မြန်မာသီချင်းကြီးများသီဆိုသူ Yuri Rakahashi နှင့် တွေ့ဆုံခြင်း

မြန်မာသီချင်းကြီးများသီဆိုသူ Yuri Rakahashi နှင့် တွေ့ဆုံခြင်း

တေးဂီတဆိုတာ တိုင်းပြည်တွေ၊ လူမျိုးတွေ၊ ဘာသာတွေဘယ်လို ပဲကွဲပြားပါစေ ခံစားသက်ဝင်မှုကိုတော့ တစ်သားတည်း ပေးစွမ်းနိုင်တဲ့ အရာတစ်မျိုး ဖြစ်ပါတယ်။ အဲဒီအထဲကမှာ မြန်မာ့တေးဂီတကိုမှ ချစ်မြတ်နိုးသူ၊ ကိုယ်ကြိုက်နှစ်သက်တဲ့ တေးသီချင်းတွေကို သီဆိုနိုင်ဖို့အတွက် သက်သက်နဲ့ နိုင်ငံစုံတေးဂီတ ပေါင်းစုံထဲမှာမှ ကိုလိုနီခေတ် မြန်မာသံစဉ်၊ ခေတ်ဟောင်းသီချင်းတွေကို ၂၅ နှစ်ကြာအောင် သင်ကြားခဲ့တဲ့ ဂျပန်လူမျိုး တစ်ယောက်ရဲ့အကြောင်းကို ဒီတစ်ပတ် အင်တာဗျူးကဏ္ဍမှာ မေးမြန်းထားပါတယ်။ လက်ရှိ မြန်မာနိုင်ငံမှာ သီဆိုအသံသွင်းနေတဲ့ ဂျပန်လူမျိုး Yuri Rakahashi နဲ့ တွေ့ဆုံပြီး မြန်မာသံစဉ် တေးသီချင်းတွေကို သင်ကြားသီဆိုဖြစ်တဲ့ အကြောင်းနဲ့ စိတ်ဝင်စားစရာတွေကို မေးမြန်းဖြစ်ခဲ့ပါတယ်။

■ မေး - ပထမဦးဆုံးအနေနဲ့ နာမည်လေး မိတ်ဆက်ပေးပါဦး။

■ ဖြေ - ကျွန်မနာမည်က ဂျပန်လို Yuri Rakahashi ပါ။ မြန်မာလိုကတော့ မယုယုလွင်ပါ။

■ မေး - ဘယ်လိုကြောင့် မြန်မာသံစဉ်သီချင်းတွေကို ဆိုဖြစ်သွားတာလဲ။

■ ဖြေ  - ကျွန်မက ဂျပန်လူမျိုးဆိုပေမယ့် ဂျပန်သီချင်းကို နားထောင်တာ ၀ါသနာပါတယ်။ ဒါပေမဲ့ ကိုယ့်ဘာသာကို မဆိုဖြစ်ပါဘူး။ ကိုယ့်ဟာကိုဆိုတဲ့ သီချင်းကျတော့ မြန်မာသီချင်းပဲ ရှိပါတယ်။ မြန်မာ့ရိုးရာ သီချင်းဆိုလို့ သီချင်းကြီးရှိပါတယ်။ ခေတ်ဟောင်း သီချင်းတွေကိုလည်း အများကြီးသဘောကျလို့ အတတ်နိုင်ဆုံးကျင့်ပြီးတော့ ဆိုနေပါတယ်။

■ မေး - ဒီ မြန်မာသီချင်းတွေကို လေ့ကျင့်ခဲ့တာ၊ သီဆိုခဲ့တာ ဘယ်လောက်ကြာပြီလဲ။

■ ဖြေ  - ဒီလိုလုပ်ခဲ့တာ နှစ်ပေါင်းတော်တော်တော့ ကြာပါပြီ။ အခုဆိုရင် ၂၅ နှစ်လောက် ရှိပါပြီ။ ဒီ ၂၅နှစ်တာ ကာလအတွင်းမှာ ကျွန်မ မြန်မာပြည်ကို လာဖြစ်တဲ့အချိန်မှာ ဒီလိုသီချင်းတွေ သီဆိုဖြစ်တာပါ။

■ မေး - မြန်မာသံစဉ် သီချင်းတွေသီဆိုတာနဲ့ ပတ်သက်ပြီး လက်ဦးဆရာက ဘယ်သူတွေဖြစ်မလဲ။

■ ဖြေ  - လွန်ခဲ့တဲ့ ၂၅ နှစ်ကတည်းက ကျွန်မရဲ့ ဆရာရဲနိုင်လင်း (ကျိုက်လတ်) နဲ့ ကျွန်မ အမြဲတမ်း ဆက်သွယ်နေပါတယ်။ ပြီးတော့ ကျွန်မရဲ့ အဆိုဆရာမဖြစ်တဲ့ ဒေါ်မာလာမြင့်၊ နောက်ပြီး ကျွန်မတို့ သုံးယောက်ရဲ့ ဆရာဖြစ်တဲ့ ဆရာစိန်ဗိုလ်တင့်၊ ဆရာ့ဆီမှာ ကျွန်မစသင်ရတယ်။ ခေတ်ဟောင်းသီချင်းကို သင်ရတယ်။ အဲဒီအချိန်မှာ ကျွန်မကို ဆရာစိန်ဗိုလ်တင့်က ဆရာရဲနိုင်လင်း၊ ဆရာမ ဒေါ်မာလာမြင့်တို့နဲ့ မိတ်ဆက်ပေးပါတယ်။ နောက်ပိုင်း ဆရာစိန်ဗိုလ်တင့် ဆုံးသွားတော့ ဆရာနဲ့ ဆရာမက ကျွန်မကို ဆက်သင်ပြပေး နေပါတယ်။

■ မေး - မြန်မာစကားကျတော့ကော ဘယ်လိုသင်ယူဖြစ်လဲ။

■ ဖြေ  - ကျွန်မက ဂျပန် တိုကျိုနိုင်ငံခြားဘာ သာတက္ကသိုလ်မှာ မြန်မာစာနဲ့ ကျွန်မဘွဲ့ ရခဲ့တာပါ။

■ မေး - မြန်မာသီချင်းကြီးတွေကို ဆိုတော့ ဘယ်လို အခက်အခဲတွေရှိခဲ့လဲ။

■ ဖြေ - ပထမဦးဆုံးတွေ့တဲ့ အခက်အခဲကတော့ စည်း၊ ၀ါး၊ သူက အဓိကပဲ မြန်မာသီချင်းကြီးပြီးတော့ ခေတ်ဟောင်းသီချင်းဆိုဖို့ စည်း၊ ၀ါးက တကယ်အရေးပါတယ်။ အဲဒီ စည်း၊ ၀ါးကို မှတ်သားပြီး စည်း၊ ၀ါးအလိုက် သီချင်းဆိုဖို့က တော်တော်ခက်ခဲပါတယ်။ အခုထက်ထိ ကျင့်တုန်းပဲ။ နောက် ဒုတိယအခက်အခဲက စည်း၊ ၀ါးအလိုက် သံစဉ်ကိုလည်း မှတ်သားရမယ်ဆိုတာ ဒုတိယ အခက်အခဲပါ။

■ မေး - ဒီ မြန်မာသီချင်းကြီးတွေကို သီဆိုပြီး အခွေထုတ်သွားဖို့ကော ရည်ရွယ်ချက်ရှိလား။

■ ဖြေ  - အခွေကတော့ ထုတ်ပြီးပါပြီ။ ကျွန်မတို့က စီးပွားရှာဖို့အတွက် ဒီလုပ်ငန်းကို လုပ်တာမဟုတ်ပါဘူး။ တကယ်ဂီတ အနုပညာကိုချစ်လို့ မေတ္တာလက်ဆောင်အနေနဲ့ အခွေထုတ်တာ နှစ်ခွေရှိပါပြီ။ ဆရာကြီးဦးပြုံးချို ဂုဏ်ပြုတဲ့သီချင်းများက တစ်ခွေ၊ ပြီးတော့ ဆိုင်းဝိုင်းနဲ့ သီချင်းများဆိုတဲ့ အခွေနှစ်ခွေကို မြန်မာပြည်မှာ ကျွန်မတို့ ထုတ်ပြီးခဲ့ပါတယ်။

■ မေး - ဒီလို မြန်မာသံစဉ် ခေတ်ဟောင်းသီချင်းတွေကို သီဆိုရတော့ ရင်ထဲမှာ ဘယ်လိုခံစားရလဲ။

■ ဖြေ  - သနားစရာကောင်းတဲ့၊ ၀မ်းနည်းစရာကောင်းတဲ့ သီချင်းတွေဆိုရင် ၀မ်းနည်းမိပါတယ်။ မြူးတဲ့သီချင်းဆိုရင် မြူးကြွတဲ့စိတ် ပေါ်လာမိပါတယ်။ ပြီးတော့ ဟိုးခေတ်က နန်းတော်က ဘုရင်အခမ်းအနားဆိုရင် ခမ်းခမ်းနားနား၊ သိက္ခာရှိရှိဆိုရမယ်ဆိုတဲ့ ခံစားချက် ဖြစ်ပေါ်ပါတယ်။ ခံစားချက်က စာသားပေ့ါနော်။ စာသားပေါ်မှုတည်တယ်လို့ ကျွန်မထင်မိပါတယ်။

■ မေး - အခုသီဆိုတဲ့ မြန်မာသံစဉ် သီချင်းတွေက အရင်ခေတ်က နာမည်ကျော်ကြားတဲ့ သီချင်းတွေလား၊ ဒါမှမဟုတ် အသစ်ပြန်လည် ရေးစပ်ထားတဲ့ သီချင်းတွေလား။

■ ဖြေ  - အဓိက, က သီချင်းကြီးပဲ။ မဟာဂီတပေါ့။ အထူးသဖြင့် ကိုလိုနီခေတ်လို စစ်ပြီးခါစ ရေပန်းစားပြီးတော့ အခုထက်ထိ ပရိသတ်တွေ မြတ်နိုးတဲ့ သီချင်းတွေကို သင်ယူပြီး ဆိုနေပါတယ်။

■ မေး - ဂျပန်က ရှေးဟောင်းသီချင်းနဲ့ မြန်မာရှေးဟောင်းသီချင်း ဘာတွေများ ကွာခြားမလဲ။

■ ဖြေ  - ဂျပန်ရိုးရာ သီချင်းဆိုတာ ဘယ်လိုပြောရမလဲ။ အခုခေတ် ဂျပန်လူမျိုး၊ ဂျပန်နိုင်ငံသား တစ်ယောက်အနေနဲ့ အမြဲတမ်း ကြားရတဲ့ သီချင်းဆိုတာက စာသားက ဂျပန်ဆိုပေမယ့် သံစဉ်ကျတော့ အနောက်တိုင်း ပေါ့ခ်သီချင်းကြီး ဖြစ်နေတယ်။ အနောက်တိုင်း ခေတ်ပေါ်တေးဂီတ သံစဉ်မျိုးပေါ့။ အမြဲတမ်း နားထောင်နေတဲ့သူတွေအတွက် မြန်မာသံစဉ်က တော်တော်ထူးခြားပါတယ်။ ကွာခြားပါတယ်။ သံစဉ်ကိုမှတ်သားဖို့ ပထမ တော်တော်ကြိုးစားရပါတယ်။

■ မေး - မြန်မာသံစဉ် ဆိုပြီးတော့ ပွဲတွေလုပ်ဖို့ကော အစီအစဉ် မရှိဘူးလား။

■ ဖြေ  - ပွဲလုပ်ဖို့ အခုချိန်မှာတော့ မရှိပါဘူး။ ဒါပေမဲ့ပွဲတိုင်းတော့ ကျွန်မ ဆိုခဲ့ဖူးပါတယ်။ ဘာလို့လဲဆိုတော့ ၁၉၉၂ ခုနှစ်မှာ ကျွန်မ ဆရာစိန်ဗိုလ်တင့်ဆီမှာ သီချင်းတွေကို စသင်တဲ့အခါကတည်းက တစ်နှစ်လောက်ကြာတော့ ဆရာက ဘုရားပွဲတွေရှိရင် စင်ပေါ်တက်ပြီး ဆိုခိုင်းတယ်။ အဲဒီလိုနဲ့ မြန်မာနိုင်ငံကပွဲတွေ ဗိုလ်ချုပ်ရာပြည့်တို့၊ မြန်မာပြည်က ပွဲတော်တွေမှာ သီဆိုဖြစ်ခဲ့ပါတယ်။

■ မေး - အခုလက်ရှိကော ဘယ်မှာနေထိုင်ပါသလဲ။

■ ဖြေ  - အခု ကျွန်မက မြန်မာနိုင်ငံကို နှစ်ပတ်လာတာပါ။ သြစတေးလျနိုင်ငံ ဆစ်ဒနီမြို့မှာ နေပါတယ်။ Australian National University မှာ မြန်မာစာဌာန ကထိကအဖြစ် တာဝန်ထမ်းဆောင်နေပါတယ်။ ဆစ်ဒနီက မြန်မာမိသားစုတွေရဲ့ မင်္ဂလာပွဲတို့ မွေးနေ့ပွဲတို့မှာ ကျွန်မ မြန်မာသံစဉ်သီချင်းတွေကို သီဆိုပေးဖြစ်ပါတယ်။

ဆရာမဖြစ်သူ ဒေါ်မာလာမြင့်နှင့် သီချင်းသီဆိုလေ့ကျင့်နေသည့် ဂျပန်လူမျိုး Yuri Rakahashi (ယာ) ကို တွေ့ရစဉ်

Sources : Eleven