ရခိုင်ပြည်နယ်မှာ ပြီးခဲ့တဲ့ လွှတ်တော်သက်တမ်း ၅ နှစ်တာကာလအတွင်း အတည်ပြုခဲ့တဲ့ ဥပဒေ ၁၄ ခုကို ထိထိရောက်ရောက်ကျင့်သုံးနိုင်ဖို့ ပြည်နယ်အစိုးရထံ တိုက်တွန်းကြောင်းအဆိုကို လက်ခံဆွေးနွေးဖို့ ဒီနေ့ ရခိုင်ပြည်နယ်လွှတ်တော်မှာ ဆုံးဖြတ်လိုက်ပါတယ်။
အဲဒီအဆိုကို အမ်းမြို့နယ်မဲဆန္ဒနယ်က ပြည်နယ်လွှတ်တော်ကိုယ်စားလှယ် ဦးခင်မောင်ဌေးက တင်သွင်းခဲ့တာဖြစ်ပြီး လက်ရှိလွှတ်တော်အနေနဲ့ ဥပဒေပြုရေးကဏ္ဍကို ထိထိရောက်ရောက် ဆောင်ရွက်ဖို့လိုကြောင်း တင်ပြခဲ့ပါတယ်။
ပြီးခဲ့တဲ့ ပထမအကြိမ် ရခိုင်ပြည်နယ်လွှတ်တော် ၅ နှစ်တာကာလမှာ ဥပဒေ ၁၄ ခုကို အတည်ပြုနိုင်ခဲ့ပေမယ့် အဲဒီဥပဒေတွေအတွက် နည်းဥပဒေတွေထွက်ပေါ်လာခြင်း မရှိသေးတာကြောင့် အသက်မဝင်သေးဘဲဖြစ်နေတယ်လို့ ပြည်နယ်လွှတ်တော်ကိုယ်စားလှယ် ဦးခင်မောင်ဌေး က တင်ပြခဲ့ပါတယ်။
အတည်ပြုထားတဲ့ ဥပဒေတွေအတွက် နည်းဥပဒေတွေကို သက်ဆိုင်ရာအစိုးရဌာနတွေက တာဝန်ယူရေးဆွဲရမှာဖြစ်ပြီး အခုလိုကြန့်ကြာနေတာ ရခိုင်ပြည်နယ်အစိုးရအဖွဲ့မှာ တာဝန်ရှိတယ်လို့ ထောက်ပြခဲ့ပါတယ်။
ပြီးခဲ့တဲ့လွှတ်တော်သက်တမ်းအတွင်း ပြည်နယ် အခွန်ကောက်ဥပဒေ၊ ပြည်နယ် ငါးလုပ်ငန်းဥပဒေ၊ ပြည်နယ် သစ်တောနဲ့ သတ္တုဥပဒေ စတဲ့ ဥပဒေတွေအပါအ၀င် ၁၄ ခုကို အတည်ပြုပြဌာန်းခဲ့တာဖြစ်ပါတယ်။
အဆိုကို လွှတ်တော်ကိုယ်စားလှယ်တစ်ဦးက ထောက်ခံပြီး ကန့်ကွက်သူမရှိတာကြောင့် ဆက်လက်ဆွေးနွေးဖို့ လွှတ်တော်က ဆုံးဖြတ်ခဲ့တာဖြစ်ပါတယ်။
Photo: Min Thein Aung/RFA
( ရခိုင်ပြည်နယ် လွှတ်တော်အစည်းအဝေးကျင်းပစဉ် )
No comments:
Post a Comment