(၁)
ပထမနှစ် ကျောင်းသား၊ ကျောင်းသူတွေကို စာသင်နေရင်း စာသင်ခန်းမျက်နှာကြက်ဆီသို့ မျက်လုံးအကြည့်ရောက်သွားသည့်အခါ လန့်သလိုလိုတောင် ဖြစ်သွားမိပါတယ်။ မျက်နှာကြက်ရှိ သစ်သားတန်းအဆက်တစ်ခုက ပြုတ်ထွက်နေပြီး မျက်နှာကြက် အမိုးပြားက အရှည်သုံးပေလောက် ဟက်တက် ကွဲထွက်နေတာကို တွေ့လိုက်ရလို့ ဖြစ်ပါတယ်။
အဲဒီစာသင်ခန်းတည်ရှိရာ နှစ်ထပ်စာသင်ဆောင်ကြီးတစ်ခု လုံးက အသစ်စက်စက်ပါ။ ဒီနှစ် မှစပြီး အသုံးပြုတာပါ။ နိုင်ငံတော်ရဲ့ ဘတ်ဂျက်အသုံးစရိတ်များနဲ့ ပုဂ္ဂလိကကန်ထရိုက်များ၊ တာဝန် ယူကြီးကြပ်စစ်ဆေးရေးအဖွဲ့များ က လုပ်ထုံးလုပ်နည်းများအတိုင်း ဆောက်လုပ်ခဲ့ကြတာပါ။ အဲဒီလို ဌာနဆိုင်ရာ အဆောက်အအုံများ၊အဆောက်အအုံပစ္စည်းများ၊ လမ်းတံတားများရဲ့ အသစ်စက်စက် အသုံးပြုခါစ အချိန်တိုကာလအ တွင်းမှာပဲ မဖြစ်သင့်တဲ့ ပျက်စီးယိုယွင်းမှုတွေရှိတတ်တာကို ပတ် ၀န်းကျင်မှာ အနည်းနဲ့ အများဆို သလို တွေ့ကြရတတ်ပါတယ်။
မျက်နှာကြက်တွေ မိုးယို တာ၊ ဘိလပ်မြေကြမ်းခင်းတွေ ပေါက်ပြဲတာ၊ ပြတင်းတံခါးပေါက်ချိတ်တွေပြုတ်ထွက်တာ၊ ဖွင့်မရ၊ပိတ်မရ အဆင်မပြေတာ၊ ပန်ကာခလုတ်၊ မီးခလုတ်တွေ အသုံးမခံ တာ၊ အုတ်ရေမြောင်းတွေ ရေ ဆင်းမကောင်းတာ၊ ရေချိုးကန် တွေ၊ မိလ္လာကန်တွေ ရေမလုံတာ၊ အုတ်နံရံများ၊ အခင်းများ၊ ကွန် ကရစ်လမ်းများ လူမြင်မကောင်း အောင် ကွဲအက်တာ၊ ဆေးအရောင်တွေ အချပ်လိုက်ကွာကျတာ၊ ရေ စနစ်၊ မီးစနစ်၊ လုံခြုံမှုစနစ်၊ ကြံ့ ခိုင်မှုစနစ် အားနည်းတာတွေကို အများပြည်သူဆိုင်ရာနေရာတွေ မှာ အတွေ့ရအများဆုံးပါပဲ။
(၂)
‘‘ရေကန်က ရေမလုံဘူး။ ရေ ထည့်လို့ မရဘူး။ ဒီအတိုင်း ဟောင်းလောင်းပဲ ထားရတယ်။ ဘယ်သူမှ အသုံးပြုလို့မရဘူး။ ဒီ ရေကန်အတွက် ကုန်ကျစရိတ်က အလဟဿ ဖြစ်သွားတာပေါ့’’ တက္ကသိုလ်ကြီးတစ်ခုရဲ့ အစိုးရ ကျောင်းတွင်းကျောင်းသူဆောင် မှာရှိတဲ့ အများသုံးရေချိုးကန်ရဲ့ အနေအထားကို မိတ်ဆွေတစ် ယောက်က ပြောပြနေတာပါ။ အဲဒီအုတ်ရေကန်ကလည်း အသစ်ပါပဲ။ အထဲမှာတော့ ရေတစ်စက် မျှမရှိ။ ခြောက်ကပ်ကပ် ပက် လက်။
၂၀၁၅ ခုနှစ် ဒီဇင်ဘာလထဲ မှာ ဌာနနေရာကို တက္ကသိုလ်အ တွင်း အဆောင်အသစ်ရှိရာဆီကို ရွှေ့ပြောင်းခဲ့ရပါတယ်။ ၂၀၁၅ ခုနှစ် မတ်လအမီ တည်ဆောက် ပြီးစီးခဲ့တဲ့ နှစ်ထပ်စာသင်ဆောင် ပဲ ဖြစ်ပါတယ်။ အဆောင်ရှေ့ ဆင်ဝင်အောက်မှာ ပန်းအလှစိုက်ဖို့ ဘောင်ခတ်ထားတဲ့ အုတ်ဘောင် များက ထက်ပိုင်းကွဲထွက်နေပါ တယ်။ ဒါက အဲဒီစာသင်ဆောင် ကို မည်သူမျှအသုံးမပြုရမီ အသစ်စက်စက်အနေအထားပါ။ ဆရာ၊ ဆရာမများ၊ ကျောင်းသား၊ ကျောင်းသူများရောက်ရှိ အသုံးပြု ပြီး တစ်နှစ်အကြာမှာတော့ စာ သင်ဆောင် အောက်ထပ်လျှောက်လမ်းအခင်းတစ်နေရာက ပေါက် ထွက်လာပါတယ်။ ကြည့်လိုက် တော့ အပေါ်ယံဘိလပ်မြေသားအလွှာက ပါးပါးလေး။
ပညာရေးဘတ်ဂျက်တွေ၊ နိုင်ငံတော်ဘတ်ဂျက်တွေ အဟောသိကံဖြစ်တာ၊ မဖြစ်တာကို အဲဒီ ဘတ်ဂျက်တွေအပေါ်က အကျိုး အမြတ်ရသူတွေသာ အသိဆုံးဖြစ်မှာပါ။ ဘတ်ဂျက်ပွဲစားတွေ၊ ကန် ထရိုက်လေလံပွဲစားတွေ၊ လုပ်ပိုင်ခွင့်ကို အလွဲသုံးစားလုပ်တဲ့ အကြီးအကဲတွေဟာ စီမံကိန်းဘတ်ဂျက်ဆိုင်ရာ ပြည်သူ့ဘဏ္ဍာအသုံးစ ရိတ်များကနေ ငွေကျပ် သိန်း ဆယ်ချီ၊ ရာချီရဖို့အတွက် ကိုယ် ပိုင်စီးပွားရေးလုပ်ငန်းတစ်ခုလို အားစိုက် လုံးပန်းတတ်ကြပါ တယ်။ သူတို့က အားစိုက်လေလေပြည်သူ့အတွက် ဘတ်ဂျက်တွေ က လုံးပါးပါးလေပါပဲ။
ဒီချုပ်အစိုးရက ၂၀၁၇-၁၈ ဘဏ္ဍာရေးနှစ်တွင် ပညာရေးအ သုံးစရိတ်ကို ဆယ်စုနှစ်များစွာအ တွင်း ပထမဆုံးအကြိမ် စံချိန်တင် တိုးကာ ဘတ်ဂျက်၏ ၈ဒသမ၄၄ ရာခိုင်နှုန်းဖြစ်သော ၁,၇၆၄ ဘီလီ ယံကျပ်အသုံးပြုမည် ဖြစ်သည်။ ပညာရေးအသုံးစရိတ်အများစုကို ကျောင်းသစ်များဆောက်လုပ် ပေးရန်၊ ဥပဓိရုပ်မကောင်းသော ကျောင်းများအသစ်ဆောက်လုပ် ရန် အများစုအသုံးပြုနိုင်ကြောင်း အမတ်အချို့က ပြောထားတယ်။
ထို့ကြောင့် စံချိန်တင်ချပေး သော ပညာရေးဘတ်ဂျက်များ ဆီးသီးဗန်းမမှောက်ရန် လိုပါတယ်။ လာမည့်ဘဏ္ဍာနှစ်အတွက် ဘတ်ဂျက်ကို လွှတ်တော်တွင် ဆွေးနွေးနေဆဲ ဖြစ်သော်လည်း ပညာရေးအသုံးစရိတ်ကို အစိုးရတောင်းသည့်အတိုင်း လွှတ်တော်က ခွင့်ပြုပါလိမ့်မယ်။
(၃)
တက္ကသိုလ်မှာ စာသင်တဲ့ အခါ နိုင်ငံ့အရေးအရာ အကြောင်းအရာများက မပါလို့မဖြစ်ပါဘူး။ ဘာသာရပ်တိုင်းဟာ ပညာနယ်နိ မိတ်ချင်း ထိစပ်ပတ်သက်နေပါ တယ်။ သမိုင်း၊ ပထ၀ီဝင်၊ လူမှု သိပ္ပံနဲ့ ဘာသာဗေဒတွေကအစ ကျန်းမာရေး၊ ပညာရေး၊ စီးပွား ရေး၊ နိုင်ငံရေးအထိ လိုအပ်ရင် လိုအပ်သလို ချိတ်ဆက်ဆွေးနွေး ပို့ချကြရပါတယ်။ တိုင်းပြည်ရဲ့ အတိတ်၊ ပစ္စုပ္ပန်ဖြစ်စဉ်အားလုံး က လက်တွေ့ပညာရေးမှာ ဥပမာ ပြုစရာတွေချည်းပါပဲ။ ပညာရေး ဟာ ခေတ်ကို မျက်ခြည်ပြတ်မနေ မှ အနာဂတ်ကို ဖန်တီးနိုင်မှာ မ ဟုတ်လား။ ဟန်ပြအလိမ်အညာ ပညာရေး၊ ဖိနှိပ်ကန့်သတ်ချုပ် ချယ် ပညာရေးဟာ လူတိုင်းကို အထိနာစေခဲ့တာပါ။
ပညာရေးပတ်ဝန်းကျင်မှာရှိ တဲ့ ရုပ်ဝတ္ထုတွေ၊ အနှစ်သာရတွေ ရဲ့ အရည်အသွေးကို ထွက်ပေါ် လာတဲ့ လူသားအရင်းအမြစ်ရလဒ် တွေနဲ့ အကဲဖြတ်နိုင်ပါလိမ့်မယ်။ ခြစားမှု၊ လာဘ်ပေးလာဘ်ယူပြု မှု၊ အလွဲသုံးစားမှုတွေကြောင့် နိုင်ငံတော်ဘတ်ဂျက်ရဲ့ အသီးအပွင့် တွေကို ကောင်းကောင်းမွန်မွန်၊ ပြည့်ပြည့်၀၀မခံစားကြရပါဘူး။ ဘတ်ဂျက်တွေ လေလွင့်မှုများ လျှင် ဘတ်ဂျက်အာဟာရချိုတဲ့မှာ ဖြစ်ပြီး စီမံကိန်းတွေက သန်စွမ်းမှာမဟုတ်တော့ပါဘူး။ မျိုးဆက်သစ် လူငယ်ကျောင်းသား၊ ကျောင်းသူ တွေအတွက် နိုင်ငံတော်ဘတ် ဂျက်များရဲ့ ထိရောက်မှုစွမ်းအား က အရေးကြီးလှပါတယ်။
စာကြိုးစားဖို့၊ လိမ္မာဖို့၊ လူ ကောင်းလူတော်ဖြစ်အောင် နေ ထိုင်ဖို့၊ ပညာရှင်အဖြစ် ရပ်တည် နိုင်ဖို့၊ ဒီမိုကရေစီနိုင်ငံတော်တည် ဆောက်ရေးမှာ တစ်တပ်တစ်အားပါဝင်ကြဖို့ကို စာသင်ရင်း လမ်း ညွှန်ပါတယ်။ မြန်မာ့နိုင်ငံရေး၊ ကမ္ဘာ့နိုင်ငံရေးများကို စိတ်ဝင်စား ဖို့ လိုအပ်ကြောင်း၊ ခေတ်နဲ့အညီ စိန်ခေါ်မှုအသီးသီးကို ရင်ဆိုင်ဖြေ ရှင်းနိုင်ဖို့ ပညာရေးကဏ္ဍ အရေး ပါကြောင်း ပြောကြတဲ့အခါ စာ သင်ခန်းအတွင်း၊ တက္ကသိုလ်ပရိ ၀ုဏ်အတွင်းမှာ Internet Access မရှိဘဲ နိုင်ငံတော်ရဲ့ ရေရှည်ရင်းနှီး မြှုပ်နှံမှုများဖြစ်တဲ့ အဆောက်အ အုံတွေမှာသာ မြန်မြန်ဆန်ဆန် ယိုယွင်းမှုတွေ တွေ့ရှိနေကြရတဲ့ အတွက် လိပ်ပြာမလုံဖြစ်ကြရပါ တယ်။ ဒီလိုနဲ့ စာသင်တဲ့အခါ အ ကုန်ပြောကြ၊ ဆွေးနွေးငြင်းခုံကြရ တော့တာပါပဲ။
(၄)
‘အကန်အသတ်ရှိသည့် နိုင် ငံတော်၏ ဘတ်ဂျက်များကို သေ ချာစွာစိစစ်၍ လေလွင့်မှုမရှိစေ ရန် ထိထိရောက်ရောက်ကြပ်မတ် သုံးစွဲကြရမည် ဖြစ်ကြောင်း’စီမံ ကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းက ပြောကြားခဲ့တဲ့ သတင်းကို ဖေဖော်ဝါရီ ၈ ရက်က ဖတ်လိုက်ရပါတယ်။ တိုင်းဒေသကြီး၊ ပြည် နယ်များမှ စီမံကိန်းနှင့် ဘဏ္ဍာရေး ၀န်ကြီးများအား ရသုံးမှန်းခြေငွေ စာရင်းရေးဆွဲခြင်းနှင့် ဘဏ္ဍာရန်ပုံငွေစီမံခန့်ခွဲခြင်း သင်တန်းဖွင့်ပွဲမှာ ပြောခဲ့တာ ဖြစ်ပါတယ်။ နိုင်ငံ တော်၏ အတိုင်ပင်ခံပုဂ္ဂိုလ် ဒေါ် အောင်ဆန်းစုကြည်ကလည်း ၎င်း ၀န်ကြီးများကို နိုင်ငံတော်သမ္မတ အိမ်တော်အစည်းအဝေးခန်းမမှာ ဖေဖော်ဝါရီ ၇ ရက်က တွေ့ဆုံပြီး‘စီမံကိန်းလုပ်ငန်းများ ဆောင် ရွက်ရာတွင် လွှတ်တော်၏ ကတိ က၀တ်များကို ထည့်သွင်းစဉ်းစား ဆောင်ရွက်ကြရန် လိုအပ်ပါ ကြောင်း၊ စီမံကိန်းလုပ်ငန်းများကို ဆောင်ရွက် လုပ်ကိုင်နေခြင်း သည် ပါတီတစ်ခုအတွက်၊ အဖွဲ့ အစည်းတစ်ခုအတွက် မဟုတ်ပါ ကြောင်း၊ တိုင်းပြည်ဖွံ့ဖြိုးတိုး တက်အောင် ဆောင်ရွက်နေခြင်း ဖြစ်ပါကြောင်း’ မှာကြားခဲ့တယ် လို့ သိရပါတယ်။
တစ်ခေတ်ပြီးတစ်ခေတ်၊ တစ်စနစ်ပြီးတစ်စနစ်၊ တစ်နှစ်ပြီး တစ်နှစ်တိုင်းပြည်ဘဏ္ဍာငွေအ ရင်းအနှီးများဟာ အချည်းနှီးမဖြစ် သင့်ပါဘူး။ ရေတိုအတွက် ကုန် အောင်သုံးဖို့ မဟုတ်ပါဘူး။ ခဏ ခဏပြုပြင်ဖာထေးရ၊ အသစ်အ သစ် ထပ်ခါထပ်ခါပြန်လည်ဖြည့် ဆည်းရတာဟာ များစွာအထိနာ စေပါတယ်။ ကုန်ကျစရိတ်ကိုမှ မကာမိတဲ့ ပြန်ရချက်ကို တွက်စစ် ရင် အရှုံးသာ အဖတ်တင်မှာ ဖြစ် ပါတယ်။ နိုင်ငံတော်ဘဏ္ဍာငွေ အသုံးစရိတ်များဟာ ပြည်သူ့အ တွက် ကုန်ကျစရိတ်များဖြစ်တာ မို့ ကြားထဲကနေ ဘယ်သူမှ အမြတ်မယူသင့်ပါဘူး။ ‘သမင်မွေးရင်း ကျားစားရင်း’ဖြစ်မနေသင့်ပါဘူး။
တိုင်းပြည်ဖွံ့ဖြိုးဖို့ဆိုရင် ဘတ်ဂျက်တွေဟာ ပြည်သူတွေ ဆီ ရောက်သင့်ပါတယ်။ ပြည်သူ တိုင်း နိုင်ငံတော်ဘတ်ဂျက်ရဲ့ အသီးအပွင့်များကို ခံစားခွင့်ရှိရပါ မယ်။ ကုန်ကျရင်းနှီးမှုများနဲ့ လျော်ညီစွာ သပ်သပ်ရပ်ရပ်၊ တည်တည်တံ့တံ့၊ ခိုင်ခိုင်ခံ့ခံ့အသုံးပြုခွင့်၊ ပိုင်ဆိုင်ခွင့်ရကြရပါတယ်။ နိုင်ငံ တော်ဘတ်ဂျက်အပါးက ကပ်ပါး ရပ်ပါး ကိုယ်ကျိုးရှာသမားတွေကို သတိထားကြရပါမယ်။ ဘတ် ဂျက်ငွေပမာဏတိုင်းဟာ ပြည်သူ လူထုအတွက် အခြေခံအဆောက် အအုံဖြစ်ထွန်းရေးအတွက် ရာနှုန်း ပြည့်ဖြစ်သင့်ပါတယ်။ ဒီလိုနိုင်ငံ့ အရေးအရာ၊ နိုင်ငံ့အကြောင်းအ ရာကိစ္စများဟာ ဘယ်နေရာမှာ ဖြစ်ဖြစ် ပြောကြဆိုကြ တိုင်ပင် ညှိနှိုင်းကြရမှာ မဟုတ်ပါလား။
7Day News Journal
No comments:
Post a Comment