Latest News

Saturday, February 11, 2017

ကန့်ဘလူမြို့နယ်၊ ကိုးတောင်ဘို့ရွာတွင် တောင်သူများ မတရားအမှု ဖွင့်ဖမ်းဆီးခံနေရကြောင်း ပြော

ကန့်ဘလူမြို့နယ်၊ ကိုးတောင်ဘို့ရွာတွင် တောင်သူများ မတရားအမှု

ဖွင့်ဖမ်းဆီးခံနေရကြောင်း ပြော


စစ်ကိုင်းတိုင်းဒေသကြီး၊ ကန့်ဘလူမြို့နယ်၊ ကိုးတောင်ဘို့ကျေးရွာတွင် တောင်သူ ၂၅ ဦးမှာ မတရားအမှုဖွင့်ဖမ်းဆီးခံနေရကြောင်း ယင်းကျေးရွာဒေသခံများက   ပြောသည်။

အဆိုပါကျေးရွာမှ ဖမ်းဆီးခံထားရသောတောင်သူများအတွက် သတင်းစာရှင်းလင်းပွဲကို မုံရွာမြို့၊ ဖိုတိုစားသောက်ဆိုင်တွင် ဖေဖော်ဝါရီ ၁၁ ရက်က ကျင်းပခဲ့ပြီး ယင်းသို့ပြောကြားခဲ့ခြင်းဖြစ်သည်။

" အမှု သုံးမှုနဲ့ တရားစွဲထားတယ်။ စုစုပေါင်း တောင်သူ ၂၅ ဦးရှိတယ်။ လက်ရှိ ၅ ဦးက အချုပ်ထဲမှာ ရောက်နေတယ်။ ကိုယ့်လယ်ကို ရိတ်သိမ်းတာကို ခိုးမှုနဲ့ အမှုဖွင့်ခံရတာပါ။ အသက် ၇၇ နှစ်အရွယ်ထိ အချုပ်ကျခံနေရတာပါ" ဟု သတင်းစာရှင်းလင်းပွဲ ဦးဆောင်ပြုလုပ်ခဲ့သူ ဦးမင်းလွင်က ပြောသည်။

ကိုးတောင်ဘို့ကျေးရွာအုပ်စုမှတောင်သူများသည် ပုံစံ ၇ ရရှိပြီးဖြစ်သော မိမိတို့ လယ်ယာမြေများပေါ်တွင် စိုက်ပျိုးကြသော်လည်း အင်းနယ်နမိတ်တွင် ပါဝင်သည်ဟုဆိုကာ အင်းသူကြီးနှင့် ငါးလုပ်ငန်းဦးစီးဌာနမှ တရားစွဲဆိုထားကြောင်း ဒေသခံတစ်ဦးက ဆက်လက်ပြောကြားသည်။

"မနှစ်က ဒေါင်းမြူချောင်းရေကြီးတော့ ပုံစံ ၇ ရပြီးသား လယ်ယာမြေတွေဆီထိ ရေလျှံလာတယ်။ အဲ့ဒါကို အင်းရေပြင်နယ်နမိတ်ဖြစ်ပါတယ်ဆိုပြီး တောင်သူတွေကို ငါးခိုးမှုနဲ့ တရားစွဲတယ်" ဟု တရားစွဲဆိုခံရသူတောင်သူတစ်ဦးက ပြောသည်။

ယင်းသို့ တရားစွဲဆိုခံရခြင်းကြောင့် ၅ လခန့် ချုပ်နှောင်ခံခဲ့ရပြီး ယနေ့အချိန်ထိ အမှုရင်ဆိုင်နေရဆဲ ဖြစ်ကြောင်း၊ အာမခံရယူထားပြီး ကန့်ဘလူမြို့နယ် တရားရုံးတွင် ဖြေရှင်းနေရကြောင်း သူက ဆက်လက်ပြောသည်။

အဆိုပါ တရားစွဲခံတောင်သူများအတွက် အစိုးရမှအမြန်ဆုံးဖြေရှင်းပေးပါရန် တိုင်းဒေသကြီးအစိုးရအဖွဲ့ ဆည်မြောင်းဝန်ကြီး ဦးကမ်ဇာမုံထံတွင် တင်ပြထားကြောင်း၊ ပြေလည်မှုမရှိပါက ဆန္ဒထုတ်ဖော်မှုများ ပြုလုပ်သွားမည်ဖြစ်ကြောင်း တောင်သူများက ပြောသည်။



Sources : Mizzima - News in Burmese

No comments:

Post a Comment

Recent Post