Latest News

Wednesday, February 1, 2017

ပတ်ဝန်းကျင်ကိုလေ့လာ

ပတ်ဝန်းကျင်ကိုလေ့လာ


 ကိုယ့်ရဲ့ပတ်ဝန်းကျင်ကို လေ့လာရတယ်။ မြို့ နယ်ကလွန်ပြီးတော့ တစ်နိုင်ငံလုံးအနေအထား - တစ်ကမ္ဘာလုံးအနေအထား လေ့လာရမယ်။ ဆင်ခြင်ရမယ်။ တစ်ချိန်လုံး ကိုယ့်ရဲ့အရည်အချင်းတွေ မြင့်နေအောင် ကြိုးစားရမယ်။။ ဒါမှ နိုင်ငံကို အကျိူးပြုနိုင်မယ်။

မဲပေးခဲ့တဲ့ပြည်သူတွေကို ငါတို့ ရွေးချယ်လိုက်တာ မှန်ပြီဆိုတဲ့စိတ်ဖြစ်သွားအောင် လုပ်ဖို့ဟာ ကိုယ်စားလှယ်တိုင်းမှာ တာဝန်ရှိပါတယ်။ ကိုယ့်အတွက်ပဲ ကိုယ်မကြည့်ပါနဲ့ ။

`တစ်ယောက်နဲ့ တစ်ယောက် အချင်းချင်းပြိုင်တဲ့ ဆိုင်တဲ့ စိတ်တွေ မရှိပါနဲ့ ။ ပြိုင်ဆိုင်တယ်ဆိုရင် ပြိုင်တာ အကောင်းဘက်ကပဲ ပြိုင်ပါ။ ဘယ်လောက် သဘောထားကြီးနိုင်တယ် - ကိုယ်က ဘယ်လောက်အလုပ်လုပ်နိုင်တယ်။ ဒါပေမယ့် ကိုယ်က ဘယ်လောက်အလုပ်လုပ်နိုင်တယ်ဆိုတာ သူများကို ကြွားဖို့ မဟုတ်ပါဘူး´ ။ ဒီလိုစိတ်နဲ့  မဟုတ်ပါဘူး။ `လူများထက်ပိုပြီး ငါက အလုပ်လုပ်နိုင်တယ်ဆိုပြီး လက်မထောင်ဖို့ မဟုတ်ပါဘူး´ ။

ငါအစွမ်းရှိသလောက် ငါလုပ်နေတာတောင် ကိုယ်နဲ့ ပဲ ပြိုင်ပါ။ တခြားသူတွေနဲ့ သွားပြီး မပြိုင်ပါနဲ့ ။ တခြားသူနဲ့  ပြိုင်တယ်ဆိုတာ တခြားသူတွေအပေါ်မှာ ကျောချင်တဲ့စိတ်ရှိပါတယ်။ ငါ့ရဲ့ ရွေးကောက်ပွဲ မဲဆန္ဒနယ်တွေအတွက် ငါအသားကုန်လုပ်နေပြီလား။ ဒါထက်ပိုပြီး လုပ်နိုင်သေးလား ဒါကိုပဲပြိုင်ပါ။

နောက်ပြီးတော့ `တခြားကိုယ့်ရဲ့ လုပ်ဖော်ကိုင်ဖက်တွေနဲ့  ပြိုင်ဆိုင်မယ်ဆိုရင် တစ်ခုပဲပြိုင်ပါ။ သူတို့ အပေါ်မှာ ငါထားတဲ့ ရဲဘော်ရဲဘက်စိတ်က အမြင့်ဆုံးဟုတ်ရဲ့လား။ ဒါကလည်း ကိုယ်နဲ့ပဲ ပြိုင်ဆိုင်ရလိမ့်မယ်´။ ငါအမြင့်ဆုံး စိတ်ဓာတ်တွေနဲ့  ပေါင်းသင်းနေရဲ့လား။ အဲဒီနေရာမှာ ဆင်ခြင်ပါ။ နောက်ဆုံး ကိုယ်နဲ့ ကိုယ်ပဲ ပြိုင်ဆိုင်ပါ။ ဒါမှ ကိုယ့်နယ်ပယ်မှာ တကယ်အောင်နိုင်သူ ဖြစ်မှာ။ ဒီစံတွေကို ကိုယ်မရောက်နိုင်ဘူး- မကျော်လွှားနိုင်ဘူးဆိုရင် ဒါဟာ ကိုယ်က အောင်နိုင်သူ မဖြစ်နိုင်ပါဘူး။

ဒေါ်အောင်ဆန်းစုကြည်နှင့် အဖွဲ့ ချူ ပ်ကိုယ်စားလှယ်များ တွေ့ ဆုံပွဲ… (ကောက်နုတ်ချက်)
တော်ဝင်နှင်းဆီ

No comments:

Post a Comment