လူတိုင်း ပျော်ပျော်ရွှင်ရွှင်နေချင်ကြပါတယ်။
လူတိုင်းအလိုချင်ဆုံးအရာက ဘာလဲပြောပါဆိုရင် ပျော်ရွှင်မှုလို့ ပြောလို့ ရပါတယ်။ အလုပ်လုပ်တယ်၊ စာကြိုးစားတယ်၊ မိဘစကားနားထောင်တယ် စသဖြင့် လုပ်တဲ့အရာတွေ အားလုံးက ပျော်မယ်ထင်လို့ လုပ်ကြတဲ့အရာတွေပါ။ ဒီလိုပဲ။ ပျော်ရွှင်စိတ်ချမ်းသာနေတဲ့သူတစ်ယောက်က သူ့အလုပ်၊ မိသားစုနဲ့ ကိုယ်ရေးကိုယ်တာ ကိစ္စတွေမှာ ပိုပြီး စွမ်းဆောင်နိုင်ကြပါတယ်။ ကဲ... မပျော်နေတဲ့သူတွေကော၊ ပျော်နေတဲ့သူတွေကော အတွက် အကြံကောင်း (၄) ခုပေးချင်ပါတယ်။
(၁) တစ်ယောက်ယောက်အတွက်တစ်ခုခုကောင်းတာ လုပ်ပေးလိုက်ပါ
အများအကျိုးဆောင် ကိုယ့်အကျိုးအောင်တယ် ဆိုသလိုပါပဲ။ တစ်စုံတစ်ယောက်အတွက် တစ်ခုခု ကောင်းတာ၊ သူပျော်စေမယ့်အရာတစ်ခုခုလုပ်ပေးလိုက်ပါ။ သူ့ဆီက အပျော်တွေ ကူးစက်လာပြီး သင်ပါ စိတ်ချမ်းသာသွားပါလိမ့်မယ်။ အလှူလုပ်တာ၊ မုန့်ဝယ်ကျွေးတာ၊ ကလေးလေးတွေကို စာသင်ပေးတာ၊ အကူအညီပေးတာ စသဖြင့် ကိုယ်တတ်နိုင်တာလေးတွေကို တတ်နိုင်သလောက် လုပ်ပေးပါ။
(၂) အားကစားတစ်ခုခုလုပ်ပါ
ကိုယ်လက်လှုပ်ရှားအားကစားလုပ်တာက သင့်ကို ရေရှည်လုပ်မှ အကျိုးရှိစေတဲ့အရာ မဟုတ်ပါဘူး။ အခုလုပ်ရင် အခုချက်ချင်း အညောင်းအညာပြေစေပါတယ်။ ခန္ဓာကိုယ်ထဲမှာ ရှိတဲ့ မကောင်းတဲ့ အညစ်အကြေးတွေ၊ အရေပြားအောက်မှာ ခိုနေတဲ့ ချွေးနဲ့ အဆီတွေ ထွက်လာပြီး အသားအရေကို ကြည်လင်လာစေပါတယ်။ အားကစားပုံမှန်လုပ်တဲ့သူတွေကို ကြည့်လိုက်ရင် သူတို့ အသားအရေက အမြဲတမ်းတောက်ပနေတတ်ပါတယ်။
(၃) ဦးနှောက်လာစားတဲ့သူတွေနဲ့ မနေပါနဲ့
သင့်ကို စိတ်ရှုပ်စေတဲ့သူတွေနဲ့ မနေပါနဲ့။ သူငယ်ချင်းမိတ်ဆွေတွေကို ရွေးပေါင်းပါ။ ကိုယ်ပေါင်းစိတ်ခွာပေါင်းပါ လို့ပြောပေမယ့် တစ်ချို့လူတွေက ကိုယ်ပါပေါင်းလို့ မရတာတွေရှိပါတယ်။ သူတို့ကြောင့် စိတ်ရှုပ်သွားရင် အဲဒီ ရှုပ်တဲ့စိတ်ကို ပြန်ရှင်းရတာကလည်း အချိန်ကုန်ပါတယ်။
(၄) ကိုယ့်ကိုယ်ကိုယ် ဆုချပါ
တစ်ခါတစ်လေကျတော့လည်း သူများတွေကို ထည့်စဉ်းစားအားနာရလွန်းလို့ ကိုယ့်ဖာသာကိုယ် ဘာလိုအပ်မှန်း၊ ဘာလိုချင်မှန်းတောင်မသိတော့တဲ့အချိန်တွေ ရှိပါတယ်။ စားချင်တာဘာရှိလဲ၊ လုပ်ချင်တာ ဘာရှိလဲ မေးခံရရင် ရပါတယ်၊ မပြောတတ်ဘူး၊ ခါတိုင်းစားနေကျပဲစားရင်ကောင်းမလား၊ မတွေးတတ်ဘူးတွေ ဘာတွေ ဖြစ်ကုန်ပါတယ်။ လူဆိုတာက ဘက်ထရီတစ်လုံးလိုပါပဲ။ အားကုန်မယ်ဆို အားပြန်ဖြည့်ရပါတယ်။ ဝါသနာပါတာတွေ ပြန်လုပ်ပါ။ ဘောလုံးဝါသနာအိုးဆို ဘောပွဲသွားကြည့်ပါ။ အရမ်းညောင်းနေရင် အနှိပ်သွားခံလိုက်ပါ။ အစကတော့ အင်း အဲနဲ့ စဉ်းစားနေပေမယ့် သွားပြီးရင် သိပ်ကျေနပ်နေပါလိမ့်မယ်။
Source : Good Relaxation
Duwun
No comments:
Post a Comment