ပြည်ထဲရေး သတင်းစာရှင်းလင်းပွဲ လုပ်မည်

ပြည်ထဲရေး သတင်းစာရှင်းလင်းပွဲ လုပ်မည်

ထွန်းထွန်း
24 February 2017

[ရန်ကုန်မြို့အတွင်း ရှောင်တခင် စစ်ဆေးမှုများ ပြုလုပ်နေသော ရဲတပ်ဖွဲ့ဝင်များကို တွေ့ရစဉ် / မျိုးမင်းစိုး / ဧရာဝတီ]

ဦးကိုနီ အသတ်ခံမှု နောက်ဆက်တွဲ ဖမ်းဆီးမှုများ၊ “လိပ်စာမှား” ကိုကင်း မူးယစ်ဆေးဝါး များ ဖမ်းဆီးမှုများ သတင်း ဖြစ်ပေါ်နေချိန်တွင် ပြည်ထဲရေး ဝန်ကြီးဌာနမှ ဖေဖော်ဝါရီ ၂၅ ရက်နေ့ မနက် ၉ နာရီတွင် ရန်ကုန်မြို့ မူးယစ်ဆေးဝါး ပြတိုက်၌ သတင်းစာ ရှင်းလင်းပွဲ ပြုလုပ်မည် ဖြစ်သည်။

လက်ရှိတွင် ဦးကိုနီ အသတ်ခံမှုနှင့် ပတ်သက်ပြီး ဇေယျာဖြိုးနှင့် တင်ထွန်းအောင် ဆိုသူတို့ကို တာမွေမြို့ နယ်တွင် ဖေဖော်ဝါရီ ၁၁ ရက်နေ့က ထပ်မံ ဖမ်းဆီး စစ်ဆေးနေကြောင်း BBC နှင့် Myanmar Now တွင် ဖော်ပြထားသည်။

ထိုသို့ ဦးကိုနီ အသတ်ခံရမှု နောက်ဆက်တွဲ ဖမ်းဆီး စစ်ဆေးမှုများနှင့် ပတ်သက်၍ နိုင်ငံတော် သမ္မတရုံး ခေတ္တ ညွန်ကြားရေးမှူးချုပ် ဦးဇော်ဌေးထံ ဆက်သွယ် မေးမြန်းခဲ့ သော်လည်း မနက်ဖြန် ဖေဖော်ဝါရီလ ၂၅ ရက်တွင် သတင်းစာ ရှင်လင်းပွဲ ပြုလုပ်ပေးမည် ဟုသာ ယနေ့ ဖေဖော်ဝါရီလ ၂၄ ရက် မနက်ပိုင်းက ဧရာဝတီသို့ ဖြေကြားခဲ့သည်။

တာမွေမြို့နယ် ရဲစခန်း တာဝန်ရှိသူ တဦးကတော့ ဇေယျာဖြိုးနှင့် တင်ထွန်းအောင် ဆိုသူတို့အား ဖမ်းဆီးစစ် ဆေးမှုကို မသိရှိကြောင်းနှင့် ဖမ်းဆီးခြင်းမရှိကြောင်းသာ ဧရာဝတီသို့ ပြောသည်။

ထို့ပြင် ကိုကင်းများပါဝင်သည့် ကွန်တိန်နာတလုံး လိပ်စာ မှားကာ ရန်ကုန်သို့ ရောက်ရှိလာကြောင်း ဖေဖော်ဝါရီလ ၂၂ ရက်က 7Day သတင်းဌာနက သတင်းရေးသား ဖော်ပြခဲ့ပြီး နောက်တရက်တွင် Eleven မီဒီယာကလည်း ထပ်မံ သတင်း ရေးသားခဲ့ပြန်သည်။

သတင်းများအရ မြန်မာ့စက်မှုဆိပ်ကမ်း (MIP) တွင် ဖမ်းဆီးမိကြောင်း သိရသည်။ ယင်းဆိပ်ကမ်းတွင်ပင် တရားမဝင် သစ်များကို မကြာသေးမီက ရှာဖွေ ဖမ်းဆီးခဲ့သေးသည်။

သို့သော် ယင်းကိစ္စများ အပေါ် သက်ဆိုင်ရာက ရှင်းလင်းစွာ သတင်း ထုတ်ပြန်မှု မပြုလုပ်ရသေးချေ။

ပြည်ထဲရေး ဝန်ကြီးဌာန၏ သတင်းစာ ရှင်းလင်းပွဲနှင့် ပတ်သက်၍ မည်သည့် အကြောင်းအရာ ရှင်းလင်း ပြောဆိုမည်ကို မသိရှိရကြောင်းနှင့် ပြည်တွင်း မီဒီယာများကိုသာ သီးသန့် ဖိတ်ကြားခိုင်းခြင်း ဖြစ်ကြောင်း ပြန်ကြားရေး ဝန်ကြီးဌာန လက်ထောက် အတွင်းဝန် ဦးကျော်ဇင်သန့် က ဧရာဝတီသို့ ပြောသည်။

နိုင်ငံတော်သမ္မတရုံး၏ ဖေဖော်ဝါရီ ၁၅ ရက်နေ့ သတင်း ထုတ်ပြန်ချက်တွင် ဦးကိုနီအား သေနတ်ဖြင့် လုပ်ကြံ ပြစ်ခတ်သူ ကြည်လင်းနှင့် အောင်ဝင်းဇော် ဆိုသူတို့ကို ဖမ်းဆီးထားပြီး နောက်ကွယ်မှငွေပေးစေခိုင်သူ အောင်ဝင်းခိုင် ဆိုသူအား ဖမ်းဆီးရမိရေး ဆောင်ရွက်လျက် ရှိကြောင်းသာ ထုတ်ပြန် ထားသေးသည်။

https://goo.gl/4aY0TD

The Irrawaddy