အမေရိကန် နိုင်ငံခြားရေးဝန်ကြီးသစ် ရက်တေလာဆင်က အလုပ် စတင်ဝင်ရောက်ချိန်တွင် သမ္မတဒေါ်နယ်ထရန့်က ဖေဖော်ဝါရီ ၂ ရက်၌ ကမ္ဘာတစ်ဝန်းရှိ အမေရိကန်၏မိတ်ဆွေနှင့် ရန်သူတို့ကို ပြင်းပြင်းထန်ထန် ဝေဖန်တိုက်ခိုက်မှုအား တိုးမြှင့်ခဲ့သည်။ ဆက်ဆံရေး ပြန်လည်ပြေလည်စေရန် လုပ်ဆောင်မည်ဟု မျှော်လင့်ထားသည့် ရုရှားကိုပင် ထရန့်က အလွတ်မပေးခဲ့ပေ။ ကုလသမဂ္ဂဆိုင်ရာ အမေရိကန်သံအမတ် နစ်ကီ ဟာလေက ယူကရိန်းအား ကျူးကျော်ထားမှုအား အဆုံးမသတ်ပါက ရုရှားကို ပိတ်ဆို့အရေးယူမှု ဆက်လက်ထားရှိမည်ဟု ပြောကြားခဲ့သည်။
အီရန်ကိုလည်း ထရန့်က တိုက်ခိုက်ခဲ့ပြီး တီဟီရန်၏ နောက်ဆုံး ဒုံးပျံစမ်းသပ်မှုအား စစ်ရေးဖြင့် တုံ့ပြန်နိုင်သည့် ရွေးချယ်စရာ နည်းလမ်းနှင့်ပတ်သက်၍ မေးမြန်းမှုကို ၎င်း၏ပြောခွင့်ရပုဂ္ဂိုလ်က ထည့်သွင်းစဉ်းစားရာတွင် မည်သည့်အရာကိုမျှ ရုပ်သိမ်းခြင်း မရှိသေးဟု အခိုင်အမာပြောကြားခဲ့သည်။ ဒုံးပျံစမ်းသပ်မှုနှင့် ယီမင်သူပုန်များအား ထောက်ခံမှုတို့အတွက် အမေရိကန်လုံခြုံရေး အကြံပေး မိုက်ကယ်ဖလင်းက သတိပေးခဲ့ပြီးနောက် အိမ်ဖြူတော်သည် အီရန်အား ပိတ်ဆို့အရေးယူမှု တိုးချဲ့မည့်အစီအစဉ်ကို ရေးဆွဲနေသည်။
နိုင်ငံအများအပြားသည် အမေရိကန်အား အလွန်အမင်း အခွင့်အရေးယူနေကြောင်း ထရန့်ကိုယ်တိုင်က ပြောကြားခဲ့ပြီး သြစတြေးလျသည် တရားမ၀င် ရွှေ့ပြောင်းအခြေချ ၁၀၀၀ ကျော်အား အမေရိကန်သို့ လိမ်လည်ပို့ဆောင်ရန် ကြိုးပမ်းနေကြောင်း စွပ်စွဲခဲ့သည်။ သီးခြားဝေဖန်မှုအဖြစ် မက္ကဆီကို၊ ကနေဒါတို့နှင့် ရရှိထားသော သက်တမ်း ၂၃ နှစ်ရှိပြီဖြစ်သည့် NAFTA ကုန်သွယ်ရေး သဘောတူညီချက်သည် အမေရိကန်စီးပွားရေးအတွက် ကပ်ဆိုးတစ်ခုဖြစ်ခဲ့သည်ဟု ထရန့်က ပြောကြားခဲ့သည်။
ကမ္ဘာလုံးဆိုင်ရာ ရေနံကုမ္ပဏီကြီး Exxon Mobil အမှုဆောင်အဖြစ်မှ နိုင်ငံခြားရေးဝန်ကြီးသစ် ဖြစ်လာသော အသက် ၆၄ နှစ်ရှိ တေလာဆင်က နိုင်ငံရေးဝန်ကြီးဌာနသို့ ရောက်ရှိလာချိန်တွင် ၀န်ထမ်း ၂၀၀၀ ခန့်က နှုတ်ဆက်ခဲ့ကြသည်။ ထရန့်၏အစိုးရက တင်းကျပ်သော လူဝင်မှုကြီးကြပ်ရေး မူဝါဒ ကျင့်သုံးမှုကြောင့် ဒေါသထွက်မှုများ ဖြစ်ပေါ်နေစဉ် တက္ကဆက်ဖွား တေလာဆင်က ထိပ်တန်း သံတမန်ရာထူးကို စတင်ထမ်းဆောင်မည်ဖြစ်သည်။ ကြုံခေါင့်ကြုံခဲ အာခံမှုအဖြစ် ဒုက္ခသည်များ ၀င်ရောက်မှုအား ဆိုင်းငံ့ခြင်းနှင့် မွတ်စလင်နိုင်ငံ ခုနစ်နိုင်ငံမှ လာရောက်သူများအား ပိတ်ပင်ခြင်းကို ရှုတ်ချထားသည့်စာကို သံတမန် ၁၀၀၀ ၀န်းကျင်က လက်မှတ်ထိုးခဲ့ကြသည်။ ထို့ပြင် အမျိုးသားရေး ၀ါဒီတစ်ဦးဖြစ်သော အိမ်ဖြူတော် မဟာဗျူဟာရေးရာ ရေးဆွဲသူ စတိဗ်ဘန်နွန်၏ လမ်းညွှန်မှုဖြင့် ထရန့်၏ ရန်လိုသော ရပ်တည်မှုအား နက်ရှိုင်းသည့် စိုးရိမ်ပူပန်မှုများသည် ပြည်ပဆက်ဆံရေးနယ်ပယ်အထိ သက်ရောက်နေခဲ့သည်။
နိုင်ငံခြားရေးဝန်ကြီးဌာနတွင် ၀န်ထမ်းပေါင်း ၇၅၀၀၀ ခန့်ရှိပြီး တစ်ဦးချင်းစီသည် ပျမ်းမျှ လုပ်သက် ၁၁ နှစ်စီ ရှိနေသည်ဟု ၀န်ခံလျက် ရာထူးသစ်ထမ်းဆောင်သည်မှာ မိနစ်ပိုင်းပင် ရှိသေးသော တေလာဆင်က ကြိုးစားလုပ်ဆောင်သွားမည်ဟု ကတိပြုခဲ့သည်။ တာဝန်ထမ်းဆောင်သည့် ပထမဆုံးနေ့တွင် တေလာဆင်က ကနေဒါနှင့် မက္ကဆီကိုနိုင်ငံခြားရေးဝန်ကြီးများကို ဖုန်းဖြင့် စကားပြောခဲ့ပြီး ဂျာမနီနိုင်ငံခြားရေးဝန်ကြီး ဆစ်ဂ်မာဂါဘရီရယ်နှင့် တွေ့ဆုံကာ ဥရောပ လုံခြုံရေးကိစ္စကို ဆွေးနွေးခဲ့ကြသည်။
တေလာဆင်သည် ရုရှားသမ္မတ ဗလာဒီမာပူတင်ကဲ့သို့ ပြည်ပခေါင်းဆောင်များနှင့် ဆက်ဆံရေး ရှိခဲ့မှုသည် အကျိုးရှိသည်ဟု ထရန့်က အစောပိုင်းတွင် ပြောကြားခဲ့သည်။
ရက်သည် ကမ္ဘာ့ခေါင်းဆောင်များနှင့် သိကျွမ်းခဲ့ခြင်းကြောင့် လူအချို့က ၎င်းအား နှစ်သက်ခဲ့ခြင်းမရှိကြောင်း ထရန့်က တေလာဆင်နှင့် ပူတင် အကြားရင်းနှီးသော ဆက်ဆံရေးရှိခဲ့မှုကို ရည်ညွှန်းပြောကြားခဲ့သည်။
Writer:
Ref: AFP
Eleven Media Group
No comments:
Post a Comment