မင်းသုဝဏ်၏ တောင်တော်ရွှေပုပ္ပား

မင်းသုဝဏ်၏ တောင်တော်ရွှေပုပ္ပား

ပုပ္ပားတောင်ကလပ်သို့ သွားရာလမ်းနှင့် ဦးတင့်တယ် နတ်နန်းသို့တက်ရာ လမ်းနှစ်ခုဆုံရာ ပုပ္ပားမြို့ထိပ်တွင် မြေကျေးရှင်ရိပ်သာရှိသည်။ ပုပ္ပားတောင်အ၀င် ရေဝေရေလဲနယ်တွင် ရေထွက်များ၊ ချောင်းများ၊ ဖုန်းဆိုးများ၊ တောင်ယာများ၊ တောစိုများ၊ တောခြောက်များ၊ ငှက်ပျောခြံများရှိသည်။ ယခင်နှစ်အတော်ကြာက နေပြောက် မထိုးနိုင်လောက် အောင်သစ်ကြီး၊ ၀ါးကြီးတို့ ပေါက်ရောက်သည်။

ဖုန်းဆိုးဖြစ်က

စစ်အတွင်း အထိန်းအကွပ်မဲ့နေ၍ သစ်ဝါးများကို စည်းမဲ့ကမ်းမဲ့ ခုတ်လှဲဖျက်ဆီးကြသည်။ သို့ဖြင့်ပုပ္ပားတောင်သည် တောင်ကတုံးနီးပါး ဖြစ်ခဲ့ရ၏။ တစ်ဆက်တည်းပင် တောင်ယာဖုန်းဆိုး ဖြစ်လာ၏။ တောစိုက်တောခြောက် ဖြစ်လာ၏။ ရေထွက်များလည်း ရေမထွက်တော့။ မြေဆီမြေဥသည်လည်း ထိန်းသိမ်းမှုမရှိ၍ ရေတိုက်စားရာပါပြီး အကျိုးမဲ့ ဖြစ်ခဲ့ရသည်။ သားငှက်တိရစ္ဆာန်တို့လည်း အပစ်အခတ်များ၍ မှီခိုရာလည်း ရှားပါးလာ၍ လွတ်ရာသို့ ရွှေ့သွားကြသည်။

အပူတပြင်း

ယင်းသို့ သက်ဆိုင်ရာက မြင်သိလာ၏။ ပုပ္ပားတောင် ပြန်လည်ထူထောင်ရေး လုပ်ငန်းကို သစ်တောဌာနနှင့် မြေကျေးရှင် မြေယာကျေးလက် တိုးတက်ဖွံ့ဖြိုးရေး ကော်ပိုရေးရှင်းတို့အား တာဝန်ပေး၏။ အပူတပြင်း လုပ်ဆောင်စေ၏။ ယင်းသို့ဖြင့် ပုပ္ပားမြေကျေးရှင် ရိပ်သာသည် ကျရာတာဝန်ကို ထမ်းဆောင်နေပေတော့၏။

ပြုစုပျိုးထောင်

ပုပ္ပားမြို့မြေကျေးရှင်၏ အဓိကလုပ်ငန်းသည် စားပင်စိုက်ပင်များကို ပြုစုပျိုးထောင်သည်။ သားငှက်တိရစ္ဆာန်များကို ဘေးမဲ့ပေးထားသည်။ ယခင်အတိုင်း စည်ပင်စိမ်းစိုသော တောကြီးဖြစ်လာအောင် တည်ထောင်ဖန်တီး လျက်ရှိသည်။

အားရစရာ

မြေဆွေးချသူကချ၊ မြေသြဇာစပ်သူကစပ်၊ ပျိုးပင်ငယ် စိုက်သူကစိုက်၊ ရေဖျန်းသူကဖျန်းနှင့် တပျော်တပါး ဖြစ်နေပါသည်။ စပျစ်နွယ်တွင် ခိုင်တွဲလွဲ၊ စထရော်ဘယ်ရီပုတ်အောက်တွင် စထရော်ဘယ်ရီသီးရဲရဲ ပျိုးပင်ခြံထဲတွင် ပျိုးပင်တွေ မည်းမည်းနှင့် အားရစရာချည်း ဖြစ်ပါသည်။

ပျိုးပင်စုံ

ပျိုးပင်တွေကား စုံလှသည်။ စားပင်လည်းပါသည်။ အရိပ်ရပင်လည်းပါသည်။ ဘယဆေးဝါးပင်လည်းပါသည်။ အမွှေးနံ့အပင်လည်းပါသည်။ ပန်းပင်လည်းပါသည်။ လာမည့်ငါးနှစ်၊ ၁၀ နှစ်၊ ၁၅ နှစ်တွင် စားပင်၊ သီးပင်၊ စိုက်ပင်၊ မွှေးပင်တို့ စည်ပင်ဝေဆာလာမည်ဖြစ်ရာ အားဖွယ်ပင်။ ယင်းပျိုးဥယျာဉ်ကို ရောက်သွားသူ တစ်ယောက်အဖို့ အဘယ်မျှလောက် ကြည်နူးနှစ်သက်ဖွယ် ကောင်းလိုက်ပါမည်နည်း။

သင်းထုံကြိုင်မွှေး

ပင်လယ်ကမ်းစပ်က တက်ရောက်လာသော ကဗွီးပင်ကြီးများသည် လေထဲတွင် တရှဲရှဲမြည်ကာ ယိမ်းထိုးလျက်၊ ပြည်လုံးချမ်းသာ (ယူကလစ်) ပင်တို့၏ ရနံ့သည် တသင်းသင်း မွှေးလျက်၊ စိန်ပန်းနီ၊ စိန်ပန်းပြာပင်တို့က တောင်စွယ်တောင်စောင်း တောင်လဟောင်းကို ပတ္တမြားတစ်ရစ် နီလာတစ်ရစ်စီခြယ်လျက်။ ပိတောက်နှင့် ငုရွှေဝါတို့က ဇမ္ဗူရစ်ပမာ၊ အောက်ခံပြုလျက်ရှိစဉ်တွင် ကံ့ကော်ပင်ရိပ်၌ထိုင်ကာ စပျစ်သီးကိုစားရင်း ကော်ဖီဖျော်သောက်ရပါမူ မည်မျှဇိမ်ရှိပါမည်လဲဟု စိတ်ကူးနှင့် ရူးကြည့်နေနိုင်ပါသည်။

ဦးတင့်တယ်နတ်ကွန်း

ဦးတင့်တယ်နတ်ကွန်းသည် ပုပ္ပားတောင်စောင်းတွင်ရှိသည်။ ဦးတင့်တယ်နတ်ကွန်းသို့ သွားရာလမ်းဘေးတွင် တသွင်သွင်စီးနေသော ရေစီးကိုတွေ့နိုင်သည်။ နှမတော် ရေထွက်ကလာသော ရေစီးဖြစ်၏။ ရှေးဦးစွာ ဦးတင့်တယ်၏ နှမတော် ရှင်မြတ်လှနတ်ကွန်းကို ရောက်သည်။

အမြွာရေထွက်

နှမတော်နတ်ကွန်းနှင့် ဦးတင့်တယ်နတ်ကွန်းကြားတွင် သန်လျက်ကြီးပင်၊ ဆူးကျင်းပင်၊ ရှင်ကစ္စည်းပင်တို့ကို တွေ့ရသည်။

ဦးတင့်တယ်နတ်ကွန်း အနီးတွင် ဦးခန္တီတည်ထားသော လျောင်းတော်မူ ကိုယ်တော်ကြီးရှိသည်။ နတ်ကွန်း၏ လက်ျာဘက်တွင် အသူရာချောက်ကြီးကို တွေ့ရသည်။ ကမ်းပါးဇောက်ကြီးက ကျောက်ထရံကြီးသဖွယ် ထိုးထိုးထောင်ထောင် ဖြစ်နေသည်။ ဤချောက်ထဲတွင် မောင်တော်ရေထွက်နှင့် နှမတော်ရေထွက်ရှိသည်။

ဆောင်းနံနက်ခင်းလို

တောင်စောင်း ကော်ဖီခြံအနီးက နှမတော် ရေထွက်သည် ကြည်လင်အေးမြသည်။ မမြင်ရသော ကျောက်ကြားက အဆက်မပြတ် စီးထွက်နေသည်။ ချောင်းကြား၊ ချောက်ကြားတွင်မူ မောင်တော်ရေထွက် ရှိသည်။ ဖိုးခေါင်းငှက်က သာယာရင့်ကျူးသည်။ စပယ်ပန်းက မွှေးပျံ့ထုံလှိုင်သည်။ ငှက်ပျောတောကြီးက တမျှော်တခေါ်ကြီးပင်။ အမြဲလိုပင် ဆောင်းနံနက်လို စိမ့်အေးနေသည်။

လမ်းသုံးသွယ်

ပုပ္ပားတောင်ကလပ်သို့ လမ်းသုံးသွယ်ဖြင့် တက်နိုင်သည်။ ပထမလမ်းသည် မြေနိမ့်ပိုင်း မိုးခေါင်ကျော်စွာ နတ်ကွန်းဆီက စသော မော်တော်ကားလမ်းဖြစ်သည်။ ဒုတိယလမ်းသည် မြေကျေးရှင်း ရိပ်သာဘေးက တက်ရသော ခြေလျင်တောလမ်း ဖြစ်သည်။ တတိယလမ်းသည် ခြေလျင်တောလမ်းပင်။ နှမတော်နတ်ကွန်းက ရသေ့ညီနောင်ဂူကို ဖြတ်သွားရသော လမ်းဖြစ်၏။

ဘုရားဈေး

ပုပ္ပားဘုရားဈေးမှာတော့ ဘယဆိုင်တွေက အစီအရီ၊ ဆီးအောင့်၊ ကျောက်တည်၊ အရိုး၊ စူးလေထိုး၊ လေအောင့်၊ ဝေဒနာပျောက်ဆေးတို့က အသင့်ခင်းကျင်းလျက်။ ဆေးမြစ်ခုနစ်မျိုး အစည်းကလေးတွေလည်း ၀ယ်၍ရသည်။ ဂမုန်းမျိုး၊ ကျောက်မျိုးစုံကိုလည်း ပေါသည်။ ကျောက်ကြည်ကလေးများကို ရွေး၍ သွေး၍ ပုံဖော်ကျောက်စ ကလေးများက ၀ယ်ချင်စရာ။ ငါးကျပ်က နှစ်ရာ၊ သုံးရာထိ ဈေးခေါ်သည်။ လက်စွပ်ကွင်း၊ နားဆွဲလုပ်၊ ဆွဲပြားချိတ်ဖို့ အသင့်အနေအထားပင်။

တောမှီပုဂ္ဂိုလ်တွေကလည်း တောအနှံ့ တောင်အနှံ့ မရှားပေ။ တောင်ခြေအတက်တွင် မယ်ဝဏ္ဏနတ်ကွန်းက ကြိုဆိုလျက်။ နတ်ပွဲ၊ နတ်ဆိုင်းက နတ်ကသူ၊ နတ်ကြည့်သူတို့နှင့် စည်စည်ကားကား။

ဖိတ်ခေါ်နေ

ဘုရားဖူးလုလင်၊ လုံမတို့ ရေးခြစ်ထားခဲ့ကြသည့် မြေဖြူစာ၊ မီးသွေးစာတို့က ကျောက်တုံး၊ ကျောက်ဆောင်၊ အုတ်ထရံ၊ သံလှေကားတို့တွင် ရွှေပွဲလာ ပရိသတ်တို့ကို ကြည့်လှည့်၊ ဖတ်လှည့်ဟု ဖိတ်ခေါ်နေလေဟန်ပင်။

မယ်ဝဏ္ဏနတ်ကွန်း အထက်တွင် ရွှေဖျဉ်းညီနောင် နတ်ကွန်းရှိသည်။ ထိုမှ တောင်ကလပ်ပေါ်သို့ သံလှေကားကို ဖက်တက်ရလေသည်။ အသည်းအေးစရာပင်။

ချောက်ထဲတွင် ငှက်ပျောသီးတောင်းနေသော မျောက်ကလေးတွေကို သနားစဖွယ် တွေ့ရလေသည်။ ငှက်ပျောသီး ဒါနရှင်တို့က အသင့်ဆောင်လျက် ကျွေးကြမွေးကြသည်။

တောင်ကလပ်ကနေ၍ မြောက်ဘက်သို့ မျှော်ကြည့်ပါက မြင့်မားသော တောင်ထွတ်များက အုပ်မိုးထားဟန်ပင်။ ချုံအတွင်း ချောက်ကြီးကို ပတ်ရံလျက် ထိုတောင်ထွတ်များသည် တက်ခဲ့ဟု ခေါ်နေလေဟန် ထင်မှတ်ရလေသည်။

တောင်တွေ၊ တောင်တွေ

၄၉၈၁ ပေရှိသော မှန်ပြတောင်ထွတ်သည် ပုပ္ပားတောင်တော်၏ ထိပ်ဖျားအမြင့်ဆုံးပင်။ စပါးပုံတောင်၊ ဆေးပွင့်တောင်၊ နွားလပို့တောင်၊ မောင်တော်ငုတ်တုတ်တောင်၊ မြင်းကတောင်၊ မာလာတောင်စသော တောင်ထွတ်တို့ပေါ်မှာ ရွှေရောင်စေတီတို့ အစီအရီပင်။ ဦးနှဲဘုရား၊ ဦးကျော်ငြိမ်းဘုရား၊ ဦးခန္တီဘုရားဟူ၍ တည်ထားကြသည်က သူ့အကြောင်းနှင့်သူပင်။

မောင်တော်တောင်တွင် တောစိုများ၊ ငှက်ပျောခြံများဖြင့် စိမ်းစိမ်းစိုစိုရှိသည်။ သားငှက်တိရစ္ဆာန်များကို ဘေးမဲ့ပေးထားသည်မို့၊ ငှက်တို့ရင့်ကျူးသံတို့ စည်ပင်ဝေဆာနေ၏။ အင်္ဂလိပ်ခေတ်က ထိုတောင်တွင် ဗိုလ်တဲတစ်ခု ဆောက်ဖူးကြောင်း သိရလေသည်။

စပါးပုံတောင်ထွတ်ကား မြင့်မားမတ်စောက်လှသည်။ မီးတောင်၏ ခံတွင်းဝဟုဆိုသော ချုံအတွင်း ချောက်ကြီးကို ငုံ့ကြည့်လိုက်သောအခါ အသည်းယားဖွယ်ရာပင်။ ချောက်ထဲတွင် ရေထွက်ရှိ၍ တောဝက်များ ခိုအောင်းနေထိုင် ကြသည်ဟု သိရှိရလေသည်။

လမ်းကျဉ်းကလေး

စပါးပုံတောင်ထွတ်ကို ပတ်၍ဖောက်လုပ်ထားသော လမ်းကျဉ်းကလေးကား အန္တရာယ်ကြီးလှသည်။ တစ်ဖက်က ဇောက်နက်လှသော ချောက်ကမ်းပါးကြီး၊ အခြားတစ်ဖက်က မိုးထိုးနေသော တောင်ထွတ်ကြီး ကိုင်စရာ တွယ်စရာ မရှိ။ သုံးမိနစ်လောက်ကြာမျှ ဖြတ်သွားရသည့် လမ်းကလေးကား ရင်ခုန်တုန်လှုပ်ဖွယ်ပင်။ ဖြတ်သွားရင်းမှာပင် ရွံ့ထိတ်သည်းဖိုမိသည်။

ဆရာ့စာ

ဆရာမင်းသုဝဏ်ပင် ထိုခရီးစဉ်ကို မျက်စိမှိတ်ကာ ရဲဆေးတင်ပြီးကာမှ သွားနိုင်တော့၏။ ထိုခရီးကို လွန်မြောက်သွားသည့်တိုင် ဆရာ အကြောက်မပြေပါ။ တောင်ထိပ်က ထူပါရုံစေတီကိုပင် လွတ်လွတ်လပ်လပ် မဖူးနိုင်၊ ဘယ်လိုပြန်ဆင်းရမှာ ပါလိမ့်ဟူ၍ ရှက်ရှက်နှင့်တွေးကာ ဝေဒနာပွားနေရ၏။

ပုပ္ပားတောင်ပတ်လမ်းတွင် တောထူ၍ တောင်စောက်သောလမ်းရှိသည်။ ဖိုးခေါင်ငှက်သံ၊ ခါတုတ်သံ၊ ဘုတ်မြည်သံတို့ကို ကြားရသည်။ ရွက်သစ်ရိပ်တွင် နားခိုနိုင်သည်။ သစ်ရွက်နုရောင်၊ ရေခမိုးပန်းတွေ အလှမှာ ကြည်နူးနိုင်လေသည်။

ပုပ္ပားတောင်ပေါ်တွင် ဆေးလိပ်တားမြစ်ထား၍ မီးသတိပြု ဆိုင်းဘုတ်တွေက တောအနှံ့၊ တောင်အနှံ့မှာ ရှောင်မရအောင် တွေ့ရသည်။ ထွက်ရပ်လမ်းရှာသူတို့ မွေ့လျော်ရာ ဂူကစခန်းအထက် တောင်ခါးပန်းမှာ အေးရိပ်သာယာ၊ မွေ့လျော်ဖွယ်ပင်။

ဆရာမင်းသုဝဏ်သည် တောင်တော်ရွှေပုပ္ပားကို စိမ်းစိုလန်းဆန်းဖွယ်ရာ စီကုံးထားသည်မှာ လာလှည့်ပါဟု ဖိတ်ခေါ်နေဟန်ပင်။ ရေထွက်မှာ နားခိုလိုလာ၏။ သနားစရာ မျောက်ကလေးတွေကို အစာကျွေးချင်လာ၏။ ရင်ဖိုစရာ၊ အသည်းထိတ်စရာ လမ်းကလေးကိုဖြတ်၍ သွားဖြစ်အောင် သွားချင်လာ၏ ။ မရောက်ဖူးသူတို့ကို ချို့နွဲ့စွာ ဖိတ်ခေါ်နေဟန်ရှိ၏။ ပုပ္ပားတောင်၏ အလှကို စီခြယ်ကုံးသီထားသော သဘာဝအလှတို့ဖြင့် ဖွဲ့စည်းတည်ထားသည့် တင့်တယ်ဖွယ်ရာ တောင်တော်ပန်းချီကားကြီးပင်။

Sources : မြေနီသစ္စာ ( Eleven Media Group )