ပညာရေးနှင့် ကျန်းမာရေးအသုံးစရိတ် ယခင်ကထက်ပိုများလာ
နှစ်ပေါင်း ၅၀ ကျော်အတွင်း ပထမဆုံး အရပ်သားအစိုးရကိုယ်တိုင် ရေးဆွဲထားသော ဘတ်ဂျက်သည် နေပြည်တော်ရှိ လွှတ်တော်သို့ ရောက်ရှိနေပြီဖြစ်သည်။
လွှတ်တော်သို့တင်သွင်းထား သည့် လာမည့်နှစ် ဘတ်ဂျက် ၂၀၁၇-၁၈ တွင် ဒီချုပ်အစိုးရသက် တမ်း ဒုတိယနှစ်အတွင်း သုံးစွဲမည့် အသုံးစရိတ်နှင့် အကောင်အထည် ဖော်မည့် စီမံကိန်းများပါဝင်ပြီး ယခင် ဘတ်ဂျက်များနှင့် ကွဲပြားခြား နားမှုများရှိသည်။
လာမည့်ဘတ်ဂျက်ကို လွှတ် တော်သို့ မတင်ပြမီ သမ္မတခေါင်း ဆောင်သော ဘဏ္ဍာရေးကော်မ ရှင်အစည်းအဝေးတစ်ရပ်ကို အစိုး ရအဖွဲ့က ဇန်န၀ါရီလအတွင်းက ပြုလုပ်ခဲ့သည်။ သမ္မတဦးထင် ကျော်က ပြည်သူ့ ဘဏ္ဍာငွေ များကို နိုင်ငံတော်အတွက် စီမံခန့်ခွဲသုံးစွဲ ကြရာတွင် မြန်မာကျပ်ငွေဖြစ်စေ၊ နိုင်ငံခြားသုံးငွေဖြစ်စေ လေလွင့် ယိုဖိတ်မှုမရှိစေရန် သတိပြုဆောင် ရွက်ကြရန် မှာကြားခဲ့သည်။
သုံးစွဲငွေများကို ဥပဒေစည်း မျည်းများနှင့် ညီညွတ်ရန်ပွင့်လင်း မြင်သာစွာဖြင့် သုံးစွဲရမည်ဖြစ်ပြီး လျာထားချက်နှင့် အမှန်တကယ် အကောင်အထည်ဖော်နိုင်မှုများ ကို သုံးလပတ်အလိုက် ပြန်လည် စစ်ဆေးဆောင်ရွက်ရမည်ဟု
အစည်းအဝေးတွင်သမ္မတက ပြော သည်။
ထို့အပြင် လာမည့်ဘတ်ဂျက် တွင် ယခုနှစ်အတိုင်း နိုင်ငံစီးပွား ရေးဖွံ့ဖြိုးတိုးတက်မှုနှင့် စီးပွားရေး တည်ငြိမ်မှုအတွက် ကြိုးပမ်းရာ၌ အစိုးရအဖွဲ့အတွက် စိန်ခေါ်မှုများ ရှိနေကြောင်းဆိုခဲ့ပြီး နိုင်ငံတော်၏ အဓိကရငွေတစ်ခု
ဖြစ်သည့် သဘာဝဓာတ်ငွေ့တင်ပို့မှုမှရငွေ သည် ကမ္ဘာ့သဘာဝဓာတ်ငွေ့ဈေး နှုန်းအခြေအနေကြောင့် ကျဆင်း ခြင်း၊ သစ်ထုတ်လုပ်မှုတင်ပို့မှုကို လျော့ချသည့်အတွက် ရငွေကျ ဆင်းခြင်း၊ သတ္တုကဏ္ဍလုပ်ကွက် များကို
ပြန်လည်စိစစ်ခွင့်ပြုသွား ရန် စိစစ်နေခြင်းကြောင့် ရငွေကျ ဆင်းခြင်းတို့ကို စိတ်ခေါ်မှုများအ ဖြစ် ဥပမာပေးခဲ့သည်။
ဒီချုပ်အစိုးရ၏ ဘတ်ဂျက် တွင် နိမ့်ကျနေသော နိုင်ငံ၏ပညာ ရေးနှင့် ကျန်းမာရေးကဏ္ဍများကို မြှင့်တင်နိုင်ရန် ပိုက်ဆံပိုသုံးထား သည်။
ပညာရေးနှင့် ကျန်းမာရေး ကဏ္ဍနှစ်ခုတို့၌ သုံးစွဲမည့်ပမာဏ သည် ဘတ်ဂျက်တစ်ခုလုံး အသုံး စရိတ်၏ ၁၃ ရာခိုင်နှုန်းကျော်ရှိပြီး ယင်းပမာဏသည် ယခင်ကာလ များနှင့် နှိုင်းယှဉ်ပါက အမြင့်ဆုံး သုံးစွဲခြင်းဖြစ်သည်။
‘‘လာမယ့်ဘတ်ဂျက်အတွက် ဦးစားပေးအစီအစဉ်များအရ ဘတ်ဂျက်ခွဲဝေပေးမှုကို နိုင်ငံတော်ရဲ့ ဦးစားပေးလုပ်ငန်းများအနက် လျှပ်စစ်နှင့် စွမ်းအင်ကဏ္ဍ၊ ပညာ ရေးကဏ္ဍ၊ ကျန်းမာရေးကဏ္ဍအ သုံးစရိတ်များကို ဦးစားပေး
ထားပါတယ်’’ဟု စီမံကိန်းနှင့် ဘဏ္ဍာ ရေးဝန်ကြီးဌာန ပြည်ထောင်စုဝန် ကြီး ဦးကျော်ဝင်းက ပြောသည်။
ယခင်အစိုးရလက်ထက်အစ တွင် ပညာရေးနှင့်ကျန်းမာရေး အသုံးစရိတ်နှစ်ခုပေါင်းသည် ၄ ရာခိုင်နှုန်းကျော်သာ စတင်ရှိခဲ့ရာမှ တဖြည်းဖြည်း တိုးမြှင့်သုံးစွဲလာခဲ့ ခြင်း ဖြစ်သည်။ လက်ရှိ အစိုးရရေးဆွဲသော ဘတ်ဂျက်တွင် ပညာရေး အတွက် ၈ ဒသမ ၄၄ ရာခိုင်နှုန်း၊ ကျန်းမာရေးနှင့် အားကစားအ တွက် ၅ ဒသမ ၁၆ ရာခိုင်နှုန်း သုံးစွဲရန် လွှတ်တော်သို့ ခွင့်ပြုချက် တောင်းထားသည်။
အစိုးရက ပညာရေးနှင့်ကျန်း မာရေးကဏ္ဍတို့တွင် ပိုက်ဆံပိုသုံး လာခြင်းသည် နိုင်ငံအနှံ့လိုအပ်နေ သော စာသင်ဆောင်များ၊ ဆေးရုံ များနှင့် ဝန်ထမ်းအိမ်ရာများကို လာမည့်နှစ်အတွင်း တိုးချဲ့ဆောက် လုပ်ရေး အတွက် ဘတ်ဂျက်တွင် တင်ပြတောင်းခံထားခြင်းဖြစ် ကြောင်း လွှတ်တော်ကိုယ်စား လှယ်အချို့က သုံးသပ်ပြောကြား သည်။
‘‘ဥပဓိရုပ်မကောင်းတော့လို့ ပြင်ဆင်ရမယ့် စာသင်ကျောင်း တွေက ရှိနေကြတယ်။ အဲဒါတွေ ပြင်ဖို့ရယ်၊ ပြီးတော့ ကျန်းမာရေး စောင့်ရှောက်မှုကောင်းကောင်းမ ရှိတဲ့ နေရာတွေမှာ ဆေးရုံတွေ ဆောက်ပေးဖို့ ရှိတယ်။
ဝေးလံခေါင်ဖျားက နေရေးထိုင်ရေးအဆင်မပြေတဲ့ ဝန်ထမ်းတွေအ တွက် အိမ်ရာတွေ ဆောက်ပေးဖို့ ရှိတယ်’’ဟု ပြည်သူ့လွှတ်တော် ကိုယ်စားလှယ် ဒေါက်တာလှမိုးက ပြောသည်။
ပညာရေးနှင့် ကျန်းမာရေး အတွက် ငွေပိုသုံးလာသည်ဆို သော်လည်း အဆိုပါဌာနနှစ်ခု သည် ဘတ်ဂျက်အများဆုံးသုံးစွဲ သည့် ဝန်ကြီးဌာနစာရင်းတွင်မူ မပါဝင်သေးပေ။
ဝန်ကြီးဌာန ၂၀ ကျော်ရှိ သည့်အနက် ဘတ်ဂျက်အများဆုံး သုံးစွဲသည့် ဝန်ကြီးဌာနများမှာ စီမံ ကိန်းနှင့် ဘဏ္ဍာရေးဝန်ကြီးဌာန၊ လျှပ်စစ်နှင့် စွမ်းအင်ဝန်ကြီးဌာနတို့ ဖြစ်သည်။ ၎င်းတို့၏နောက်တွင် တတိယအများဆုံးအဖြစ်
ကာကွယ်ရေးဝန်ကြီးဌာနရှိနေသည်။
‘‘ပညာရေးနဲ့ ကျန်းမာရေး အသုံးစရိတ်ကတော့ တိုးလာပါ တယ်။ ကာကွယ်ရေးအသုံးစရိတ် ကတော့ ယခင်နှစ်တွေကထက် နည်းနည်းလျော့လာတယ်။ ဒါက ဒီဘတ်ဂျက်ရဲ့ထူးခြားချက်တစ်ခု ပဲ’’ဟု ပြည်ထောင်စုလွှတ်တော်
ပြည်သူ့ငွေစာရင်းပူးပေါင်းကော် မတီဒုဥက္ကဋ္ဌ ဦးအောင်မင်းက ဆို သည်။
ကာကွယ်ရေးဝန်ကြီးဌာန အသုံးစရိတ်သည် လာမည့် ဘတ် ဂျက်တစ်ခုလုံးအသုံးစရိတ်၏ ၁၃ ရာခိုင်နှုန်းကျော်ရှိပြီး ယင်းပမာဏ သည် ပညာရေး၊ ကျန်းမာရေးနှင့် အားကစားကဏ္ဍနှစ်ရပ် အသုံးစ ရိတ်စုစုပေါင်းပမာဏနှင့် ညီမျှနေ သည်။
သို့သော် လွှတ်တော်သို့ ဘတ်ဂျက်တင်ပြစဉ်က ကာကွယ်ရေး ဝန်ကြီးဌာန ဒုဝန်ကြီး ဗိုလ်ချုပ်မြင့် နွယ်က အစိုးရသစ်လက်ထက်တွင် ကာကွယ်ရေးအသုံးစရိတ်ကို ယ ခင်နှစ်ထက် လျှော့ချတောင်းခံ ထားခြင်းဖြစ်သည်
ဟုဆိုသည်။
သမ္မတဦးသိန်းစိန်အစိုးရ လက်ထက်တွင် ကာကွယ်ရေးဝန် ကြီးဌာန အသုံးစရိတ်သည် ဘတ် ဂျက်တစ်ခုလုံးအသုံးစရိတ်၏ ၁၂ ရာခိုင်နှုန်းမှ ၁၄ ရာခိုင်နှုန်းခန့်အထိ ရှိကာ ယင်းအစိုးရက ရေးဆွဲပေးခဲ့ သော အစိုးရသစ် ပထမနှစ်ဘတ် ဂျက် ၂၀၁၆-၁၇ တွင် ၁၄ ဒသမ ၃၀ ရာခိုင်နှုန်းရှိခဲ့သည်။
နိုင်ငံတော်အတိုင်ပင်ခံရုံးဝန် ကြီးဌာနသည် အသုံးစရိတ် ၀ ဒသ မ ၀၁ ရာခိုင်နှုန်းဖြင့် ဘတ်ဂျက်အ နည်းဆုံးသုံးစွဲသည့် ဝန်ကြီးဌာန ဖြစ်ပြီး ယင်းဌာန၏ရှေ့တွင် တိုင်း ရင်းသားလူမျိုးများရေးရာဝန်ကြီး ဌာနသည် ၀ ဒသမ ၀၂ ရာခိုင်နှုန်း ဖြင့် ဒုတိယအနည်းဆုံးအဖြစ်ရှိနေ သည်။ ဒီချုပ်အစိုးရအနိုင်ရလာပြီး နောက် နိုင်ငံတကာနှင့် ကူးလူး ဆက်ဆံမှုများကို ပိုမိုဆောင်ရွက် လာရသည့် နိုင်ငံခြားရေးဝန်ကြီး ဌာန၏အသုံးစရိတ်သည် ဘတ်ဂျက်အသုံးစရိတ်
တစ်ခုလုံး၏ ၀ ဒသမ ၂၇ ရာခိုင်နှုန်းရှိလာသည်။
ဒီချုပ်အစိုးရက အသုံးစရိတ် များ ပိုမိုသုံးစွဲလာခဲ့သော်လည်း ဝင်ငွေသည် ထူးထူးခြားခြားတိုးမ လာ၍ ယခင်အစိုးရလက်ထက်ကဲ့ သို့ ဘတ်ဂျက်လိုငွေ ရှိနေဆဲဖြစ် ကာ ဘတ်ဂျက်လိုငွေ ကျပ်ဘီလီယံ လေးထောင်ကျော် ရှိနေကြောင်း ဦးအောင်မင်းက ပြောသည်။
လာမည့် ဘတ်ဂျက်တွင် ဘတ်ဂျက်တစ်ခုလုံးစုစုပေါင်းအ သုံးစရိတ်သည် ကျပ်၂၀,၈၉၆ ဘီလီယံဖြစ်ပြီး ရငွေသည် ကျပ် ၁၆,၇၆၈ ဘီလီယံ ဖြစ်ကာ လိုငွေ သည် ကျပ် ၄,၁၂၈ ဘီလီယံ ရှိမည် ဟု ခန့်မှန်းထားသည်။ ဘတ်ဂျက် လိုငွေပမာဏသည် တပ်မတော် အစိုးရလက်ထက်နောက်ပိုင်း အ များဆုံးပမာဏဖြစ်သည်။
‘‘အဓိက စဉ်းစားရမှာက တော့ အစိုးရအနေနဲ့ ဒီလိုငွေပမာ ဏကို ဘယ်လို ပြန်ဖြည့်ပေးမလဲ ပေါ့။ လွှတ်တော်က ဒါကို မေးခွန်း ထုတ်ကြလိမ့်မယ်’’ဟု ဦးအောင် မင်းက ဆိုသည်။
လွှတ်တော်ကိုယ်စားလှယ် အချို့က အစိုးရ၏ရငွေလျှော့နည်း လာခြင်းသည် သဘာဝဓာတ်ငွေ့ တင်ပို့ရာ၌ ကမ္ဘာ့သဘာဝဓာတ် ငွေ့ဈေးနှုန်း ကျဆင်းနေခြင်းနှင့် သစ်ထုတ်လုပ်တင်ပို့မှု လျော့ချ လိုက်၍ ဝင်ငွေထိခိုက်နေသည့် အ ခြေအနေမျိုးနှင့် ရင်ဆိုင်နေရခြင်း တို့ပါဝင်ကြောင်း သုံးသပ်သည်။
ထို့အပြင် ဘတ်ဂျက်အတွင်း ပြည်ပပို့ကုန်တန်ဖိုး အမေရိကန် ဒေါ်လာ ၁၄ ဘီလီယံနှင့် နိုင်ငံအ တွင်း တင်သွင်းမည့် သွင်းကုန်တန် ဖိုးကို အမေရိကန်ဒေါ်လာ ၁၅ ဘီလီယံခန့်မှန်းထားသည်။ ထို့ ကြောင့် ကုန်သွယ်မှု လိုငွေ
ပမာဏ သည် အမေရိကန်ဒေါ်လာ တစ်ဘီ လီယံသာရှိမည်ဖြစ်ကာ နှစ်စဉ်ပြသနေသော ကုန်သွယ်ရေးလိုငွေ ပမာဏကို သိသိသာသာလျှော့ချ လိုက်ခြင်းဖြစ်သည်။
အစိုးရသစ် ဒုတိယနှစ်သက် တမ်းအတွင်း စီးပွားရေးတိုးတက် နှုန်းကို ၇ ရာခိုင်နှုန်းဖြစ်ပေါ်ရန် ရည်ရွယ်ထားသည်။ ပျမ်းမျှငွေ ကြေးဖောင်းပွမှုနှုန်းကိုလည်း ၇ ဒသမ ၉၀ ရာခိုင်နှုန်း မျှော်မှန်းထားခြင်းကြောင့် ယင်းပမာဏသည် ယခုနှစ်အတွက် ခန့်မှန်းထားသော ငွေ ကြေးဖောင်းပွမှုနှုန်း ၈ ဒသမ ၂၆ ရာခိုင်နှုန်းထက် လျော့ နည်းခြင်းဖြစ်သည်။
‘‘လာမယ့်နှစ်က စီးပွားရေး တိုးတက်အောင်နဲ့ တည်ငြိမ် အောင် အစိုးရက လုပ်သွားမယ် ဆိုတာ ဒီကိန်းဂဏန်းတွေကို ကြည့်ခြင်းအားဖြင့် သိနိုင်တယ်။ ငွေကြေးဖောင်းပွမှုနှုန်းလည်း ဒီနှစ်ထက် လျော့သွားနိုင်တယ်’’ဟု ပြည်သူ့ လွှတ်တော်ဘဏ်များနှင့် ငွေကြေး ဆိုင်ရာ ဖွံ့ဖြိုးတိုးတက်ရေးကော်မ တီဥက္ကဋ္ဌ ဒေါ်ခင်စန်းလှိုင်က ပြော ကြားသည်။
အစိုးရသစ်သက်တမ်း ပထမ နှစ်ဖြစ်သော ယခုနှစ်အတွင်း မြန် မာနိုင်ငံသာမက ကမ္ဘာတစ်ဝန်း စီးပွားရေးထိုင်းမှိုင်းနေပြီး ငွေလဲ လှယ်မှုနှုန်းထား မတည်ငြိမ်မှုများ ကြောင့် နိုင်ငံ၏စီးပွားရေးအပေါ် ရိုက်ခတ်မှုများရှိခဲ့သည်။ သို့သော် လာမည့်နှစ်တွင် အစိုးရအနေဖြင့် ကုန်သွယ်မှုလိုငွေနှင့် ငွေကြေး ဖောင်းပွမှုနှုန်းတို့ကို လျှော့ချထား နိုင်ခြင်းကြောင့် ယင်းအခြေအနေ မျိုး ထပ်မံကြုံတွေ့ရလာပါက ကျော်လွှားနိုင်မည်ဟု လွှတ်တော် ကိုယ်စားလှယ်
အချို့က သုံးသပ် သည်။
ဘတ်ဂျက်ရေးဆွဲခြင်းသည် နိုင်ငံ့စီးပွားရေးတည်ငြိမ်စေရန်နှင့် ပြည်သူ့ဘဏ္ဍာငွေများကို အလေ အလွင့်မရှိအောင် သုံးစွဲနိုင်ရန် ရည်ရွယ်ခြင်းဖြစ်ကာ ယင်းအ ချက်များ ညီ၊ မညီ လွှတ်တော်က အဖွဲ့များဖွဲ့ကာ အစိုးရသစ် ကိုယ်တိုင် ရေးဆွဲထားသော ဘတ်ဂျက်ကို စိစစ်မှုများပြုလုပ်နေပြီဖြစ် သည်။
‘‘ဘတ်ဂျက်လိုငွေ များနေ တာ ဘာကြောင့်လဲရယ်၊ ပိုက်ဆံ တွေကို တကယ် ထိထိရောက် ရောက်သုံးရဲ့လားဆိုတာကို စိစစ် ကြမှာ။ တွေ့ရှိချက်တွေကတော့ လွှတ်တော်ကို တင်ပြရမှာပေါ့’’ဟု ဦးအောင်မင်းက ဆိုသည်။
‘ပြောင်းလဲချိန်တန်ပြီ’ ဆို သော မဲဆွယ်စည်းရုံးရေးကြွေး ကြော်သံဖြင့် ရွေးကောက်ပွဲတွင် အနိုင်ရလာခဲ့သော ဒီချုပ်အရပ် သားအစိုးရအနေဖြင့် ၎င်းတို့ကိုယ် တိုင်ရေးဆွဲထားသည့် ဘတ်ဂျက် ပါ ရည်မှန်းချက်များအတိုင်း အ ကောင်အထည်ဖော်နိုင်ခြင်း ရှိ၊ မရှိ ဆက်လက်စောင့်ကြည့်ရမည် ဖြစ်သည်။
၂၀၁၇-၂၀၁၈ ခု၊ ဘဏ္ဍာရေးနှစ် ပြည်ထောင်စုအဆင့် ဌာနအဖွဲ့အစည်းများ၏ စုစုပေါင်းရငွေနှင့် စုစုပေါင်းအသုံးစရိတ်တွင် ပါဝင်မှုအချိုးအစား (စာရင်းချုပ်)
7Day News Journal
No comments:
Post a Comment