Latest News

Wednesday, March 1, 2017

မွန်ပြည်နယ်ဝန်ကြီးချုပ်အဖြစ် ဒေါက်တာအေးဇံ ကျမ်းသစ္စာကျိန်ဆို

မွန်ပြည်နယ်ဝန်ကြီးချုပ်အဖြစ် ဒေါက်တာအေးဇံ ကျမ်းသစ္စာကျိန်ဆို

လစ်လပ်နေတဲ့ မွန်ပြည်နယ်ဝန်ကြီးချုပ် နေရာအတွက် ကျိုက်ထိုမြို့နယ် ပြည်နယ်လွှတ်တော် မဲဆန္ဒနယ်အမှတ် (၂) ကိုယ်စားလှယ် ဒေါက်တာအေးဇံကို နိုင်ငံတော်သမ္မတက အဆိုပြုတင်ပြရာ မွန်ပြည်နယ်လွှတ်တော်မှာ ကန့်ကွက်သူမရှိတာကြောင့် ဒီနေ့ အတည်ပြုလိုက်ပါတယ်။

မွန်ပြည်နယ်ဝန်ကြီးချုပ် ဦးမင်းမင်းဦးနှုတ်ထွက်ပြီးတဲ့နောက် လစ်လပ်နေတဲ့ ဝန်ကြီးချုပ်ရာထူးကို နိုင်ငံတော်သမ္မတက ဒေါက်တာအေးဇံကို အဆိုပြုတာဖြစ်ပါတယ်။ လွှတ်တော်မှာ ကန့်ကွက်သူ မရှိကြောင်း နိုင်ငံတော်သမ္မတထံ အကြောင်းပြန်ကြားပြီးနောက် ဒေါက်တာ အေးဇံက မွန်ပြည်နယ် ဝန်ကြီးချုပ်အဖြစ် လွှတ်တော်မှာ ကျမ်းသစ္စာကျိန်ဆိုခဲ့ပါတယ်။

မွန်ပြည်နယ်ဝန်ကြီးချုပ် အသစ်ဖြစ်တဲ့ ဒေါက်တာအေးဇံ က သူ့အနေနဲ့ ပြည်နယ်လွှတ်တော်နဲ့ ပူးပေါင်းဆောင်ရွက်သွားမှာဖြစ်ကြောင်း လွှတ်တော်မှာ ပြောကြားခဲ့ပါတယ်။

ဒေါက်တာအေးဇံဟာ မုဒုံဇာတိဖြစ်ပြီး အမျိုးသားဒီမိုကရေစီအဖွဲ့ချုပ်ပါတီမှာ ဗဟိုအလုပ်မှုဆောင် အဖြစ် ဆောင်ရွက်ခဲ့သူဖြစ်ပြီး ၁၉၉၀ ခုနှစ် ရွေးကောက်ပွဲမှာ ကျိက်ထိုမဲဆန္ဒနယ် အမှတ် ၂ ကနေ ဝင်ရောက်ယှဉ်ပြိုင်ရာ အနိုင်ရရှိခဲ့သူဖြစ်ပါတယ်။

၂၀၁၅အထွေထွေရွေးကောက်ပွဲမှာ ကျိုက်ထိုမြိုနယ်အမှတ်၂ ပြည်နယ်လွှတ်တော် ကိုယ်စားလှယ် အဖြစ် ဝင်ရောက်အရွေးချယ်ခံခဲ့ပြီး မွန်ပြည်နယ်လွှတ်တော်မှာ ဘဏ္ဍာရေး၊ စီမံကိန်း စီးပွားရေး ကော်မတီနဲ့ သဘာဝပတ်ဝန်းကျင် လေ့လာစောင့်ကြည်ရေးကော်မတီ နှစ်ခုမှာ ဥက္ကဌအဖြစ် ဆောင်ရွက်နေတာဖြစ်ပါတယ်။

Photo: Kyaw Lwin Oo/ RFA

( မွန်ပြည်နယ်ဝန်ကြီးချုပ် အသစ်ဖြစ်တဲ့ ဒေါက်တာအေးဇံ မတ်လ ၁ ရက်နေ့က ကျမ်းသစ္စာကျိန်ဆိုနေစဉ် )

No comments:

Post a Comment