သိမ်းဆည်းရမိ
ရန်ကုန် ဖေဖော်ဝါရီ ၇
အကောက်ခွန်ဦးစီးဌာနမှ လေးရက်အတွင်း အကောက်ခွန်မဲ့ပစ္စည်း ကျပ်သန်း ၁၈ဝ ကျော် သိမ်းဆည်းရမိခဲ့ကြောင်း သိရသည်။
ရန်ကုန်အပြည်ပြည်ဆိုင်ရာလေဆိပ်၊ လေဆိပ်ကုန်လှောင်ရုံ၊ ဆိပ်ကမ်း များနှင့် အကောက်ခွန်နယ်မြေ ဒေသအသီးသီတို့တွင် ၂ဝ၁၇ ခုနှစ် ဖေဖော်ဝါရီ ၁ ရက်မှ ၄ ရက်အတွင်း တင်သွင်း/တင်ပို့ခွင့် စာရွက်စာတမ်း အထောက်အထား တစ်စုံတစ်ရာ တင်ပြနိုင်ခြင်းမရှိဘဲ တင်သွင်း/တင်ပို့သော ကုန်ပစ္စည်းများအား စစ်ဆေးရှာဖွေအရေးယူမှုများ ပြုလုပ်ဆောင်ရွက်လျက်ရှိရာ ဆိပ်ကမ်းမှ တားဆီးမှု တစ်မှု၊ ခန့်မှန်းတန်ဖိုး ကျပ် ခြောက်သန်းခန့်ကိုလည်းကောင်း၊ မန္တလေးတိုင်းဒေသကြီး အကောက်ခွန်ဦးစီးမှူးရုံးက တားဆီးမှု တစ်မှု၊ ခန့်မှန်း တန်ဖိုးကျပ် ၃၄ ဒသမ ၁ သန်းခန့်ကိုလည်းကောင်း၊ ရေပူစစ်ဆေးရေးစခန်းက တားဆီးမှု တစ်မှု၊ ခန့်မှန်းတန်ဖိုးကျပ် ၁၄၉ ဒသမ ၂၂၅ သန်းခန့်ကို လည်းကောင်း တားဆီး/ဖမ်းဆီးမှု အသီးသီးပြုလုပ်ခဲ့ရာ စုစုပေါင်း ၁၁ မှုနှင့် ခန့်မှန်းတန်ဖိုး ၁၈၉ ဒသမ ၃၂၅ သန်းခန့်ရှိခဲ့ကြောင်း အကောက်ခွန်ဦးစီး ဌာနမှ သိရသည်။
အဆိုပါ ဖမ်းဆီးမှုများအနက် ဖေဖော်ဝါရီ ၂ ရက်တွင် မန္တလေးဘက်မှ မောင်းနှင်လာသည့် ခရီးသည်တင် မှန်လုံယာဉ်အား စစ်ဆေးခဲ့ရာ တရားဝင် စာရွက်စာတမ်း အထောက်အထားတင်ပြနိုင်ခြင်းမရှိသည့် ဇာပန်းထိုး အထည် အလိပ်များ ၁၈၉၇ ကီလိုဂရမ်နှင့် အထည်ချုပ်လုပ်ငန်းသုံးပစ္စည်းများ သေတ္တာ နှစ်လုံး စုစုပေါင်းခန့်မှန်းတန်ဖိုးကျပ် ၁၂၁ ဒသမ ဝ၃ သန်းခန့်ကို တားဆီးခဲ့ ကြောင်း အကောက်ခွန်ဦးစီးဌာနမှ သိရသည်။
( ပြန်/ဆက် )
No comments:
Post a Comment