ခုနောက်ပိုင်း လူငယ်အများစုဟာ အိပ်သည့်အခါတွင်လည်း လျှပ်စစ်မီးကို မပိတ်တော့ပဲ တစ်ညလုံးထွန်းထားတတ်ကြပါတယ်။ တချို့သူတွေဆိုရင် မီးဖွင့်ပြီးအိပ်မှ အိပ်ပျော်ကြပါတယ်။ လျှပ်စစ်မီးဖွင့်ပြီး အိပ်ခြင်းဟာ ကိုယ်ခံအားစနစ်ကို ဆိုးဆိုးရွားရွား ထိခိုက်စေနိုင်တယ်လို့ ဆေးသုတေသနတစ်ခုက စမ်းသပ်တွေ့ရှိခဲ့ပါတယ်။ မီးဖွင့်ပြီး အိပ်တယ်ဆိုတာ ညအိပ်မီးမှိန်မှိန်လေးထွန်းတာကို ပြောခြင်းမဟုတ်ဘဲ ပုံမှန်လျှပ်စစ် မီးသီးနဲ့ မီးချောင်းများကို ဖွင့်ပြီး အိပ်တာကို ဆိုလိုတာ ဖြစ်ပါတယ်။
အလုပ်လုပ်စဉ်မှာလည်း အခန်းတွင်း လျှပ်စစ်မီးနဲ့ လုပ်တယ်။ အိမ်ရောက်တော့လည်း အခန်းတွင်းအောင်းပြီး လျှပ်စစ်မီးနဲ့ နေတတ်ကြပါတယ်။ ပြင်ပအလင်းရောင်နဲ့ ပုံမှန်ထိတွေ့မှုမရှိတဲ့အခါမှာ အဲဒီလိုလူတွေဟာ အချိန်ကြာလာတာနဲ့ အမျှ နေရထိုင်ရ မအီမသာဖြစ်လာတတ်ပါတယ်။ လျှပ်စစ်မီးအလင်းရောင်အောက်မှာပဲ အမြဲလိုလို နေရတဲ့အတွက် စိတ်မကြည်လင်ပဲ ထိုင်းမှိုင်းလာခြင်း၊ ရောဂါများအလွယ်တကူဖြစ်တတ်သည်အထိ ကိုယ်ခံအားကျဆင်းခြင်းများကို ဖြစ်လာစေပါတယ်။
နယ်သာလန်နိုင်ငံ လိုင်ဒန်ဆေးတက္ကသိုလ်မှာ ကြွက်များကို စမ်းသပ်တဲ့အခါ မီးအလင်းရောင်အောက်မှာ လပေါင်းများစွာ အထားခံရတဲ့ ကြွက်တွေဟာ ကိုယ်ခံအားနည်းလျော့နည်းလာပြီး ကျန်းမာရေးဆိုးရွားလာတာကို တွေ့ရှိရပါတယ်။ ဒါကိုကြည့်ပြီး လျှပ်စစ်မီးတွေဟာ ကျွန်တော်တို့ ခန္ဓာကိုယ်ကိုလည်း ထိခိုက်စေနိုင်တယ်ဆိုတာကို ခန့်မှန်းနိုင်ပါတယ်။ ညအိပ်တဲ့အခါမှာ မီးဖွင့်ပြီး အိပ်တဲ့အခါမှာ လူရဲ့ ဦးနှောက်လုပ်ငန်းစဉ် (၇၀) ရာခိုင်နှုန်းခန့်ကို ကမောက်ကမ ဖြစ်စေပြီး ၊ ကြွက်သားများ ချိနဲ့စေပြီး အရိုးပွနိုင်ခြေများကြောင်းလည်း တွေ့ရှိခဲ့ရပါတယ်။ လျှပ်စစ်မီးအလင်းနဲ့ ညအိပ်သူများဟာ မီးပိတ်အိပ်သူများလောက် အိပ်ရေးမဝတဲ့အပြင် နိုးလာရင်လည်း မလန်းဆန်းကြတာကို တွေ့ကြရမှာပါ။
နေလို့ထိုင်လို့ ပိုကောင်းပြီး ကျန်းမာရေးကောင်းမွန်စေဖို့ သဘာဝအလင်းရောင်နဲ့ ထိတွေ့ပေးဖို့လိုအပ်သလို ညအခါမှာလည်း လျှပ်စစ်မီးကို ပိတ်ပြီးအိပ်ဖို့ လိုအပ်ပါတယ်။
Source : Healthline
===========
Duwun
No comments:
Post a Comment