Latest News

Sunday, February 12, 2017

"ပြည်ထောင်စုနေ့သတ်မှတ်ပုံ ( ပင်လုံစာချုပ် သမိုင်း )"

"ပြည်ထောင်စုနေ့သတ်မှတ်ပုံ ( ပင်လုံစာချုပ် သမိုင်း )"


ဒီနေ့ဟာ တောင်တန်းနှင့် ပြည်မ ပူးပေါင်းပြီး ``ပင်လုံ
စာချုပ်´´ ချုပ်ဆိုခဲ့တာ နှစ်ပေါင်း (၇၀) ပြည့်တဲ့နေ့  ပြည်ထောင်စုနေ့ ဖြစ်ပါတယ်။

အင်္ဂလိပ်တို့က ကိုလိုနီတို့ရဲ့ထုံးစံအတိုင်းပင် မြန်မာနိုင်ငံကို သွေးခွဲအုပ်ချုပ်ရေးစနစ် (Divide and Rule) နဲ့ အုပ်ချုပ်
သည်။ နောက်ဆုံးမဖြစ်မနေ လွတ်လပ်ရေးပေးရမည့် အခြေအနေရောက်သည့်အချိန်အထိ မြန်မာနိုင်ငံကို တောင်တန်း၊ ပြည်မခွဲခြားပြီး ပြည်မကိုသာလွတ်လပ်ရေး
ပေးချင်သည်။ ပင်လုံစာချုပ်သာ မရှိခဲ့ရင် ကျွန်တော်တို့
နိုင်ငံသည် တောင်တန်းနှင့်ပြည်မဆိုပြီး နှစ်ပိုင်းကွဲသွားမည်
ဖြစ်သည်။

ပင်လုံစာချုပ်ဘာလို့လိုအပ်တာလဲ
****************************
ဒုတိယကမ္ဘာစစ်မဖြစ်မီက အင်္ဂလိပ်အစိုးရက ပြည်မကို ၁၉၃၅-ခုနှစ် ဗမာနိုင်ငံအစိုးရအက်ဥပဒေအရ အုပ်ချုပ်ပြီး တောင်တန်းဒေသကိုတော့ ဘုရင်ခံကတိုက်ရိုက်
အုပ်ချုပ်သည်။ စစ်ပြီးတဲ့အခါမှာတော့ အင်္ဂလိပ်ဘုရင်ခံ ဒေါ်မန်စမစ်၏ စက္ကူဖြူစာတမ်း (Burma Statement
of Policy by H.M.G, 1945) အရ တောင်တန်းဒေသ
ကို စစ်မဖြစ်မီကအတိုင်း ဘုရင်ခံ၏လက်အောက် ခံ
အဖြစ်ထားရှိကာ တောင်တန်းဒေသက ပြည်မနှင့်ပူးပေါင်း
လိုသည်ဟု တောင်းဆိုသည့်အချိန်အထိ ဘုရင်ခံကသာ
အုပ်ချုပ်မည်ဟု ဆိုသည်။ ထိုအခါ ပြည်မနှင့်တောင်တန်း
ဒေသ တစ်ပြိုင်နက်လွတ်လပ်ရေးရယူဖို့အတွက် ပင်လုံ
စာချုပ်ချုပ်ဆို ရန် လိုအပ်လာပါသည်။

ပထမပင်လုံအစည်းအဝေး
*************************
ပထမ ပင်လုံအစည်းအဝေး ပထမပင်လုံ အစည်းအဝေး
ကို ၁၉၄၆ ခုနှစ် မတ်လ ၁ မှ ၁၂ အထိကျင်းပခဲ့ပြီး ထိုအချိန်က ဗိုလ်ချုပ် ရခိုင်ဖက်တွင်အရေးကိစ္စရှိနေ၍
ဖဆပလ ကိုယ်စားလှယ်အဖြစ် သခင်နု၊ ဦးဘဂျမ်းနှင့်
မန်းဘခိုင်တို့က တက်ရောက်သည်။သို့သော် ထိုညီလာခံ
တွင် မည်သည့်နိုင်ငံရေးဆုံးဖြတ်ချက်မျှ မချနိုင်ခဲ့ဘဲ ဆွေးနွေးရုံ အမြင်ချင်းဖယ်လှယ်ရုံသာရှိခဲ့သည်။ ထိုပထမ
ပင်လုံ အစည်းအဝေးသည်ဆွေးနွေးပွဲသက်သက်သာ
ဖြစ်ခဲ့သည်။

ဘာကြောင့်ပင်လုံစာချုပ် ချုပ်ရတာလဲ
********************************
ဗိုလ်ချုပ်အောင်ဆန်းသည် မြန်မာနိုင်ငံလွတ်လပ်ရေး
အတွက် ဗြိတိသျှအစိုးရနှင့် ဆွေးနွေးရာတွင် မြန်မာပြည်
ကို လွတ်လပ်ရေးပေးလျှင် ရှမ်းပြည်နယ်အပါအဝင် တောင်တန်းဒေသတွေကိုပါ လွတ်လပ်ရေးပေးဖို့တောင်းဆို
သည်။ ထိုအချိန်တွင် ရှမ်းစော်ဘွားများက မိုင်းရယ်တွင် စည်းဝေးပြီး အင်္ဂလိပ်အစိုးရထံ ကြေးနန်းပို့လိုက်သည်။ “အောင်ဆန်းဟာ ငါတို့ကိုယ်စားလှယ်မဟုတ်။ ရှမ်းပြည်
အတွက် ဘာမှပြောခွင့်မရှိ၊ ရှမ်းပြည်ကိစ္စဆွေးနွေး
လိုလျှင် ငါတို့ကိုဖိတ်ပါ။” ဟူ၍ ကြေးနန်းပို့လိုက်သည်။
သို့သော်ဗိုလ်ချုပ်ကိုထောက်ခံသောလူငယ်ခေါင်းဆောင်
များ တောင်ကြီးနှင့်တကွ နီးစပ်ရာလက်လှမ်းမီရာ မြို့
အချို့တွင် ဆန္ဒပြကြပြီး ထောက်ခံကြောင်းကြေးနန်း
ပြန့်ပို့သည်။ ဤသို့ဖြင့် ဗိုလ်ချုပ်ကို ထောက်ခံသူနှင့်
ကန့်ကွက်သူဟူ၍ နှစ်မျိုးပေါ်လာသည်။ ထို့ကြောင့် ဗြိတိသျှနန်ရင်းဝန် အက်တလီ က “မကြာမီကျင်းပမည့် ပင်လုံအစည်းအဝေးတွင် ဗိုလ်ချုပ်တို့နှင့် တောင်တန်း
ဒေသကိုယ်စားလှယ်များဆွေးနွေးကြပါ။ ယင်းကဲ့သို့ ဆွေနွေးညှိနှိုင်း၍ ရရှိလာသောသဘောတူညီချက်ကို ဗြိတိသျှအစိုးရက လက်ခံပါမည်” ဟုသဘောတူလိုက်
သည်။

ဒုတိယ ပင်လုံအစည်းအဝေး
**************************
ဒုတိယပင်လုံအစည်းအဝေးတွင် ဗိုလ်ချုပ်ပါဝင်သော
ပြည်မမှအဖွဲ့နှင့် တောင်တန်းဒေသအသီးသီးမှ စော်ဘွား
နှင့်ကိုယ်စားလှယ်တော်များ အပြန်ပြန်အလှန်လှန်
ဆွေးနွေးကြသည်။ ညောင်ရွှေစော်ဘွားကြီး စပ်ရွှေသိုက်
ကအချက်သုံးချက်က်ို ပြင်းပြင်းထန်ထန်တောင်းဆိုသည်။ ပင်လုံစာချုပ်ချုပ်၍မရ၊ ဆွေးနွေးပွဲကို ရပ်လိုက်ရသည်။ ဗိုလ်ချုပ်သည် ရန်ကုန်ကိုပြန်ရန်အတွက် လေယာဉ်ကိုပင်
စီစဉ်ခိုင်းလိုက်ပြီဖြစ်သည်။ ပင်လုံရွာကလေးလည်း လှုပ်လှုပ်ရှားရှား ဖြစ်သွားသည်။ သို့သော်လည်းနောက်ဆုံး
မှာတော့ အားလုံးညှိနှိုင်းလို့ရသွားပြီး ၁၉၄၇ ခုနှစ်၊ ဖေဖော်
ဝါရီလ ၁၂ ရက်နေ့တွင် ပင်လုံစာချုပ်ကိုချုပ်ဆိုနိုင်ခဲ့သည်။

ထိုသို့ပင်လုံစာချုပ်ချုပ်ဆိုခဲ့သောနေ့ကို ပြည်ထောင်စုနေ့
အဖြစ် နိုင်ငံတော်မှတရားဝင်သတ်မှတ်ခဲ့သည်။

၁၉၄၇၊ ဖေဖော်ဝါရီလ ၁၂ ရက်နေ့တွင် ပင်လုံသဘောတူ
စာချုပ်ကို ဗိုလ်ချုပ်အောင်ဆန်းအပါအဝင် တိုင်းရင်းသား
ခေါင်းဆောင် ၂၂ ဦး လက်မှတ်ရေးထိုးခဲ့သည်။ ပင်လုံ
စာချုပ်တွင် လက်မှတ်ရေးထိုးခဲ့သော ခေါင်းဆောင်(၂၃)
ဦးမှာ-

ဗိုလ်ချုပ်အောင်ဆန်း (မြန်မာပြည်ခေါင်းဆောင်)
စ၀်ခွန်ပန်းစိန် (တောင်ပိုင်းစော်ဘွား)
စ၀်ရွှေသိုက် (ညောင်ရွှေစော်ဘွား)
စ၀်ဟုန်ဖ (မြောက်ပိုင်းသိန္နီစော်ဘွား)
စ၀်နွံ (လဲချားစော်ဘွား)
စ၀်စံထွန်း (မိုင်းပွန်စော်ဘွား)
ခွန်ဖုန်း (မြောက်ပိုင်းသိန္နီ လူထုကိုယ်စားလှယ်)
စ၀်ထွန်းအေး (သာမိုင်းခမ်းစော်ဘွား)
ဦးတင်အေး (တောင်ကြီးလူထုကိုယ်စားလှယ်)
ဦးကြာပု (သီပေါလူထုကိုယ်စားလှယ်)
စ၀်ယိင်ဖ (သီပေါလူထုကိုယ်စားလှယ်)
ဆမားဒူဝါဆင်ဝါနောင် (မြစ်ကြီးနားကချင်ကိုယ်စား လှယ်)
ဒူဝါဇော်ရစ် (မြစ်ကြီးနားကချင်ကိုယ်စားလှယ်)
ဦးခွန်ထီး (ပင်လုံလူထုကိုယ်စားလှယ်)
ဦးထွန်းမြင့် (မောက်မယ်လူထုကိုယ်စားလှယ်)
ဦးခွန်စော (ပင်းတယလူထုကိုယ်စားလှယ်)
ဦးဖြူ (ဆီဆိုင်စော်ဘွားကိုယ်စားလှယ်)
ဦးဒိန်ရတန် (ဗန်းမော်ကချင်ကိုယ်စားလှယ်)
ဒူဝါးဇော်လွန်း (ဗန်းမော်ကချင်ကိုယ်စားလှယ်)
ဦးလဘန်းဂရောင် (ဗန်းမော်ကချင်ကိုယ်စားလှယ်)
ဦးလူမုန်း (ဖလမ်းချင်းကိုယ်စားလှယ်)
ဦးသောင်ဇာခုတ် (တီးတိန်ချင်းကိုယ်စားလှယ်)
ဦးကီယိုမာန် (ဟားခါးချင်းကိုယ်စားလှယ်) တို့ဖြစ်ကြသည်။
-
ကိုးကား။ ငါတို့ ဗိုလ်ချုပ်ဘာလုပ်ခဲ့သလဲ(ဦးပုလေး)၊ ပင်လုံစစ်တမ်း(ဦးအုန်းဖေ)၊ ကိုယ်တွေ့ပင်လုံ (ဦးဖေခင်)

မင်းသုခ (အခရာ)
AMM
Credit

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post