အရှောက်များ ထပ်တိုးမြှင့်
နေပြည်တော် (ဖေဖော်ဝါရီ ၈ ရက်၊ ၂၀၁၇ ခုနှစ်)။ ။ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပါအဝင် နိုင်ငံတော် အကြီးအကဲများ၏ လုံခြုံရေး အတွက် မြန်မာနိုင်ငံ ရဲတပ်ဖွဲ့ရှိ အကြမ်းဖက်မှု တိုက်ဖျက်ရေး ဌာနက အဓိက တာဝန်ယူကာ လက်ရှိတွင် လုံခြုံရေး တိုးမြှင့် ဆောင်ရွက်နေသည်ဟု နေပြည်တော် ရဲတပ်ဖွဲ့မှူး ရဲမှူးကြီး ဇော်ခင်အောင် က ဖေဖော်ဝါရီ ၈ ရက်တွင် မဇ္ဈိမကို အတည်ပြု ပြောဆိုသည်။
“အရင်တုန်းက ဆိုရင် လူပုဂ္ဂိုလ် လုံခြုံရေးကိုပဲ ကျွန်တော်တို့က လက်နက်နဲ့ သုံးတယ်။ ဒါပေမယ့် လက်ရှိ အနေအထားမှာ လူပုဂ္ဂိုလ် လုံခြုံရေး အပြင် အကြီးအကဲတွေ သွားတဲ့ လမ်းကြောင်း တစ်လျှောက်ရဲ့ လုံခြုံရေး ကိုလည်း ယာဉ်တင်ကားတွေ၊ လက်နက်ကိုင် လုံခြုံရေး အစောင့်အရှောက်တွေ တိုးမြှင့် ပြီးတော့မှ ဆောင်ရွက်လျက် ရှိပါတယ်” ဟု ရဲမှူးကြီး ဇော်ခင်အောင် က ပြောသည်။
အစ္စလာမ်မစ် စစ်သွေးကြွ အဖွဲ့ ISIS တို့၏ အန္တရယ်ပြုမည့် ပစ်မှတ်တွင် နိုင်ငံတော်၏ အတိုင်ပင်ခံပုဂ္ဂိုလ် ဖြစ်သူ၊ သမ္မတရုံး ဝန်ကြီး ဒေါ်အောင်ဆန်းစုကြည်၏ အမည် ပါဝင်နေသည် ဟူသည့် ၂၀၁၆၊ ဩဂုတ်လ အတွင်းက ခြိမ်းခြောက်မှု သတင်းများ ထွက်ပေါ် ကတည်းက စပြီး လုံခြုံရေး တိုးမြှင့်ထားခြင်း ဖြစ်ကာ ဇန်နဝါရီ ၂၉ ရက်က ရန်ကုန် အပြည်ပြည် ဆိုင်ရာ လေဆိပ်တွင် တရားလွှတ်တော် ရှေ့နေ ဦးကိုနီ လုပ်ကြံခံရသည့် အကြမ်းဖက် ဖြစ်စဉ် ဖြစ်ပွားပြီးနောက် ထပ်မံ၍ လုံခြုံရေး တိုးမြှင့် ထားခြင်းလည်း ဖြစ်သည်။
“နေပြည်တော် နယ်မြေဆိုတာ သမ္မတ တိုက်ရိုက် အုပ်ချုပ်တဲ့ နယ်မြေဖြစ်လို့ ကျွန်တော်တို့ ဒီမှာ အထိအခိုက် မခံနိုင်ဘူး” ဟု ရဲမှူးကြီး ဇော်ခင်အောင် က ဆိုသည်။
ဒေါ်အောင်ဆန်းစုကြည် သည် ရှမ်းပြည်နယ် တောင်ပိုင်း၊ ပင်လုံမြို့တွင် ကျင်းပမည့် နှစ် (၇၀) မြောက် ပြည်ထောင်စုနေ့ အခမ်းအနားသို့ တက်ရောက်မည် ဖြစ်သည်။
နိုင်ငံတော် အဆင့် အခမ်းအနားများနှင့် ယခုလအတွင်း ၂၁ ရာစုပင်လုံ ဒုတိယအကြိမ် ညီလာခံ ကျင်းပရန် ရှိနေသည့် နေပြည်တော် ကောင်စီ နယ်မြေအတွင်း ရဲတပ်ဖွဲ့က လုံခြုံရေး အင်အား တိုးမြှင့် ဆောင်ရွက်လျက်လည်း ရှိနေသည်။
ယင်းသို့ ဆောင်ရွက်ရာတွင် ရပ်ကင်း၊ မော်တော်ဆိုင်ကယ် လှည့်ကင်း၊ မော်တော် ယာဉ်လှည့်ကင်းများ အပြင် ယာဉ်စစ် ပိတ်ဆို့ လုပ်ငန်းများ ဆောင်ရွက်ခြင်းကို မြို့ဝင်/ထွက် ဂိတ်များတွင် လည်းကောင်း၊ အရေးကြီး အဆောက်အဦများ ဖြစ်သည့် ၀န်ကြီးရုံးများ၊ ဌာနဆိုင်ရာ ရုံးများ၊ တန်ခိုးကြီး ဘုရား စေတီများတွင် လည်းကောင်း၊ အများပြည်သူ တို့ အပန်းဖြေရာ ဖြစ်သည့် ဥယျဉ်၊ ရုပ်ရှင်ရုံ များတွင် လည်းကောင်း၊ လူစည်ကားရာ နေရာများ ဖြစ်သည့် ဈေးဝယ် စင်တာများ၊ ဈေးများ၊ ကုန်တိုက်များ၊လေဆိပ်၊ အဝေးပြေး ယာဉ်ရပ်နား စခန်းများ၌ ရပ်ကင်းများဖြင့် လည်ကောင်း နေ့ညမပြတ် ဆောင်ရွက်လျက် ရှိသည့်အပြင် ဟိုတယ်၊ မိုတယ်၊ အင်းနှင့် တည်းခိုခန်း များတွင်လည်း တာဝန်ရှိသူ များနှင့် ပူးပေါင်းကာ တည်းခိုသူ စာရင်းများကို စစ်ဆေး ဆောင်ရွက်လျက် ရှိသည်ဟု နေပြည်တော် ရဲတပ်ဖွဲ့က သတင်း ထုတ်ပြန်ထားသည်။
“ယခင်တုန်းကတော့ လုံခြုံရေးကို သာမန်ပဲ ကျွန်တော်တို့ လုပ်တယ်။ နောက်ပိုင်းမှာ နိုင်ငံတကာ အကြမ်းဖက် အဖွဲ့တွေရဲ့ ခြိမ်းခြောက်မှု ရှိလာတဲ့ အတွက် ယာဉ် လှည့်ကင်းတွေ ဆိုရင် ချေမှုန်းရေး သေနတ်တွေ တင်ထားတယ်။ ကားတစ်စီးမှာဆို အနည်းဆုံး (၃) လက် တင်ထားတယ်။ ချေမှုန်းရေး သေနတ် ပါတယ်။ အဓိကရုဏ်း နှိမ်နှင်းရေး သေနတ် ပါတယ်။ သူကတော့ ရာဘာကျည်တွေနဲ့ ပစ်တာပေါ့။ အရာရှိတွေ၊ ကွပ်ကဲတဲ့ သူတွေကိုလည်း ခြောက်လုံးပြူးတွေ ထုတ်ပေးထားတယ်” ဟု ရဲမှူးကြီး က မဇ္ဈိမကို ပြောသည်။
ပြည်သူများ အနေဖြင့်လည်း တစ်စုံတစ်ရာ ထူးခြားမှု ရှိပါက ဆက်သွယ်ရေး စနစ်ဖြစ်သည့် ၁၉၉ Call Center အား ဆက်သွယ် ပေးခြင်းဖြင့် ပူးပေါင်း ပါဝင်ပေးကြပါဟု ရဲမှူးကြီးက တိုက်တွန်း ပြောဆိုသည်။
“ကျွန်တော်တို့မှာ ပြည်ပ ခြိမ်းခြောက်မှုတွေလည်း ရှိတယ်။ နယ်စပ် ခြိမ်းခြောက်မှုတွေလည်း ရှိတယ်။ မြို့ပေါ်မှာ ဖြစ်တဲ့ ပုံစံ (ဦးကိုနီ ဖြစ်စဉ်)မျိုးဆိုရင်လည်း ခြိမ်းခြောက်မှုမျိုး ပုံစံရတယ်။ အဲ့အတွက်ကြောင့် ကျွန်တော်တို့ တောက်လျှောက် ပိုပြီးတော့ သတိထားပြီးမှ ဆောင်ရွက်လျက် ရှိပါတယ်” ဟု ရဲမှူးကြီး ဇော်ခင်အောင် က ဆိုသည်။
Mizzima
No comments:
Post a Comment