Latest News

Tuesday, February 14, 2017

အီဂျစ်ဘုရင်မကြီး ကလီယိုပါထရား


cleopatra, rex harrison, elizabeth taylor, richard burton, 1963(မေး) ဆရာကြီးခင်ဗျား အီဂျစ်ဘုရင်မကြီး ကလီယိုပါထရား၏ အလှရမ္မက်သည် ဘုရင်ကြီးနှစ်ပါအား ဆွဲဆောင်ခဲ့ပုံနှင့် ” နိုင်းမြစ်ဒေသမြွေဟောက်မ”-ဟု အဘယ့်ကြောင့် ခေါ်ဝေါ်ခဲ့ပါသနည်း။ ဖြေကြားပေးပါရန် မေတ္တာရပ်ခံပါသည်။
(မောင်မျိုးသက်လွင်-M.Res, ပုသိမ်တက္ကသိုလ်)

(ဖြေ)
ကလီယိုပါထရားသည် (Cleopatra) ရှေးခေတ်ကမ္ဘာ့သမိုင်းတွင် ထင်ရှားခဲ့သော အီဂျစ်ဘုရင်မဖြစ်သည်။ ထူးခြားစွာလှပသော အဆင်းအင်္ဂါပြည့်စုံသည့် ဘုရင်မဖြစ်သဖြင့်ထိုခေတ်က အထူးချွန်ဆုံးဘုရင်နှစ်ပါးအား သူ၏ ရူပါရုံကျော့ကွင်းသို့ သက်ဆင်းစေ၍ သူစေသမျှက်ို တသဝေမတိမ်း ပြုလုပ်ပေးကြရသော အခြေသို့ရောက်အောင် စွမ်းဆောင်နိုင်ခဲ့လေသည်။ ထို့ကြောင့် ကလီယိုပါထရားကို နိုင်းမြစ်ဒေသမြွေဟောက်မ-ဟူ၍ ခေါ်ကြလေသည်။

ကလီယိုပါထရားမှာ အီဂျစ်သွေးမပါ။ မက်ဆီဒိုနီးယန်းနှင့် ဂရိသွေးနှောသည့် အဆက်အနွယ်ဝင် ဘုရင်မဖြစ်သည်။ သူသည် အီဂျစ်နိုင်ငံကို အုပ်စိုးခဲ့သော ၁၁-ဆက်မြောက် တော်လမီဘုရင်ကြီး၏ သမီးတော်ဖြစ်သည်။ ဘီစီ ၅၁-ခုနှစ်တွင် ခမည်းတော်ဘုရင်ကြီး ကံကုန်သောအခါ ၁၇-နှစ်အရွယ်ရှိ သမီးတော် ကလီယိုပါထရားနှင့် ၁၀-နှစ်အရွယ်ရှိ သားတော် ၁၂-ဆက်မြောက် တော်လမီမင်းသားတို့သည် အီဂျစ်နိုင်ငံကို တွဲဖက်၍ အုပ်စိုးခဲ့ကြသည်။

ခမည်းတော်ဘုရင်ကြီး နတ်ရွာစံ၍ သုံးနှစ်အကြာ မောင်တော်ဘုရင်ငယ်နှင့် အပေါင်းပါတို့သည် ကလီယိုပါထရားကို နန်းချ၍ တိုက်ထုတ်လိုက်ကြသည်။ ထိုအချိန်တွင် ရောမဗိုလ်ချုပ်ကြီး ဂျူးလယပ်ဆီဇာသည် ပွန်ပီကို လိုက်လံတိုက်ခိုက်လျက် အီဂျစ်နိုင်ငံ အယ်လယ်ဇန္ဒြီးယားမြို့သို့ ရောက်ရှိလာခိုက်ဖြစ်သည်။ ထိုအခါ ကလီယိုပါထရားသည် မိမိ၏ ကိုယ်ကို ကော်ဇောတွင်ထည့်၍ လိပ်စေပြီးနောက် ဆီဇာဘုရင်၏ရှေ့မှောက်သို့ ရောက်အောင် ၀င်လေသည်။

ထိုစဉ်က အသက် ၂၀-ခန့်သာရှိသေး၍ အလှသွေးတက်ကြွနေသော ကလီယိုပါထရားက ထီးနန်းပြန်ရရေးအတွက် ကူညီဖေးမရန် ဆီဇာဘုရင်ကို ဖြားယောင်းတောင်းပန်လေသည်။ စစ်သားပီပီ တည်တည်ကြီးနေလေ့ရှိသော ၅၂-နှစ်အရွယ် ဆီဇာဘုရင်ကြီးသည် အလှဘုရင်မ ကလီယိုပါထရား၏ ညွတ်ကွင်းမှလွတ်အောင် မရှောင်တိမ်းနိုင်ဘဲ အလှဘုရင်မ၏ လိုအင်ဆန္ဒဟူသမျှကို ဆောင်ရွက်ပေးရလေတော့သည်။
READ  ပျော်ရွှင်ချမ်းမြေ့တဲ့ အိမ်ထောင်ရေး ထိပ်တန်းလျှို့ဝှက်ချက်များ

ဆီဇာသည် ကလီယိုပါထရားအား အီဂျစ်နိုင်ငံ၏ တဦးတည်းသော ဘုရင်မအဖြစ် ပြန်လည်ရရှိအောင် ရန်သူများကို တိုက်ခိုက်သုတ်သင်ပေးသည်။ ကလီယိုပါထရားသည်ှဆီဇာဘုရင်ကြီးနှင့် ပေါင်းသင်း၍ ဆီဇာရွန်းအမည်ရှိ သားတယောက်ရရှိ၏။ ဘီစီ ၄၆-တွင် ဆီဇာ ရောမသို့ပြန်သွားသောအခါ ကလီယိုပါထရားလည်း လိုက်ပါသွားသည်။ ဘီစီ ၄၄-တွင် ဆီဇာလုပ်ကြံခံရပြီးနောက် ကလီယိုပါထရားသည် အီဂျစ်နိုင်ငံသို့ ပြန်လာခဲ့သည်။

ကလီယိုပါထရား၏ ရူပါရုံကျော့ကွင်းသို့ ဒုတိယသက်ဆင်းလာသော ရောမအာဇာနည်ကြီးမှာ မတ်အန်တိုနီ ဖြစ်သည်။ မတ်အန်တိုနီသည် ရန်သူများတို နှိမ်နင်းတိုက်ခိုက်လျက် အရှေ့ဘက်နိုင်ငံများသို့ ရောက်လာသည်။ တားဆပ်မြို့သို့ရောက်လာသောအခါ ကလီယိုပါထရားအား ရန်သူအားပေးသူအဖြစ် စွပ်စွဲ၍ ထိုအကြောင်းကို ရှင်းလင်းချေပရန် ဆင့်ခေါ်လေသည်။ ကလီယိုပါထရားသည် ဗီးနပ်နတ်သမီးကဲ့သို့ လှပစွာဝတ်ဆင်ပြီးလျှင် မတ်အန်တိုနီထံသို့ ၀င်ရောက်လေသည်။ ကလီယိုပါထရား၏ အလှဒဏ်ကို မခံနိုင်ရှာသော မတ်အန်တိုနီသည် အပြစ်သဘောဖြင့် စစ်ဆေးရန်ကိုပင် မေ့ပျောက်လျက် အယ်လယ်ဇန္ဒြီးယားမြို့အရောက် ကလီယိုပါထရား၏နောက်သို့ လိုက်ပါသွားလေတော့သည်။
အန်တိုနီဘုရင်ကြီးသည် ကလီယိုပါထရားနှင့် အတူ အယ်လယ်ဇန္ဒြီးယားမြို့တွင် တနှစ်ခန့် ပျော်ရွှင်စွာနေထိုင်ပြီးနောက် ရောမမြို့သို့ ပြန်သွားလေသည်။ အန်တိုနီသည် တွဲဖက်အုပ်ချုပ်သူ အော့တေးဗီးယန်းနှင့် ပိုမိုစည်းလုံးမိစေရန် အော့တေးဗီးယန်း၏နှမနှင့် လက်ဆက်လိုက်သည်။ ကလီယိုပါထရားမှာ မတ်အန်တိုနီနှင့် ပေါင်းသင်းရရှိလာသော အမြွှာမောင်နှမကို မွေးဖွားခဲ့၏။ အန်တိုနီသည် လေးနှစ်ခန့်အကြာ၌ အီဂျစ်နိုင်ငံသို့ ပြန်လာ၍ ကလီယိုပါထရားနှင့် ပျော်ပါးနေပြီး ရောမနိုင်ငံတော်၏ အရေးကို မေ့လျော့၍ နေတော့သည်။

အော့တေးဗီးယန်းသည် နှမတော်အား စွန့်ပစ်သွားသည့် အန်တိုနီကို လက်စားချေလို၍ တကြောင်း၊ ဆီဇာရွန်း၏ ရန်စွယ်ကို ကြိုတင်ကာကွယ်လိုသည်ကတကြောင်းတို့ကြောင့် မတ်အန်တိုနီအပေါ် စစ်ကြေညာသည်။ ဘီစီ ၃၁-တွင် အက်ရှမ်ရေကြောင်းတိုက်ပွဲ၌ အန်တိုနီနှင့် ကလီယိုပါထရားတို့၏တပ်များကို အနိုင်ရရှိလေသည်။ ကလီယိုပါထရားသည် သူ၏သင်္ဘောတပ်ကို ရုပ်သိမ်း၍ အလက်ဇန္ဒြီးယားမြို့သို့ ပြန်ပြေးလေသည်။ မတ်အန်တိုနီသည် မိမိကိုယ်ကို အဆုံးစီရင်လိုက်သဖြင့် ကလီယိုပါထရား၏ လက်ပေါ်မှာပင် အသက်ပျောက်သွားလေသည်။
READ  သူမ လိင်အင်္ဂါနဲ့ပတ်သက်ပြီး ရုပ်သံလိုင်းမှာ ပွင့်ပွင့်လင်းလင်း ရင်ဖွင့်ခဲ့တဲ့ ဗြိတိန်အမျိုးသမီး

ကလီယိုပါထရားသည် အော့တေးဗီးယန်းအား မိမိ၏ရူပါရုံဖြင့် ချော့မြူရန်ကြိုးစားသော်လည်း မရခဲ့ပေ။ မိမိအား သံကြိုးနှင့်ချည်နှောင်ကာ ရောမဗိုလ်ပုံအလယ်တွင် အရှက်ခွဲမည်ကို ကြိုတင်သိမြင်သည်။ ထို့ကြောင့် အသက် ၃၈-နှစ်အရွယ် ကလီယိုပါထရားသည် မိမိတွင် အသင့်ဆောင်ထားသော မြွေပွေးငယ်အား မိမိ၏ရင်ကို ကိုက်စေပြီးလျှင် အသက်ကို အဆုံးစီရင်လိုက်သည်။ ထိုအခါ အော့တေးဗီးယန်းသည် ဆီဇာနှင့် ရထားခဲ့သော ဆီဇာရွန်းကိုလည်း ကွပ်မျက်လိုက်လေသည်။ မြွေဟောက်သတ္တ၀ါသည် အဆိပ်ပြင်းထန်သဖြင့် အကိုက်ခံရသူတိုင်း အသက်ဆုံးရှုံးကြရသည်။ ထို့အတူ ကလီယိုပါထရား၏ အလှယမက်သည် ယောက်ျားတိုင်းအား ဆွဲဆောင်နိုင်ပြီး ၄င်း၏အလှမာယာ ကျော့ကွင်းသို့ ၀င်ရောက်လာသူကို အလွတ်မပေးဘို့ သူ့ဆန္ဒအတိုင်း လိုက်လျောကြရသည်ဖြစ်၍ ကလီယိုပါထရားကို မြွေဟောက်နှင့် နှိုင်းယှဉ်ထားခြင်း ဖြစ်သည်။

ဦးမြင့်စော (သမိုင်းပါမောက္ခ)

Share from www.thutazone.com

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post