မြန်မာ-ဘင်္ဂလားဒေ့ရှ် နှစ်နိုင်ငံ နယ်နိမိတ်အဖြစ်ကာရံထားတဲ့ သွပ်ဆူးကြိုးခြံစည်းရိုးကို ၂၀၁၇-၂၀၁၈ ဘဏ္ဍာနှစ်ကစပြီး အုတ်တံတိုင်းအဖြစ် အဆင့်မြှင့်တင်တည်ဆောက်နိုင်ဖို့စီစဉ် ဆွေး နွေးနေတယ်လို့ ပြည်ထဲရေးဝန်ကြီးဌာနကနေ သိရပါတယ်။
ရခိုင်ပြည်နယ် မောင်တောမြို့ အနောက်ဘက် ငါးဖာလုံခန့်လောက်အကွာမှာ စိုက်ထူထားတဲ့ မိုင်တိုင်အမှတ် ၇၉၆၊ ၁၀၆၅၊ ၁၁၈၀ နဲ့ အနီးတစ်ဝိုက်တွေမှာ တစ်နိုင်ငံနှင့်တစ်နိုင်ငံ လွယ်လွယ်ကူကူ ကူးလူးသွားလာနိုင်တဲ့ ခြံစည်းရိုးအပေါက်ကြီးတွေ ဖြစ်နေလို့ ဒေသခံတွေက အဆိုပါအပေါက်တွေကို မြန်မြန်ဆန်ဆန်ကာရန်ပေးဖို့ ဒေသခံတွေကလိုလားနေကြတယ်လို့ ဆိုပါတယ်။
"ဟိုဘက်နိုင်ငံနဲ့ ဒီဘက်နိုင်ငံ လွယ်လွယ်ကူကူစွာသွားလာလိုကြတဲ့သူတွေက သံဆူး ကြိုးတွေကိုဖျက်ဆီးပြီး အပေါက်တွေ ဖောက်ကြတယ်။ သံဆူးကြိုးတွေကလည်း ဆားငန်လေနဲ့ ဆားငန်ရေဒဏ်မခံနိုင်ဘူး။ အုတ်တံတိုင်းမြင့်မြင့်ခတ်ဖို့အတွက် အမြင့်ဘယ်လောက် ဘယ်နှပေဆိုဘယ် လောက်ဆိုတာတွေ တွက်ချက်ပြီးပြီ။ နယ် စပ်ကာရံမှုကို အဆင့်မြှင့်တင်ဖို့က တစ် ဖက်အစိုးရကိုလည်း အသိပေးအကြောင်း ကြားရမယ်။ ဒါကိုလာမယ့် ၂၀၁၇-၂၀၁၈ ဘဏ္ဍာနှစ်မှာ ဆောင်ရွက်နိုင်ဖို့ ကြိုးစားနေကြပါတယ်"လို့ ပြည်ထဲရေးဝန်ကြီးဌာန တာဝန်ရှိသူတစ်ဦးက ပြောပါတယ်။
ရခိုင်ပြည်နယ် မောင်တောခရိုင်က ဘင်္ဂလားဒေ့ရ်ှနိုင်ငံနှင့် ကုန်းနယ်နိမိတ် ၁၂၈ ဒသမ ၇၅ မိုင်နှင့် ရေနယ်နိမိတ် ၃၉ ဒသမ ၈၂ မိုင် ထိစပ်နေပြီး၂၀၀၉ ခုနှစ် မတ်လ ၁၃ ရက်မှာ မြန်မာနိုင်ငံ ဘက်မှ နယ်နိမိတ်မျဉ်း Zero Line နဲ့ ပေ ၁၅၀ အကွာ မြန်မာ့နယ်မြေထဲမှာ သွပ်ဆူးကြိုးကာရံတာတွေကို မောင်တောမြို့တောင်ဘက် ကုန်းချောင်းဝကနေစပြီး နယ်ခြားမှတ်တိုင် BP ၃၂ အထိ အလျား ၃၈ ဒသမ ၁၀၈ မိုင်ကို သံကူကွန်ကရစ် တစ်ဖက်ချခြံစည်းရိုး ၁၀ ပေအမြင့် သွပ်ဆူး ကြိုး ၁၄ တန်းနဲ့ နယ်စပ်ခြံစည်းရိုးကာရံတာကို ပထမအဆင့်အနေနဲ့ ဆောင်ရွက်ခဲ့ပါတယ်။
ဒါ့ပေမယ့် BP ၆၆ ကနေ BP ၆၇ ကြားကိုတော့ တောတောင်ထူထပ်ပြီး လူနေထိုင်တာမရှိလို့ ဆက်လက်ကာရံဖို့ ကျန်ရှိနေသေးပြီး BP ၃၁ ကနေ BP ၅၄ အ ထိကို လုံခြုံရေးတပ်ဖွဲ့ဝင်တွေ ကင်းလှည့် ကြည့်ရှုစစ်ဆေးနိုင်ဖို့ နယ်စပ်ခြံစည်းရိုးနဲ့ ကပ်လျက်ပတ်လမ်းဖောက်လုပ်ထားကာ ပြုပြင်ထိန်းသိမ်းရေးလုပ်ငန်းတွေကို နှစ်စဉ်ဆောင်ရွက်နေတယ်လို့ သိရပါတယ်။
Source : Pyi Myanmar : Mizzima,7DayDaily,Duwun
No comments:
Post a Comment