ဖေဖော်ဝါရီလ ၃ ။ ။ အစိုးရ ငြိမ်းချမ်းရေး ကော်မရှင် ဥက္ကဋ္ဌ ပေးပို့သော စာသည် ကချင် လွတ်လပ်ရေး အဖွဲ့ (KIO) ကို နိုင်ငံရေး ဆွေးနွေးရန် အတွက် ရန်ကုန်မြို့သို့ လာရောက်ရန် ကမ်းလှမ်းခဲ့ သော်လည်း ယခင်က KIO ဘက်မှ မေးမြန်း ထားမှုကို သိလိုကြောင်း ထပ်မံ စာပေးပို့ထားသည် ဟု KIO ဒုဥက္ကဋ္ဌ (၂) ဗိုလ်ချုပ် ဂွမ်မော်က ပြောသည်။
“ပထမအရင်က စာရလို့ ဝမ်းသာကြောင်း။ ဒုတိယ အချက်က နိုင်ငံရေး ဆွေးနွေးတာက UNFC မှ DPN က ဆက်လက် ဆွေးနွေးနေပါတယ်။ တတိအချက်က အရင်က ကျွန်တော်တို့ဘက်က ဒေါက်တာ တင်မျိုးဝင်းကို ကျွန်တော် သိချင်တာတွေ စာရေးပြီး မေးထားတာရှိတယ်။ အဲဒါနဲ့ ပတ်သက်လို့ သိချင်တယ် ဆိုပြီး အချက် ၃ချက် ပြန်မေးထားတယ်” ဟု သူက ဖေဖော်ဝါရီလ ၂ ရက်နေ့က မဇ္စျိမကို ပြောသည်။
ပြီးခဲ့သည့် ဇန်နဝါရီလ ၂၇ ရက်နေ့က အစိုးရ ငြိမ်းချမ်းရေး ကော်မရှင် ဥက္ကဋ္ဌ ဒေါက်တာ တင်မျိုးဝင်းက နိုင်ငံရေး ဆွေးနွေးလိုပါက ရန်ကုန်မြို့သို့ လာရောက်ရန် ပေးပို့သော စာလက်ခံရရှိပြီး နောက်တစ်နေ့တွင် KIO ဘက်မှ ပြန်လည် အကြောင်းကြားလိုက်ခြင်း ဖြစ်သည်။
ပြီးခဲ့သည့် ၂၀၁၆ ခုနှစ် ၆ လကတည်းက KIO ဘက်မှ ဒေါက်တာ တင်မျိုးဝင်း ထံ ပေးပို့ခဲ့သော စာတွင် KIA ကို အကြမ်းဖက် အဖွဲ့အဖြစ် သတ်မှတ်ထားသည့် ကိစ္စ၊ မြေပြင်တွင် တပ်မတော်မှ ထိုးစစ် ဆင်နေမှုများပေါ် တွေ့ဆုံ ဆွေးနွေးရန် အဆိုပြုစာ ပေးပို့ခဲ့ခြင်း ဖြစ်ကြောင်း သိရသည်။
KIO သည် တစ်နိုင်ငံလုံး ပစ်ခတ် တိုက်ခိုက်မှု ရပ်စဲရေး စာချုပ် (NCA) လက်မှတ် မထိုးသေးသော ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ (UNFC) မှ နိုင်ငံရေး ဆိုင်ရာ ညှိနှိုင်းရေး ကိုယ်စားလှယ် အဖွဲ့ (DPN) တွင် ပါဝင်၍ အစိုးရ ငြိမ်းချမ်းရေး ကော်မရှင်နှင့် တွေ့ဆုံ ဆွေးနွေးနေသည့် အဖွဲ့ ဖြစ်သည်။
KIO ကို နိုင်ငံရေး ဆွေးနွေးရန် ဖိတ်ကြားခြင်း မရှင်းလင်း သဖြင့် ဒေါက်တာ တင်မျိုးဝင်း ထံသို့ စာပြန်ပေးပို့ ထားသည်ဟု သူက ဆက်လက် ပြောဆိုသည်။
“ကေအိုင်အို ကို တွေ့ဖို့ ဖိတ်စာပို့တယ် ဆိုတဲ့ ပုံစံမျိုး ဖြစ်နေတယ်။ အဲဒီလို မဟုတ်ဘူး။ အစည်းအဝေး ခေါ်တာလည်း မဟုတ်ဘူး။ ဘယ်နေ့၊ ဘယ်ရက် တွေ့ဖို့ ခေါင်းစဉ်တွေ ပေးထားတာ မဟုတ်ဘူး” ဟု သူက ပြောသည်။
ပြီးခဲ့သည့် ဇန်နဝါရီလ ၁၃ ရက်နေ့ ထိုင်းနိုင်ငံ ချင်းမိုင်မြို့တွင် DPN နှင့် အစိုးရ ငြိမ်းချမ်းရေး ကော်မရှင် တို့ DPN ဘက်မှ တင်ပြထားသည့် အချက် ၈ ချက် အပေါ် ဆွေးနွေးခဲ့သည်။ ဇန်နဝါရီ လကုန်ပိုင်းတွင် ရန်ကုန်မြို့တွင် ထပ်မံ တွေ့ဆုံရန် အစိုးရဘက်မှ ကမ်းလှမ်းမှုနှင့် ပတ်သက်၍ မရှင်းလင်းသဖြင့် ညှိနှိုင်းနေရဆဲ ဖြစ်သည်ဟု သိရသည်။
Mizzima
No comments:
Post a Comment