တရုတ်တွင် H7 N9 ကြက်ငှက်တုပ်ကွေးကြောင့် သေဆုံးသူ မြင့်တက်လာနေပြီး မွေးမြူရေးလုပ်ငန်း အများအပြား ရပ်ဆိုင်းခဲ့ရ
တရုတ်သည် ကြက်ငှက်တုပ်ကွေး ဗိုင်းရပ်စ် H7 N9 ဖြစ်ပွားမှုကို အပြင်းထန်ဆုံး အခြေအနေနှင့် ကြုံတွေ့နေရပြီး ဇန်န၀ါရီ တစ်လတည်း၌ ၇၉ ဦး သေဆုံးခဲ့ကာ မွေးမြူ ရေးလုပ်ငန်း အများစုသည် ယင်းဗိုင်းရပ်စ်ကြောင့် ရပ်ဆိုင်းခဲ့ရသည်။ ကြက်ငှက်တုပ်ကွေး ရာသီတွင် သေဆုံးခဲ့သူဦးရေသည် ဇန်န၀ါရီလကုန်၌ ၁၀၀ အထိရှိခဲ့ကြောင်း အမျိုးသား ကျန်းမာရေးနှင့် မိသားစုစီမံကိန်း ကော်မရှင်က ဖေဖော်ဝါရီ ၁၆ ရက်တွင် ပြောကြားခဲ့သည်။
တရုတ်တွင် ကြက်ငှက်တုပ်ကွေးသည် ဆောင်းရာသီတွင် စတင်ဖြစ်ပွားလေ့ရှိပြီး နွေဦးထိ ဆက်လက်ဖြစ်ပွားလေ့ရှိသည်။ ၂၀၁၆ ခုနှစ် ဇန်န၀ါရီက ကြက်ငှက်တုပ်ကွေးကြောင့် သေဆုံးသူ ငါးဦးသာရှိခဲ့ပြီး ယခုနှစ်တွင် ၇၉ ဦးထိရှိခဲ့ကြောင်း ကျန်းမာရေးနှင့် မိသားစု စီမံကိန်းကော်မရှင်က ဆိုသည်။
ကြက်ငှက်တုပ်ကွေး ဗိုင်းရပ်စ်ဖြစ်ပွားမှု ပြင်းထန်ကြောင်း စိုးရိမ်နေကြချိန်တွင် သေဆုံးသူမြင့်တက်ကြောင်း ကြေညာချက်ထွက် ပေါ်လာခဲ့မှုက စိုးရိမ်မှုများကို ပိုမိုဆိုးရွားစေခဲ့သည်။ လူနှင် ငှက်များတွင် ကူးစက်နိုင်သော တုပ်ကွေးဗိုင်းရပ်စ်မျိုးကွဲ H7 N9 ကို ၂၀၁၃ ခုနှစ်တွင် တရုတ်၌ ပထမဆုံး စတင် တွေ့ရှိခဲ့သည်။
ယင်းဗိုင်းရပ်ကူးစက်ခံရသူ အများစုသည် ပြင်းပြင်းထန်ထန် ဖျားနာပြီး သုံးဦးလျှင် တစ်ဦးသည် အသက်ဆုံးရှုံးသည်အထိ ပြင်းထန်သည်။ အရှင်ရောင်းသော ကြက်ဘဲ ဈေးကွက်များကို ရှောင်ရှားကြရန် အစိုးရက တိုက်တွန်းထားပြီး ကျန်းမာရေးနှင့် ညီညွတ်မှု စည်းကမ်းများ လျော့ရဲမှုကြောင့် ဗိုင်းရပ်စ် ပြန့်ပွားနိုင်ခြေကို ပိုမိုဆိုးရွားစေသည်ဟု ဆိုသည်။
အရှင်လတ်လတ် သို့မဟုတ် သတ်ဖြတ်ပြီးကာစ ကြက်များက ဗိုင်းရပ်စ် ပျံ့နှံ့မှုကို ပိုဆိုးစေကြောင်း တရုတ်ရောဂါ ထိန်းချုပ်ရေးနှင့် ကာကွယ်ရေးဌာနမှ တာဝန်ရှိသူ တစ်ဦးကို ကိုးကားပြီး ချိုင်းနားဒေးလီး သတင်းစာက ဖေဖော်ဝါရီ ၁၆ ရက်တွင် ဖော်ပြခဲ့သည်။ တရုတ်နိုင်ငံ တောင်ပိုင်းကွမ် ကျိုးရှိ မြို့များတွင် ကြက်ဘဲများ အရှင်လိုက် ရောင်းချမှုကို ယာယီရပ်ဆိုင်းထားပြီး အလယ်ပိုင်းရှိ ချန်းရှာနှင့် အရှေ့ပိုင်းကျဲကျန် ပြည်နယ်တစ်ခုလုံးတွင် ကြက်ငှက်အရှင်ျား ရောင်းချမှုကို တားမြစ်ထားကြောင်း သိရသည်။
ကျဲကျန်ပြည်နယ်သည် ဇန်န၀ါရီ တစ်လတည်းမှာပင် ကြက်ငှက်တုပ်ကွေး ကူးစက်မှု ၃၅ မှုဖြစ်ပွားခဲ့ကြောင်း တာဝန်ရှိသူများကို ကိုးကားပြီး ဆင်ဟွာက ဖော်ပြခဲ့ သည်။ ကျေးလက်များနှင့် ဈေးများရှိ ကြက်မစင်များနှင့် ရောဂါကူးစက်ခံထားရသော ကြက်ငှက်များနှင့် ထိတွေ့ရာမှ ဗိုင်းရပ်စ် ကူးစက်မှု အများစုဖြစ်ပွားခဲ့ကြောင်း ဆင်ဟွာက ဆိုသည်။
Ref: AFP
Eleven Media Group
Thursday, February 16, 2017
Subscribe to:
Post Comments (Atom)
No comments:
Post a Comment