Latest News

Saturday, February 18, 2017

တရားမ၀င်သစ်တွေ အများဆုံးဖမ်းဆီးရမိမှုနဲ့ မြို့နယ် ၄ ခုက သစ်တောဝန်ထမ်းတွေကို စစ်ဆေးနေ

တရားမ၀င်သစ်တွေ အများဆုံးဖမ်းဆီးရမိမှုနဲ့ မြို့နယ် ၄ ခုက သစ်တောဝန်ထမ်းတွေကို စစ်ဆေးနေ

ပြီးခဲ့တဲ့ ဇန်န၀ါရီလကနေ ဖေဖော်ဝါရီ ၁၂ ရက်နေ့အထိ ရန်ကုန်တိုင်းဒေသကြီးအတွင်း တရားမ၀င်သစ်တွေ အများဆုံးဖမ်းဆီးရမိမှုတွေနဲ့ပတ်သက်ပြီး တာဝန်ကျတဲ့ မြို့နယ် ၄ ခုက သစ်တောဝန်ထမ်းတွေကို သစ်တောဦးစီးဌာနရုံးချုပ်က စစ်ဆေးနေပါတယ်။

ကိုယ်တာဝန်ကျတဲ့ မြို့နယ်တွေမှာ တရားမ၀င်သစ်တွေ အများကြီးရှိနေတာ ဘာကြောင့် မသိရသလဲဆိုတာကို ခေါ်ယူမေးမြန်းတာဖြစ်တယ်လို့ သစ်တောဦးစီးဌာန ညွှန်ကြားရေးမှူး ဦးတင်ထွန်းက ပြောပါတယ်။

"ဒါကတော့ ကျနော်တို့ ဌာနတွင်း လုပ်ထုံးလုပ်နည်းပါခင်ဗျ၊ ကိစ္စတစ်ရပ်ရပ်ဖြစ်ရင် ပုံမှန်ထက် ထူးခြားရင် သက်ဆိုင်ရာဌာန၊ သက်ဆိုင်ရာဝန်ထမ်းတွေကို ခေါ်ယူစစ်ဆေးရပါတယ်ခင်ဗျ၊ ဒီလောက်များများ ဒီလောက်တော်တော်များများရောက်နေတာ ဘာကြောင့် မသိရသလဲဆိုတဲ့ အဖြေလေးရှာချင်လို့ပါခင်ဗျာ၊ အခုချိန်မှာတော့ ကျနော်တို့ဝန်ထမ်းတွေမှာ အပြစ်မရှိဘူး၊ ရှိတယ်ဆိုတာ ပြောလို့မရသေးပါဘူးခင်ဗျ"

ဇန်န၀ါရီလကနေ ဖေဖော်ဝါရီ ၁၂ ရက်နေ့အတွင်း တရားမ၀င် ကျွန်း၊ တမလန်း၊ ပိတောက်၊ ကုက္ကိုလ် စတဲ့သစ်အမျိုးအစားတွေပါဝင်တဲ့ တရားမ၀င်သစ် စုစုပေါင်း တန် ၁၂၀၀ ကျော်ကို ရန်ကုန်တိုင်းအတွင်းမှာ သစ်တောဦးစီးဌာနက ဖမ်းမိခဲ့တာဖြစ်ပါတယ်။

အဲဒီဖမ်းဆီးရမိမှုတွေဟာ အင်းစိန်၊ သင်္ဃန်းကျွန်း၊ အလုံနဲ့ မင်္ဂလာဒုံမြို့နယ်တွေမှာ အများဆုံးဖမ်းဆီးရမိတာဖြစ်တဲ့အတွက် အဲဒီမြို့နယ် ၄ ခုက တာဝန်ကျသစ်တောဝန်ထမ်းတွေကို စစ်ဆေးနေတာဖြစ်ပါတယ်။ အဲဒီမြို့နယ် ၄ ခုမှာ တာဝန်ကျတဲ့ သစ်တောဝန်ထမ်း အရေအတွက်ကိုတော့ မသိရှိရပါဘူး။

သယံဇာတနဲ့ သဘာဝပတ်ဝန်းကျင်ထိန်းသိမ်းရေး ၀န်ကြီးဌာနလက်အောက် သစ်တောဦးစီးဌာနက ၂၀၁၆-၂၀၁၇ ဘဏ္ဍာနှစ်အတွင်းမှာ တရားမ၀င် သစ်စုစုပေါင်း တန် ၄ သောင်းကျော်ကို ဖမ်းဆီးရမိခဲ့တာဖြစ်ပါတယ်။

Photo: Nay Thwae/RFA


No comments:

Post a Comment