အမျိုးသားဒီမိုကရေစီအဖွဲ့ချုပ်ရဲ့ ဥပဒေအကြံပေး၊ တရားလွှတ်တော်ရှေ့နေကြီး ဦးကိုနီ လုပ်ကြံ သတ်ဖြတ်ခံရတဲ့အမှုနဲ့ပတ်သက်ပြီး လူ လေးဦးကို ဖမ်းဆီးထားကြောင်း မြန်မာနိုင်ငံရဲတပ်ဖွဲ့က ကြေညာတယ်လို့ အမေရိကန်အခြေစိုက် နယူးယောက်တိုင်း သတင်းစာက ဖော်ပြပါတယ်။
အဲဒီ လုပ်ကြံမှုကို နောက်ကွယ်က ကြိုးကိုင် စီစဉ်သူလို့ ယူဆရတဲ့ ဦးမြင့်ဆွေ ဆိုသူကို ထိုင်းနယ်စပ်က မြ၀တီမြို့မှာ ဖမ်းဆီးခဲ့တယ်လို့ သိရပါတယ်။ နိုင်ငံခြားခရီးက ပြန်ရောက်လာခဲ့တဲ့ ဦးကိုနီကို ရန်ကုန်မင်္ဂလာဒုံလေဆိပ်ကအထွက်မှာ အနီးကပ်ပစ်ခတ်လုပ်ကြံခဲ့သူ ဦးကြည်လင်းကိုတော့ အခင်းဖြစ်ပွားပြီး မကြာခင်မှာပဲ ပြည်သူလူထုအကူအညီနဲ့ ဖမ်းဆီးရမိခဲ့ပါတယ်။ နောက်ထပ်ဖမ်းဆီးခဲ့သူ နှစ်ဦးကိုတော့ မည်သူမည်ဝါတွေဆိုတာ ရဲတပ်ဖွဲ့က မဖော်ပြခဲ့ဘူးလို့ ဆိုပါတယ်။
ဦးကိုနီ ကို ဘာကြောင့်လုပ်ကြံသတ်ဖြတ်သလဲဆိုတဲ့ အကြောင်းရင်းနဲ့ပတ်သက်ပြီးတော့လည်း အခုထိ ရှင်းရှင်းလင်းလင်း မသိရသေးပါဘူး။ နိုင်ငံတော် သမ္မတရုံးကတော့ တိုင်းပြည်ရဲ့ တည်ငြိမ်မှုပျက်ပြားအောင် ရည်ရွယ်တာဖြစ်တယ်လို့ ထုတ်ပြန်ချက်မှာ ဖော်ပြခဲ့ပါတယ်။
Photo: Kyaw Zaw Win/RFA
( ရှေ့နေ ဦးကိုနီ ရဲ့ ရုပ်အလောင်းကို ရေဝေးသုသာန်က အစ္စလာမ်သချိုင်းမှာ ဇန်နဝါရီလ ၃၀ ရက်နေ့က သဂြိုဟ်ခဲ့ပါတယ် )
RFA
No comments:
Post a Comment