Latest News

Sunday, February 12, 2017

ပြည်ထောင်စုနေ့ အခမ်းအနားတွေကို နိုင်ငံတော်သမ္မတ သ၀ဏ်လွှာ ပေးပို့

ပြည်ထောင်စုနေ့ အခမ်းအနားတွေကို နိုင်ငံတော်သမ္မတ သ၀ဏ်လွှာ ပေးပို့

ဒီမိုကရေစီ ဖက်ဒရယ်ပြည်ထောင်စု တည်ဆောက်ရေး အတွက် တိုင်းရင်းသား အချင်းချင်း အပြန်အလှန် ညှိနှိုင်းတိုင်ပင်ပြီး ပြည်ထောင်စုကြီး တစ်ရပ်တည်ထောင်ကြဖို့ နိုင်ငံတော် သမ္မတ ဦးထင်ကျော်က တိုက်တွန်းလိုက်ပါတယ်။

ပြည်ထောင်စုနေ့ အခမ်းအနားတွေထံ ပေးပို့တဲ့ နိုင်ငံတော်သမ္မတ ဦးထင်ကျော် ရဲ့ သ၀ဏ်လွှာကို ဒီနေ့ ရန်ကုန်မြို့မဟာဗန္ဓုလပန်းခြံမှာ ကျင်းပတဲ့ အခမ်းအနားမှာ ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းက ဖတ်ကြားခဲ့တာဖြစ်ပါတယ်။

"နှစ် ၇ဝ မြောက် ပြည်ထောင်စုနေ့ အမျိုးရေးဦးတည်ချက် ၄ ရပ်ဖြစ်တဲ့ ပြည်ထောင်စုစိတ်ဓါတ် နိုးကြားရှင်သန်ရေး၊ အမျိုးသား စည်းလုံးညီညွတ်မှု ခိုင်မာအောင်တည်ဆောက်ရေး၊ ဒီမိုကရေစီ ဖက်ဒရယ်ပြည်ထောင်စုကြီး ပေါ်ပေါက်ရေး၊ ပြည်သူများ၏ လူမှုစီးပွားဘဝများ တိုးတက်မြင့်မားရေးတို့ကို အောင်မြင်အောင် ကြိုးပမ်းအကောင်အထည်ဖော်သွားပါလို့ တိုက်တွန်းရင်း ပြည်ထောင်စုနေ့ သဝဏ်လွှာကို ပေးပို့လိုက်ပါတယ်"

ဒီကနေ့ အခမ်းအနားကို တိုင်းဒေသကြီး အစိုးရအဖွဲ့ဝင် ဝန်ကြီးတွေ၊ လွှတ်တော် ကိုယ်စားလှယ်တွေနဲ့ ပြည်သူ ၃ ထောင်နီးပါး တက်ရောက်ခဲ့ကြပါတယ်။

နေပြည်တော်မှာ ကျင်းပတဲ့ ပြည်ထောင်စုနေ့ အခမ်းအနားကို ဒုတိယသမ္မတဦးမြင့်ဆွေ၊ ပြည်ထောင်စု ၀န်ကြီးတွေနဲ့ လွှတ်တော်ကိုယ်စားလှယ်တွေ တက်ရောက်ခဲ့ကြပြီး ဒုတိယသမ္မတဦးမြင့်ဆွေက သမ္မတရဲ့ သ၀ဏ်လွှာကို ဖတ်ကြားခဲ့ပါတယ်။

အမျိုသားပြန်လည်သင့်မြတ်ရေး နဲ့ စည်းလုံးရေးအတွက် ဖြေရှင်းချက်က ဒီမိုကရေစီဖယ်ဒရယ် ပြည်ထောင်စုတည်ထောင်ရေးဖြစ်ကြောင်းလည်း နိုင်ငံတော်သမ္မတ ရဲ့ သ၀ဏ်လွှာမှာ ပါရှိပါတယ်။

ဒါ့အပြင် လွတ်လပ်ရေးရပြီး အကြောင်းအမျိုးမျိုးကြောင့် ပြည်တွင်းငြိမ်းချမ်းရေး ခိုင်မာအောင် မတည်ဆောက်နိုင်ခဲ့တာကြောင့် တိုင်းရင်းသားပြည်သူတွေရဲ့ လူမှုဘ၀နိမ့်ကျခဲ့ရတယ်လို့လည်း ပါရှိပါတယ်။

ပြည်သူတရပ်လုံးလိုလားတောင့်တနေတဲ့ ပြည်တွင်းငြိမ်းချမ်းရေးခိုင်မာအောင်တည်ဆောက်နိုင်ရင် မြန်မာနိုင်ငံကို ကမ္ဘာ့အလယ်မှာ ၀င့်ထည်လာအောင် ဆောင်ကြဉ်းနိုင်မှာဖြစ်ကြောင်း  နိုင်ငံဖွံ့ဖြိုး တိုးတက်ရေးအတွက် နိုင်ငံရေးနဲ့ စီးပွားရေးဒွန်တွဲလျက်ရှိပြီးစီးပွားရေးမူဝါဒကို အခြေခံတဲ့ အုတ်မြစ်တွေထဲက အရေးကြီးဆုံးအချက်က အမျိုးသားပြန်လည်သင့်မြတ်ရေးနဲ့ အမျိုးသားပြန်လည် ရင်ကြားစေ့ရေးဖြစ်တယ်လို့ ပါရှိပါတယ်။

နှစ် ၇၀ ပြည့် အမျိုးသားနေ့ အထိမ်းအမှတ်အဖြစ် ပြည်ထောင်စုစိတ်ဓာတ်ရှင်သန်ရေး၊ အမျိုးသားစည်းလုံးညီညွတ်မှုခိုင်မာအောင်တည်ဆောက်ရေး၊ ဒီမိုကရေစီဖယ်ဒရယ်ပြည်ထောင်စု တည်ဆောက်ရေးနဲ့ ပြည်သူတွေရဲ့ လူမှုစီးပွားဘ၀မြင့်မာရေးဆိုပြီး ဦးတည်ချက် ၄ ရပ် ချမှတ် ထားတာဖြစ်ပါတယ်။

Sources & Photo: Aung Thain Kha/ RFA

No comments:

Post a Comment

Recent Post