စစ်ပွဲတွေ ရပ်တန့်ရေးအတွက် ငြိမ်းချမ်းရေးလူထုလှုပ်ရှားမှု လမ်းလျှောက်ပွဲတွေကို ရန်ကုန်၊ မော်လမြိုင်၊ ပြည်နဲ့ လွိုင်ကော်မြို့တွေမှာ ဒီနေ့ ပြုလုပ်ကြပါတယ်။
ရန်ကုန်မြို့မှာဆိုရင် ဗိုလ်စိန်မှန်ကွင်းကနေ စတင်လမ်းလျှောက်သူတွေနဲ့ မြေနီကုန်းကနေ လမ်းလျှောက်သူတွေဟာ ဆူးလေမြို့တော်ခန်းမရှေ့မှာ ဆုံရပ်အနေနဲ့ စုဝေးရောက်ရှိကြတာ ဖြစ်ပါတယ်။
အဲဒီတောင်းဆိုပွဲမှာ ပြည်တွင်းစစ်ရပ်စဲရေး၊ စစ်ဘေးသင့်ပြည်သူတွေအတွက်
ကူညီထောက်ပံ့မှုတွေ ပေးပို့ခွင့်ရရှိရေး၊ စစ်အသုံးစရိတ် လျှော့ချရေး၊ တစ်နိုင်ငံလုံး ပစ်ခတ်ရပ်စဲကြောင်း တပ်မတော်ကစတင်ကြေညာရေးတို့ကို တောင်းဆိုကြပါတယ်။
မွန်ပြည်နယ် ၁၀ မြို့နယ်မှာလည်း မွန်၊ ကရင်၊ ပအို့ဝ်၊ ဗမာ စတဲ့ တိုင်းရင်းသား တစ်ထောင်ကျော်က ငြိမ်းချမ်းရေးလိုချင်ကြောင်း ချီတက်တောင်းဆိုခဲ့ပါတယ်။
ပြည်တွင်းစစ်ပွဲတွေရပ်တန့်ဖို့ ဆုတောင်းပွဲကို တအာင်း အမျိုးသမီးအဖွဲ့နဲ့ တအာင်းကျောင်းသားနဲ့ လူငယ်အဖွဲ့တို့ပူးပေါင်းပြီး လားရှိုးမြို့ နဂါးရုံဘုရားမှာ ဒီကနေ့ မနက်က ကျင်းပခဲ့ပါတယ်။
ဆုတောင်းပွဲကို တအာင်းအမျိုးသမီးအဖွဲ့ ၊ တအာင်းကျောင်းသားနဲ့ လူငယ်အဖွဲ့အပြင် လားရှိုးမြို့နယ်အတွင်း ကျေးရွာတချို့က ပရဟိတ လူငယ်တွေအပါအ၀င် လူဦးရေ တစ်ရာဝန်းကျင်လောက် တက်ရောက်ခဲ့ပါတယ်။
Photo: Kaung Htet Kyaw/RFA
(ပြည်တွင်းစစ်ရပ်တန့်ဖို့ ငြိမ်းချမ်းရေးလိုလားသူတွေ ဖေဖော်ဝါရီလ ၄ ရက်နေ့က တာမွေကနေ ဆူးလေအထိ လမ်းလျှောက်ချီတက်စဉ်)
RFA
No comments:
Post a Comment