ပြည်သူတွေအကျိုးကို အကောင်အထည်ဖော်နိုင်မယ့် ဥပဒေတွေပြဌာန်းနိုင်ရေး အလေးထား ဆောင်ရွက်နေတယ်လို့ ပြည်ထောင်စုလွှတ်တော် နာယက မန်းဝင်းခိုင်သန်းက ပြောပါတယ်။
နေပြည်တော် လွှတ်တော်ဝင်း ဇမ္ဗူသီရိခန်းမမှာ ဒီကနေ့ ကျင်းပတဲ့ ဒုတိယအကြိမ်လွှတ်တော် တစ်နှစ်ပြည့်အခမ်းအနားမှာ ပြည်ထောင်စုလွှတ်တော်နာယက မန်းဝင်းခိုင်သန်းက ပြောခဲ့တာ ဖြစ်ပါတယ်။
လွှတ်တော်ဟာ ဥပဒေပြုရေးအပြင် နိုင်ငံအကျိုးနဲ့ ဒေသအကျိုးအတွက် လွှတ်တော်မှာ အဆိုတွေ မေးခွန်းတွေ တင်ပြနေသလို အုပ်ချုပ်ရေးနဲ့ တရားစီရင်ရေးကဏ္ဍတွေကိုလည်း ထိန်းညှိဆောင်ရွက် နေတယ်လို့ မန်းဝင်းခိုင်သန်းက ပြောပါတယ်။
လွှတ်တော်တစ်နှစ်ပြည့်အခမ်းအနားကို နိုင်ငံတော်ရဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်မယ်လို့ သတင်းတွေ ထွက်ခဲ့ပေမယ့် ဒီနေ့ မတက်ရောက်ခဲ့ပါဘူး။
အခမ်းအနားကို ဒုတိယတပ်မတော်ကာကွယ်ရေးဦးစီးချုပ် ဒုတိယဗိုလ်ချုပ်မှူးကြီး စိုးဝင်းအပါအ၀င် ပြည်ထောင်စုအဆင့်ဝန်ကြီးတွေ၊ ပြည်ထောင်စုအဆင့်အဖွဲ့အစည်းတွေ၊ လွှတ်တော်ကိုယ်စားလှယ် တွေ တက်ရောက်ခဲ့ကြပါတယ်။
RFA
No comments:
Post a Comment