Latest News

Sunday, February 26, 2017

ရှေ့နေ ဦးကိုနီနဲ့ ဦးနေဝင်းတို့ စိတ်ဓါတ်တူညီကြောင်း ဒေါ်အောင်ဆန်းစုကြည် ပြောကြား

ရှေ့နေ ဦးကိုနီနဲ့ ဦးနေဝင်းတို့  စိတ်ဓါတ်တူညီကြောင်း

ဒေါ်အောင်ဆန်းစုကြည် ပြောကြား

ရန်ကုန်၊ ဖေဖော်ဝါရီ ၂၆ ။              ။ တရားလွှတ်တော်ရှေ့နေ ဦးကိုနီနှင့် အငှားယာဉ်မောင်း ဦးနေ၀င်းတို့သည် ကိုးကွယ်သည့် ဘာသာ ၊ အတတ်ပညာ မတူညီပေမယ့် စိတ်ဓါတ်တူညီသည်ဟု   နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောဆိုလိုက်သည်။

"ဦးကိုနီရဲ့အတန်းပညာအရည်အချင်းနဲ့ ဦးနေ၀င်းရဲ့အတန်းပညာအရည်အချင်းက ကွာပါတယ်။ ဒါပေမယ့် စိတ်ဓါတ်က မကွာဘူးဆိုတာတော့ မြင်ရတယ်။ ဦးကိုနီကိုးကွယ်တဲ့ ဘာသာနဲ့ ဦးနေ၀င်းကိုးကွယ်တဲ့ဘာသာ ကွာပါတယ်။ သို့သော်လည်း စိတ်ဓါတ်တွေက မကွာဘူးဆိုတာမြင်ရပါတယ်" ဟု ဆိုသည်။

ယနေ့ ဖေဖော်ဝါရီလ ၂၆ ရက်နေ့က ရန်ကုန်မြို့တော်ဝင်နှင်းဆီခန်းမမှာ ကျင်းပသည့် တရားလွှတ်တော်ရှေ့နေ ဦးကိုနီနှင့် အငှားယာဉ်မောင်းဦးနေ၀င်းတို့အတွက် ၁ လ ပြည့် အောက်မေ့ဖွယ်အခမ်းအနားမှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က အထက်ပါအတိုင်း ပြောဆိုခဲ့ခြင်းဖြစ်သည်။

နိုင်ငံတော်အတိုင်ပင်ခံပုဂ္ဂိုလ်က အမျိုးသားဒီမိုကရေစီအဖွဲ့ချုပ်၏ ဥပဒေအကြံပေး တရားလွှတ်တော် ရှေ့နေဦးကိုနီ လုပ်ကြံခံရမှုနှင့် ပတ်သက်ပြီး ယနေ့ တစုံတစ်ရာ မှတ်ချက်ပေးပြောဆိုခဲ့ခြင်း မရှိပေ။

အဆိုပါအခမ်းအနားကို ဒေါ်အောင်ဆန်းစုကြည်အပါအ၀င် NLD နာယက သူရဦးတင်ဦး၊ ဗဟိုကော်မတီဝင်များ အဖြစ် ဦးဝင်းထိန်၊ ဦးဥာဏ်ဝင်း စသည့် ထိပ်ပိုင်းခေါင်းဆောင်များအပြင် တရားလွှတ်တော်ရှေ့နေဦးကိုနီ နှင့် ဦးနေ၀င်းတို့၏ မိသားစုများ တက်ရောက်ခဲ့ကြသည်။

အမျိုးသား ဒီမိုကရေစီအဖွဲ့ချုပ်၏ ဥပဒေအကြံပေး တရားလွှတ်တော်ရှေ့နေ ဦးကိုနီကို ရန်ကုန် လေဆိပ်တွင် သေနတ်ဖြင့် ပစ်ခတ်လုပ်ကြံခဲ့ခြင်းမှာ လူငယ်သဘာဝ ပုဂ္ဂိုလ်ရေး မကျေနပ်ချက်ကြောင့် လုပ်ကြံခဲ့သည်ကို စစ်ဆေးတွေ့ရှိရသည်ဟု မြန်မာနိုင်ငံရဲတပ်ဖွဲ့ရဲချုပ် ရဲချုပ် ဇော်ဝင်းက ယမန်နေ့က ပြုလုပ်သည့် သတင်းစာရှင်းလင်းပွဲတွင် ပြောဆိုထားသည်။

 ဦးကိုနီသည် ပြန်ကြားရေးဝန်ကြီးဦးဆောင်သော မြန်မာကိုယ်စားလှယ်အဖွဲ့နှင့် အင်ဒိုနီးရှားနိုင်ငံတွင် ကျင်းပ သည့် Senior Leadership Program လေ့လာရေးခရီးစဉ်သို့သွားရောက်ခဲ့ပြီးအပြန် ဇန်နဝါရီလ ၂၉ ရက် ညနေ ပိုင်းတွင် ရန်ကုန်လေဆိပ်၌ သေနတ်ဖြင့် အနီးကပ်ပစ်ခတ်လုပ်ကြံခံခဲ့ရခြင်း ဖြစ်သည်။


Mizzima

No comments:

Post a Comment