Latest News

Monday, February 27, 2017

ပျောက်ဆုံးသွားခဲ့သောသာမညဆရာတော်ဘုရားကြီး ရုပ်ကလာပ်တော် ဘယ်မှာလဲ



ထွန်းထွန်း

၂၀၀၈ ခုနှစ်၊ ဧပြီလ ၂ ရက်
သာမည ကျောင်းတိုက်၊ သာသနာ့ နယ်မြေ၊ ဘားအံမြို့။

နွေရာသီဖြစ်သော်လည်း မှောင်မိုက်သော ညတစ်ညဖြစ်သည်။

မြန်မာနိုင်ငံ၏ နယ်စပ်အနီး ကရင်ပြည်နယ် မြို့တော်ဖြစ်သော ဘားအံအနီး သာမည ဆရာတော်နှင့် သာသနာ့ နယ်မြေသည် မြန်မာနိုင်ငံ၌ သာမက ထိုင်းနိုင်ငံ အထိပါ ဘုန်းတန်ခိုး ကျော်ကြားလျက် ရှိပါသည်။ သို့သော် ၂၀၀၃ ခုနှစ် နိုဝင်ဘာတွင် ဘုန်းတန်ခိုး ကြီးမားတော်မူသော သာမည ဆရာတော်သည် ဘ၀နတ်ထံ ပျံလွန်တော်မူသွားသည့် အတွက် ဗုဒ္ဓဘာသာဝင်များ ကြားတွင် ၀မ်းနည်းပူဆွေး သောက ရောက်ခဲ့ကြရသည်။ သာမည ဆရာတော်၏ သာသနာ့ နယ်မြေအတွင်း ၀င်ရောက်လာသည့် အချိန်မှစ၍ သက်သက်လွတ် စားသောက်ရခြင်း၊ နူးညံ့ညင်သာစွာ စကားပြောဆိုရခြင်းတို့ကို လိုက်နာရသည့် ဘုရားဖူးများသည် ဆရာတော်ကြီး ပျံလွန်တော်မူပြီးသည့် နောက်တွင်လည်း လာရောက်ဖူးမျှော်သူ လျော့ပါးသွားခြင်း မရှိပေ။ သာမည ဆရာတော်ကြီး၏ ရုပ်ကလာပ်ကို သာမညတောင်ပေါ်၌ မှန်ခေါင်းတလားဖြင့် ထားရှိခဲ့သည်။
သို့သော် ၂၀၀၄ ခုနှစ်၊ ဧပြီလ၊ ၂ ရက်နေ့ညက သာမည တောင်ပေါ်တွင် ရုတ်တရက် မီးပျက်သွားခဲ့သည်။ မှောင်မိုက်သွား အချိန်တွင် တောင်ပေါ်သို့ ခပ်မွဲမွဲ ခပ်ညစ်ညစ် အရောင်ရှိသော ကား ၂စီး တက်လာခဲ့ပြီး၊ ဆရာတော်ကြီး၏ ဂူဗိမာန်ရှေ့တွင် ရုတ်တရက် ရပ်လိုက်သည်။ ထို့နောက် လက်နက်ကိုင် လူတစ်စုသည် အမှောင်ရိပ်ထဲသို့ ရောက်လာပြီး တာဝန်ကျ အစောင့်ကို အဓမ္မကြိုးဖြင့် တုပ်လိုက်ပြီး၊ ကျည်ကာမှန် တပ်ထားသော ခေါင်းတလားသော့ကို ထုတ်ပေးရန် ပြောဆိုခဲ့သည်။ ခေါင်းတလားသော့ကို ဆရာတော်ကြီး တစ်ပါးကသာ ကိုင်သည်ဖြစ်ရာ ဆရာတော်၏ ဆေးစိမ်ထားသော အလောင်းတော်ကို အလွယ်တကူ ယူဆောင်၍ မရမှန်း လက်နက်ကိုင် အဖွဲ့က သိထားသည်။ စကျင်ကျောက်ပြားများဖြင့် အလှဆင်ထားသော ဂူဗိမာန် အတွင်းရှိ အလောင်းတော်ကို ရယူရန် မှန်တံခါး ဖွင့်မှသာ ရရှိမည်ဖြစ်ရာ ရုပ်ကလာပ် ထည့်ထားသော မှန်များကို ရိုက်ခွဲဖျက်ပစ် လိုက်သည်။ ထို့နောက် ဆရာတော်ကြီး၏ ရုပ်ကလာပ်အား အဓမ္မ ယူဆောင်ကာ ကားပေါ်တင်ပြီး၊ သာမညတောင်ပေါ်မှ မောင်းထွက်သွားကြသည်။

ယင်းအဖြစ်အပျက်အား နိုင်ငံပိုင် သတင်းစာများတွင် ဖော်ပြခဲ့သော်လည်း ဆရာတော် ရုပ်ကလာပ် ယူဆောင်သွား သူများအား လိုက်လံ ရှင်းလင်းသော တပ်မတော် စစ်ကြောင်းများ၏ နောက်ဆက်တွဲ သတင်းများ မပေါ်ထွက်ခဲ့ပေ။ လေးရက်အကြာမှ ဆရာတော်၏ ရုပ်အလောင်းကို မီးသင်္ဂြီုလ်ပြီး ဖြစ်၍ အရိုးပြာများကို ဘုန်းကြီးကျောင်း ပရ၀ဏ် အနီးရှိ ကော့ကဒါကျေးရွာ အတွင်း ထားလိုက်ကြောင်း အမည်မသိ လူတစ်ဦးက သာမည ဘုန်းကြီးကျောင်းရှိ ဆရာတော်များထံ ဖုန်းဆက် အကြောင်းကြား ခဲ့သည်။ ယင်းသတင်းအရ လိုက်လံ စစ်ဆေးရာတွင် စေတီငယ်တစ်ဆူ အနီးရှိ ဆရာတော်၏ အရိုးပြာများဟု ယူဆရသည့် ပြာပုံလေး တစ်ပုံကို အရိုးပြာ မီးသွေးများ မှန် အခေါင်းတလား၏ လက်ကိုင် တို့နှင့်အတူ ယှဉ်တွဲ တွေ့ရှိခဲ့ရသည်။ ယင်းအရိုး မီးသွေးများကို သာမည ကျောင်းတိုက်သို့ သယ်ဆောင်လာခဲ့ပြီး၊ သိမ်းဆည်းထား ခဲ့သော်လည်း ခေတ်မှီ DNA စစ်ဆေးမှုဖြင့် မစစ်ဆေး နိုင်ခဲ့သည့် အတွက် ဆရာတော်၏ အရိုးပြာ ဟုတ်၊ မဟုတ် မည်သူမှ အဖြေ မထုတ်နိုင်ခဲ့ပေ။ သက်ဆိုင်ရာ အာဏာပိုင်များ အနေဖြင့်လည်း ဆရာတော် ရုပ်ကလာပ် ပျောက်ဆုံးမှု နှင့် ပတ်သက်၍ စုံစမ်းစစ်ဆေးမှုများ ဆက်လက် မလုပ်ဆောင်နိုင်ခဲ့သလို သတင်းထုတ်ပြန်မှုလည်း မရှိတော့ပေ။ ယခုအခါ ဆရာတော်၏ ရုပ်ကလာပ် ပျောက်ဆုံး သွားခဲ့မှုသည် အစိုးရနှစ်ဆက် အပြောင်းအလဲ၌ ၆ နှစ်ကျော် ကြာမြင့် သွားခဲ့ပြီ ဖြစ်သည်။

ဆရာတော်ကြီးသည် မြန်မာနိုင်ငံ တစ်လွှားလုံးမှ လာရောက် အဖူးမျှော်ခံရသည့် တန်ခိုးကြီး ထူးခြားသည့် ဆရာတော်ကြီး တစ်ပါး ဖြစ်ပါသည်။ ပြည်ပနိုင်ငံ အသီးသီးမှလည်း လာရောက် ဖူးမျှော်ကြပါသည်။ အထူးသဖြင့် ထိုင်းနိုင်ငံ အစိုးရ ပြည်သူများ လာရောက်ကြည်ညို ဖူးမျှော်ကြပါသည်။ ဆရာတော် ဘုရားကြီးသည် ကရင်ပြည်နယ်၊ သာမည တောင်ပေါ်တွင် သတင်းသုံး နေထိုင်သော ဆရာတော် ဖြစ်ပါသည်။ သာမည တောင်ပေါ်သို့ လာရောက်ကြသူ ဘုရားဖူး အားလုံးအား သတ်သတ်လွတ် ထမင်းဟင်းလျာများဖြင့် ကျွေးမွေးပါသည်။ ဘုရားဖူး ဘယ်လောက်များများ ကျွေးမွေးနိုင်ပါသည်၊ သာမည တောင်ပေါ်ရှိ စပါးကျီထဲ ဆန်စပါးများကို နတ်ဒေ၀ါများက လာရောက်ဖြည့်ထားသည့်အလား စပါးကျီထဲ စပါးများ မကုန်နိုင်အောင်ပင် ဖြစ်ခဲ့ရသည်ဟု ဆိုကြပါသည်။ ဘုရားဖူးသူများနှင့် ရှင်ပြုရဟန်းခံများ အလှူဒါန ပြုသူများဖြင့် အစဉ်ပြည့်လျှံနေသော သာမညတောင် ဖြစ်ခဲ့ပါသည်။ သာမည ဘုရားဖူး ပို့ဆောင်ရေး လုပ်ငန်း လုပ်သူများ များပြားပြီး၊ အားလုံး ကြီးပွားချမ်းသာ အဆင်ပြေသွားကြသည် အထိ ဖြစ်ပါသည်။ ဘုရားဖူးများအား ဆရာတော် ဘုရားကြီးမှ မည်သည့် ဒေသအရပ်မှ လာရောက်ခဲ့ကြောင်း မေးမြန်းပြီး၊ ထိုဒေသရှိ ဘယ်ဘုန်းကြီး၊ ဘယ်ဆရာတော်သည် မိမိကဲ့သို့ ကိုးကွယ်ထိုက်သူ ဖြစ်ကြောင်း ဖော်ညွှန်းလေ့ ရှိပါသည်။ သာမည ဆရာတော် ဘုရားကြီးသည် ၀ိဇ္ဇာ ဖြစ်ကြောင်း၊ ဇော်ဂျီဖြစ်ကြောင်း၊ အထက်လမ်း ဘိုးတော် ဖြစ်ကြောင်း၊ အကြားအမြင်ရကြောင်း၊ ရဟန္တာ တစ်ပါး ဖြစ်ကြောင်း ပြောဆိုသမုတ် ကြပြီး၊ လူအများ အားကိုးအားထားပြု ကိုးကွယ်ခဲ့ကြပါသည်။

သေချာသည်ကတော့ ဆရာတော်ကြီး ရုပ်အလောင်းကတော့ ပျောက်ဆုံးသွား ခဲ့သည်မှာ အမှန်ပင် ဖြစ်ပြီး၊ ယနေ့ အထိ တရားခံ မပေါ်ခဲ့ခြင်းပင် ဖြစ်ပါသည်။

ဝိဇ္ဇာ၊ ဇော်ဂျီ ဘိုးတော်များသည် မိမိခန္ဓာကိုယ်ကို သေဆုံးသည့်အခါ မီးရှို့မခံကြပါ။ ဂူသွင်းလေ့ ရှိကြပါသည်။ တစ်ချိန်ချိန် အခါအခွင့် သင့်ပါက မိမိရုပ်အလောင်းတော်နှင့် ပြန်လည် ချိတ်ဆက် နိုင်ရန်ဟု ပြောဆိုကြပါသည်။

ထိုကဲ့သို့ ပုဂ္ဂိုလ်များ၏ ခန္ဓာကိုယ် အစိတ်အပိုင်းများကို ဆေးစီရင်၍သော် လည်းကောင်း၊ အသွေး အသားကို ဆေးဖော်ချက်စား၍ လည်းကောင်း၊ မိမိတို့ အသက်ရှည်ရန် ဘုန်းတန်ခိုးကြီးရန်၊ သိဒ္ဓိမြောက်ရန် စီမံကြသူများလည်း ရှိကြကြောင်း သိရှိရသည်။ သာမည ဆရာတော်ကြီး၏ ရုပ်ကလာပ်ကို ထိုကဲ့သို့ အသုံးပြုခဲ့ကြပြီလော။

သာမည ဆရာတော် ဘုရားကြီး အုတ်ဂူဖောက် အခိုးခံရချိန်သည် ၂၀၀၄ ခုနှစ်ဖြစ်၍ စစ်အစိုးရ လက်ထက်ပင် ဖြစ်ပါသည်။ ထောက်လှမ်းရေးများလည်း တန်ခိုးထွားနေချိန် ဖြစ်ပါသည်။ သာမညတောင်သည် ကရင်ပြည်နယ်တွင် ရှိပါသည်။ ကရင်ပြည်နယ် စစ်တိုင်းမှူး လက်အောက်၌ ရှိပါသည်။ မိမိနိုင်ငံ၊ မိမိတိုင်းတွင် ပြည်သူလူထု လေးစားကြည်ညို တန်ဖိုးထားသည့် ဦးထိပ်ထားသည့် ဗုဒ္ဓဘာသာ ဘုန်းတော်ကြီး၏ ရုပ်ကလပ်ဂူအား အတင့်ရဲစွာ ခိုးယူသွားခဲ့သည့် ကိစ္စရပ်သည် မိမိ စစ်တိုင်းကြီး၊ မိမိနိုင်ငံကြီးကို စော်ကားသွားခြင်းပင် ဖြစ်ပါသည်။ စိန်ခေါ်သွားခြင်း ဆိုပါကလည်း မမှားပါ။ ခွင့်လွှတ်နိုင်စရာ အကြောင်းမရှိပါ။ သို့သော် ထိုအချိန်မှစ၍ ယနေ့ထိတိုင် ငြိမ်ချက်သား ကောင်းနေခဲ့ပါသည်။ အစပင် မဖော်ရဲခဲ့ကြသည်မှာ ထူးဆန်းသည့် အကြောင်းတစ်ခု ဖြစ်ခဲ့ပါသည်။

တစ်ချို့က တစ်ဖက်နိုင်ငံမှ လာရောက် ယူဆောင်သွားခဲ့သည်ဟု သုံးသပ်ကြပါသည်။ ထိုသို့ဖြစ်ခဲ့ပါက မြန်မာနိုင်ငံ အစိုးရမှ ချက်ခြင်း တန့်ပြန်ရမည်သာ ဖြစ်ပါသည်။ ထို့အပြင် ထိုအချိန်က ထိုဒေသရှိ လက်နက်ကိုင် အဖွဲ့များမှလည်း သူတို့ပင် မသိလိုက်၍ တစ်ဖက်နိုင်ငံက ယူဆောင်သွားခြင်း မဖြစ်နိုင်ပါဟုလည်း ကြားသိခဲ့ရပါသည်။ ထိုစဉ်က တာဝန်ရှိခဲ့သူ ဗိုလ်မှူးကြီး တစ်ဦးကမူ ထလရ (ထောက်လှမ်းရေး)များ ပင် လုပ်ခဲ့သလားဟု သုံးသပ်ခဲ့ သည်ကိုလည်း သိခဲ့ကြားခဲ့ရပြန်သည်။ ထောက်လှမ်းရေး လုပ်သည် ဆိုပါက မည်သူမျှ မပြောရဲ၊ မဆိုရဲ၍ ဖြစ်ပါသည်။ တချို့ကလည်း ထိုစဉ် မြန်မာနိုင်ငံ၏ နံပါတ်တစ် ပုဂ္ဂိုလ်ကြီး ဆေးဆရာ၊ ဗေဒဆရာ၊ ဘိုးတော်များ၏ အကြံအဥာဏ်ဖြင့် အလောင်းတော်အား ဆေးစီရင် သုံးစွဲခဲ့သည်လည်း ဖြစ်နိုင်ကြောင်း သုံးသပ်ခဲ့ကြပါသည်။

မည်သို့ပင် သုံးသပ်ကြသည် ဖြစ်စေ၊ ဆရာတော်ကြီး၏ ရုပ်ကလာပ် အလောင်းတော်သည် ထူးဆန်းစွာ ပျောက်ဆုံးခဲ့ပြီး၊ ဘယ်သူတွေ ဘယ်လိုအသုံးပြု အသုံးချစီရင် လိုက်သည်ကို တိတိကျကျ မသိရှိခဲ့ခြင်းပင် ဖြစ်ပါသည်။ သို့ပါ၍ ယခုအခါ မြန်မာနိုင်ငံတော်ကြီးသည် ဒီမိုကရေစီ နိုင်ငံတော်သို့ ခရီးနှင်နေပြီး၊ ထိုက်သင့်သည့် လွတ်လပ်စွာ ပြောဆိုရေးသားခွင့် ရရှိနေသည် ဖြစ်ပါ၍ အကျိုးအကြောင်း အဆိုးအကောင်း သိသူများမှ အများပြည်သူ သိရှိနိုင်ရန် ဖော်ထုတ်ရေးသား ပေးကြပါလို့ တောင်းဆိုရင်း သာမည ဆရာတော်ကြီး ရုပ်ကလာပ် ဘယ်မှာလဲဟု မေးခွန်းထုတ် လိုက်ရပါသည်။

ရည်ညွှန်း-အေမီဂိုးလ်ဒ်မေ (Amy Gold May) Will Thamanya Sayadaw’s Body Ever Rest Peace?

အဘိဓဇ အဂ္ဂမဟာ သဒ္ဓမ္မ ဇောတိက ကရင်ပြည်နယ်၊ ဘားအံမြို့နယ် သာမညတောင်ပေါ် ကျောင်းတိုက် ဆရာတော် ဘဒ္ဒန္တ ၀ိနယ၏ ထေရုပတ္တိ အကျဉ်း
ဖွားမြင်တော်မူခြင်း
ဆရာတော် လောင်းလျာသည် ကရင်ပြည်နယ် ဘားအံမြို့နယ်၊ ကော့ကျိုက်ပအိုဝ်းရွာ ခမည်းတော် ဦးတောင်အိုး၊ မယ်တော် ဒေါ်အုံးတို့မှ ၁၂၇၂ ခုနှစ်၊ ပထမ၀ါဆိုလဆန်း ၆ ရက်၊ ဗုဒ္ဓဟူးနေ့တွင် ဖွားမြင်တော်မူသော သားရတနာ ဖြစ်ပါသည်။
ရှင်ရဟန်းပြုတော်မူခြင်း
ဆရာတော် လောင်းလျာသည် ၁၂၈၅ ခုနှစ်တွင် မော်လမြိုင်မြို့ ကြံခင်းကျောင်း ဆရာတော် ဘဒ္ဒန္တ အာစာရကို ဥဇ္ဇျာယ်ပြု၍ ခမည်းတော် ဦးတောင်အို၊ မယ်တော် ဒေါ်အုံးတို့၏ ပစ္စယာနုဂ္ဂဟဖြင့် ရှင်သာမဏေ အဖြစ်သို့ ရောက်ရှိခဲ့ပါသည်။ ၁၂၉၂ ခုနှစ်၊ ကဆုန်လပြည့်ကျော် ၁၅ ရက်၊ သောကြာနေ့ နံနက် ၇ နာရီ အချိန်တွင် မော်လမြိုင်မြို့၊ ကြံခင်းကျောင်း ဆရာတော် ဘဒ္ဒန္တ အာစာရကို ဥပဇ္ဇျာယ်ပြုလျက် ခမည်းတော် ဦးတောင်အို၊ မယ်တော် ဒေါ်အုံးတို့၏ ပစ္စယာနုဂ္ဂဟကို ခံယူကာ မော်လမြိုင်မြို့ ရတနာဘုံမြင့်ကျောင်း ခဏ္ဍသိမ်၌ မြင့်မြတ်သော ရဟန်းအဖြစ်သို့ ရောက်ရှိခဲ့ပါသည်။
ပရိယတ္တိစာပေ သင်ယူ ဆည်းပူးတော်မူခြင်း
ဆရာတော်လောင်းလျာသည် ကော့ကျိုက်ပအိုဝ်းရွာကျောင်း ဆရာတော်၊ မော်လမြိုင်မြို့ ရတနာဘုံမြင့်ကျောင်း ဆရာတော်၊ ကြံခင်းကျောင်း ဆရာတော် ဘဒ္ဒန္တ အာစာရ၊ မုတ္တမကျွဲခြံကျောင်း၊ ကဒိုးကွင်းကျောင်း၊ တိုက်ကုလားတောင်စွန်း၊ သရက်ကုန်းကျောင်း ဆရာတော် ဘဒ္ဒန္တ ဣန္နာစာရ စသော ဆရာတော်များထံ၌ ပရိယတ္တိ ကျမ်းစာများကို သင်ယူခဲ့ပါသည်။ ထို့ပြင် ပဋိပတ် ကျင့်စဉ်များကိုလည်း နည်းနာခံယူခဲ့ပါသည်။
စာပေပို့ချခြင်းနှင့် သာသနာရေး အားပေးဆောင်ရွက်တော်မူခြင်း
ဆရာတော်သည် ကရင်ပြည်နယ်၊ ဘားအံမြို့နယ် ၀ါဆုကျောင်း၊ သာမညတောင်ပေါ် ကျောင်းတို့တွင် တပည့်ရဟန်း သာမဏေများအား ပရိယတ္တိစာပေများကို သင်ကြားပို့ချပေးခဲ့ပါသည်။ ကရင်ပြည်နယ်၊ ဘားအံမြို့နယ်၊ သာမည တောင်ပေါ်ကျောင်းတွင် သီတင်းသုံး နေထိုင်လျက် ရှိကြသော ရဟန်း၊ သာမဏေ၊ သီလရှင် ၅၀၀ ခန့်တို့အား ၀ိပဿနာ ရှုမှတ်ကျင့်ကြံ နည်းများကို ဟောကြားပြသပေး တော်မူခြင်း၊ အရညကင် ဓူတင်အကျင့်ကို အစဉ်ကျင့်သုံးတော်မူခြင်း၊ သာမည တောင်ပေါ် ကျောင်းသို့ နေ့စဉ် ရောက်ရှိလာသော ယောဂီ သူတော်စင် ၁၀၀ မှ ၅၀၀ အထိ ဘုရားဖူး ဧည့်သည် ပရိသတ်များကို တရားဓမ္မ ဟောဖော်ညွှန်ပြတော်မူခြင်း စသော သာသနာပြု လုပ်ငန်း တာဝန်များကို ပျံလွန်တော်မူသည် အထိ ကြိုးပမ်းဆောင်ရွက်တော်မူ ခဲ့ပါသည်။
ဘွဲ့တံဆိပ်တော်များ အလှူခံရရှိတော်မူခြင်း
ဆရာတော်၏ သီလဂုဏ်၊ ပညာဂုဏ်၊ ခမာ၊ ဇာဂရိယ စသော ဂုဏ်များနှင့် သာသနာရေး အားပေး ဆောင်ရွက်တော်မူခြင်းများကို လေးစားလျက် နိုင်ငံတော် အစိုးရက ၁၉၉၁ ခုနှစ်၊ နိုဝင်ဘာလ ၂၁ ရက်တွင် အဘိဓဇ အဂ္ဂမဟာ သဒ္ဓမ္မ ဇောတိက ဘွဲ့တံဆိပ်တော်ကို ဆက်ကပ်လှူဒါန်း ပူဇော်ခဲ့ပါသည်။
ဘ၀နတ်ထံ ပျံလွန်တော်မူ ခြင်း
ဆရာတော်ကြီးသည် သာသနာတော်အကျိုး သယ်ပိုးထမ်းဆောင်တော် မူရင်းမှ သက်တော် ၉၃ နှစ်၊ သိက္ခာတော် ၇၃ ၀ါအရ ၁၃၆၅ ခုနှစ်၊ နတ်တော်လဆန်း၊ ၆ ရက် ၂၉.၁၁.၂၀၀၃ ရက်၊ စနေနေ့ နံနက် ၉နာရီအချိန်တွင် ဘ၀နတ်ထံ ပျံလွန်တော်မူကြောင်း သာသနာရေး ၀န်ကြီးဌာန သာသနာ ထွန်းကား ပြန့်ပွားရေး ဦးစီးဌာနမှ တရားဝင် ထုတ်ပြန်ချက်အရ သိရသည်။

Ref: Tomorrow News Journal

(တက်ဘုန်းကြီးမိုးညို page မှကူးယူ ဖော်ပြပါသည်။)

 baranathi india buddha land saranath


 Baranathi Buddha Land

No comments:

Post a Comment