ခြစားမှု လျော့ပါး မသွားသေးကြောင်း ဦးဝင်းထိန်ပြော
အစိုးရသက်တမ်းတစ်နှစ်နီးပါးအတွင်း တရားစီရင်ရေးကဏ္ဍမှာ ဒေါ်အောင်ဆန်းစုကြည် မျှော်မှန်းသလို အကျင့်ပျက်ခြစားမှု လျော့ပါးမှု မရှိသေးကြောင်းနဲ့ အကျင့်ပျက်ဝန်ထမ်းတွေကို အရေးယူသွားဖို့ ရှိကြောင်း အမျိုးသားဒီမိုကရေစီအဖွဲ့ချုပ် ဗဟိုအတွင်းရေးမှူး အဖွဲ့ဝင် ဦးဝင်းထိန် က ဒီနေ့ ပြောပါတယ်။
အမျိုးသားဒီမိုကရေစီအဖွဲ့ချုပ် အစိုးရသက်တမ်း တစ်နှစ်နီးပါးအခြေအနေအပေါ် မေးမြန်းရာမှာ ဦးဝင်းထိန် က ပြောတာဖြစ်ပါတယ်။
မြစ်ကြီးနား၊ တောင်ကြီး၊ မန္တလေး၊ ရန်ကုန် စတဲ့ မြို့ကြီးတွေမှာ တရားဥပဒေစိုးမိုးရေးစင်တာတွေ ဖွင့်လှစ်ပြီး တရားသူကြီးတွေ ၊ ရဲအရာရှိတွေ၊ အစိုးရအရာရှိတွေကို တရားစီရင်ရေးကဏ္ဍမှာ အဂတိတရားလျော့ပါးဖို့အတွက် သင်တန်းတွေ ပေးနေတယ်လို့ သိရပါတယ်။
ပြည်သူတွေရဲ့ စီးပွားရေးအခြေအနေ တိုးတက်အောင် ဆောင်ရွက်ဖို့အတွက် ပြည်ထောင်စုအစိုးရနဲ့ တိုင်းဒေသကြီး / ပြည်နယ်အစိုးရတွေကို နိုင်ငံတော်အတိုင်ပင်ခံပုဂ္ဂိုလ်က တိုက်တွန်းထားတယ် လို့လည်း ဦးဝင်းထိန် က ပြောပါတယ်။
နိုင်ငံတကာအကူအညီတွေနဲ့အတူ အစိုးရအဖွဲ့က အဂတိတရားအကင်းဆုံးနဲ့ အလုပ်လုပ်မယ်ဆိုရင် ၂၀၁၇ ခုနှစ်ဟာ မြန်မာနိုင်ငံရဲ့စီးပွားရေး သိသိသာသာတိုးတက်မယ့်အနေအထားဖြစ်လာလိမ့်မယ်လို့ မျှော်လင့်ကြောင်း ဆိုပါတယ်။
Photo: Win Naung Toe/ RFA
No comments:
Post a Comment