၁ တန်ကျော်) သိုဝှက်သယ် ဆောင်လာသည်ကို တပ်မတော်နှင့်တာဝန်ရှိသူများက ဖမ်းဆီးရမိခဲ့ကြောင်း သိရသည်။ ''နောက်တခုက သစ်နဲ့ပတ်သက်လို့ ၂၀၁၆ ခုနှစ်အတွင်းမှာ သစ်တန်ချိန် ပေါင်း ၈၅၄၁ ဒသမ ၃၈ တန်ဖြစ်ပြီး ကာလတန်ဖိုး ကတော့ ကျပ်သိန်း ၄၆၅၈၀ တန်ဖိုးရှိပါတယ်။ မြောက်မြားလှစွာသော ငွေပမာဏတွေသည် ဖမ်းဆီးရမိတဲ့အပေါ် တွက်ထားတဲ့တန်ဖိုးတွေ ဖြစ်ပါတယ်။ ဖမ်းဆီးရမိမှုမရှိဘဲ ပြည်ပသို့ရောက်သွားတဲ့ အရေအတွက် ဘယ်လောက်ရှိနေလဲ။ နိုင်ငံတော်အတွက် ဘယ်လောက်ဆုံးရှုံးနစ်နာနေပြီလဲဆိုတာ ကျွန်တော်တို့သံဝေဂရစရာတွေ ကောင်းတဲ့အနေအထား ဖြစ်ပါတယ်''ဟုလည်း ဗိုလ်ချုပ်ကြီးမြထွန်းဦးက ပြောကြားခဲ့သည်။
၂၀၁၇ ခုနှစ် ဇန်န၀ါရီ ၁၃ ရက်နှင့် ၁၈ ရက်တို့တွင် ကင်းထောက်လေယာဉ်များ၏ထောက်လှမ်းမှုဖြင့် ကချင်ပြည်နယ်နှင့် ရှမ်းပြည်နယ်မြောက်ပိုင်း ဆက်စပ်နယ်မြေတွင် ရွှေလီမြစ်အနီးစုပုံထားသည့် သစ်များ၊ သစ်တင်ယာဉ်များတွေ့ရှိရသောကြောင့် တပ်မတော်စစ်ကြောင်းများက နယ်မြေရှင်းလင်းရာတွင် တရားမ၀င်သစ်မျိုးစုံ ၄၂၇ တန်၊ သစ်တင်ယာဉ်မျိုးစုံ ၇၅ စီး၊ သစ်စက် ၈ လုံး၊ စက်လှေ ၄ စီးတို့အား ဖမ်းဆီးရမိခဲ့ကြောင်းလည်း အဆိုပါ သတင်းစာရှင်းလင်းပွဲအချက်အလက်များအရ သိရသည်။ ၂၀၁၆ ခုနှစ်အတွင်း မူးယစ်ဆေးဝါးဖမ်းဆီးရရှိမှုအနေဖြင့် ဘိန်းဖြူ၊ ဘိန်းစိမ်း၊ ဘိန်းမည်း၊ ဆေးခြောက်နှင့် စိတ်ကြွရူးသွပ်ဆေးပြားများ တန်ဖိုးအားဖြင့် ငွေကျပ် ၁၆၃ ဒမသ ၆၃ ဘီလီယံကျော်အားလည်းကောင်း၊ ၂၀၁၇ ခုနှစ် ဇန်န၀ါရီလတွင်လည်း ဘိန်းဖြူ ၅ ဒသမ ၃၉ ကီလိုဂရမ်၊ ဘိန်းစိမ်း ၁ ဒသမ ၉ ကီလိုဂရမ်၊ ဘိန်းဆီ ၀ ဒသမ ၀၃ ကီလိုဂရမ်၊ စိတ်ကြွရူးသွပ် ဆေးပြား ၁ ဒသမ ၃ သိန်းပြား၊ တန်ဖိုးအားဖြင့် ငွေ ကျပ် ၁ ဒသမ ၂၂ ဘီလီယံကျော်အားလည်းကောင်း၊ ၂၀၁၇ ခုနှစ် ဖေဖော်ဝါရီ ၂၆ ရက်တွင် ဟဲဟိုးမြို့နယ် ဘ၀သံသရာ တံတားအနီး၌ စိတ်ကြွရူးသွပ်ဆေးပြား ၆၀ ဒသမ ၅ သိန်းပြား၊ တန်ဖိုးအားဖြင့် ငွေ ကျပ် ၆ ဒသမ ၀၅ ဘီလီယံ ခန့်အားလည်းကောင်း တပ်မတော်က ဖမ်းဆီးရမိခဲ့ကြောင်း သိရသည်။
ထွန်း(နေပြည်တော်)
News Watch
No comments:
Post a Comment