အမေရိကန်ပြည်ထောင်စု ပင်ဆယ်ဗေးနီးယားပြည်နယ်က စာကြည့်တိုက် တစ်တိုက်မှာ လာအပ်တဲ့ စာအုပ်ကို စစ်ဆေးကြည့်တော့ ၇၅ နှစ်လောက် နောက်ကျနေပါသတဲ့။
ဒါနဲ့ စာကြည့်တိုက်အာဏာပိုင်က ရက်ကျော်ခတွေကို တွက်ကြည့်လိုက်ပြီး ၇၅ နှစ်စာ အမေရိကန်ဒေါ်လာ ၅၅၀ ဒဏ်ရိုက်လိုက်ပါသတဲ့။ ၁၉၄၁ ခုနှစ် ဒီဇင်ဘာလ ၂ ရက်နေ့မှာ အဲဒီစာအုပ်ကို ငှားသွားခဲ့တာဖြစ်ပါတယ်။ စာအုပ်ငှားသွားပြီး ၅ ရက်အကြာမှာပဲ အမေရိကန် ပုလဲဆိပ်ကမ်းကို ဂျပန်က တိုက်ခိုက်ခဲ့တာ ဖြစ်ပါတယ်။
ဒီစာအုပ်ကို ပြီးခဲ့တဲ့ ဗုဒ္ဓဟူးနေ့ကမှ သွားရောက်အပ်နှံခဲ့တာ ဖြစ်ပါသတဲ့။ အိမ်က မြေအောက်ခန်းထဲမှာ အဲဒီစာအုပ်ကို တွေ့ခဲ့တာပါလို့ မစ္စတာ ရောဘတ်လော့ခ်မန်း ဂျူနီယာက ပြောပါတယ်။ သူ့ဖခင် အသက် ၉ နှစ်သားအရွယ်က ငှားခဲ့တာပါ။ ဖခင်ဟာ ၂၀၁၃ ခုနှစ်မှာ ကွယ်လွန်သွားခဲ့ပြီးတော့ သူသာ ဒီစာအုပ်ကိုတွေ့ရင် ပြန်အပ်ချင်လောက်တယ် ဆိုပြီးတော့ သွားအပ်ဖို့ ဆုံးဖြတ်လိုက်တာဖြစ်ပါသတဲ့။
The Voice
No comments:
Post a Comment