မြန်မာနိုင်ငံက ရိုဟင်ဂျာ မွတ်ဆလင်တွေကို ကူညီဖို့ဆိုပြီး မလေးရှား ဝန်ကြီးချုပ် နာဂျစ်ရာဇတ် စေလွှတ်လိုက်တဲ့ ရိက္ခာတင် သင်္ဘောအုပ်စုဟာ ဒီကနေ့ စတင်ထွက်ခွာလာပြီ ဖြစ်ပါတယ်။
အဲဒီသင်္ဘောတွေပေါ်မှာ စားနပ်ရိက္ခာတန်ချိန် ၂၂၀၀ ကျော်၊ စေတနာ့ဝန်ထမ်း ၂၃၀၊ ဆရာဝန် အယောက် ၂၀ ၊ ကျန်းမာရေးလုပ်သား ၁၀ ဦး ပါဝင်ပြီး ရက် ၂၀ ကြာ ထွက်ခွာလာတာလို့ ဆိုပါတယ်။
သင်္ဘောဟာ ဖေဖော်ဝါရီ ၉ ရက်နေ့ ရန်ကုန်ဆိပ်ကမ်းကို ရောက်ရှိမှာဖြစ်ပြီး၊ ကုန်တန်ချိန် ၅၀၀ ကို ချထားပြီးနောက် ဘင်္ဂလားဒေ့ရ်ှနိုင်ငံ တက္ကနဖ်ဆိပ်ကမ်းကို ဆက်လက်ထွက်ခွာမယ်လို့ ကြေညာထားပါတယ်။
ဒီအတောအတွင်း အာဖဂန်နစ္စတန်နိုင်ငံ မြောက်ပိုင်းမှာ မနေ့ညက တာဝန်ကျ ရဲသားတစ်ဦးက အိပ်ပျော်နေတဲ့ လုပ်ဖော်ကိုင်ဖက်တွေကို ရိုင်ဖယ်သေနတ်နဲ့ ပစ်ခတ်ခဲ့တာကြောင့် ရဲသား ၉ ဦး သေဆုံးခဲ့ရပါတယ်။
သူဟာ ပစ်ခတ်ပြီး သေဆုံးသွားတဲ့ ရဲတွေထံက လက်နက်တွေ ယူဆောင်ထွက်ပြေးသွားပါတယ်။ သူ့အနေနဲ့ တာလီဘန် မွတ်ဆလင်အစွန်းရောက် အကြမ်းဖက်သူပုန်တွေနဲ့ ပူးပေါင်းသွားဖွယ်ရှိတယ်လို့ လေ့လာသူတွေက ပြောပါတယ်။
အလားတူ မနေ့ညကပဲ အာဖဂန်အရှေ့ပိုင်းက ပါတီကာ ပြည်နယ်မှာလည်း သေနတ်သမားတစ်ဦးရဲ့ ပစ်ခတ်မှုကြောင့် ဘာသာရေးဆရာတစ်ယောက်နဲ့ ဇနီး သေဆုံးသွားခဲ့တယ်လို့ အာဏာပိုင်တွေက ပြောပါတယ်။ ဒီတိုက်ခိုက်မှုတွေဟာ ဘယ်အဖွဲ့လက်ချက်ဆိုတာ မသိရသေးပါဘူး။ အာဖဂန်နစ္စတန်မှာ အလားတူ ပစ်ခတ်သတ်ဖြတ်မှုတွေ အခုနှစ်ပိုင်းအတွင်း တိုးများလာနေပါတယ်။
RFA
No comments:
Post a Comment