ဦးနေ၀င်းအစိုးရလက်ထက်က ဗုံးခွဲဖျက်ဆီးခံခဲ့ရတဲ့ ကျောင်းသားသမဂ္ဂအဆောက်အအုံကို ၅၄ နှစ်အကြာမှာ ပြန်လည်တည်ဆောက်မှာနဲ့ပတ်သက်ပြီး ခေတ်အဆက်ဆက်က ကျောင်းသား မျိုးဆက်တွေ စုပေါင်းပြီး ဒီကနေ့ ရန်ကုန်မြို့ Orchid Hotel မှာ ဆွေးနွေးပွဲကျင်းပခဲ့ပါတယ်။
အဲဒီပွဲကို ၁၉၅၃ ခုနှစ်ကနေ အခုလက်ရှိကျောင်းသားမျိုးဆက်တွေ တက်ရောက်ကြပါတယ်။
တက်ရောက်လာသူတွေထဲမှာ ခေတ်အဆက်ဆက်ကျောင်းသားမျိုးဆက်တွေက ကျောင်းသား သမဂ္ဂအဆောက်အအုံ ပြန်လည်ဆောက်လုပ်တဲ့အခါ မူလပုံစံအတိုင်းပြန်လည်တည်ဆောက်လို သူတွေရှိသလို ပုံစံအသစ်ဆောက်ချင်သူတွေလည်း ရှိပါတယ်။
ဒါ့အပြင် အဲဒီလိုဆောက်လုပ်မှုမှာ အစိုးရက ဦးဆောင်ပြီး မပြုလုပ်သင့်ကြောင်းနဲ့ ကူညီပေး တာလောက်သာ ပြုလုပ်သင့်ကြောင်း ဆွေးနွေးသူတွေလည်း ရှိပါတယ်။
ကျောင်းသားသမဂ္ဂအဆောက်အဦး ပြန်လည်တည်ဆောက်ရေးကော်မတီကို လာမယ့် ဖေဖော်ဝါရီလ ၂၈ရက်နေ့မှာ စတင်ဖွဲ့စည်းမှာဖြစ်ပြီး အဲဒီကော်မတီက သမဂ္ဂအဆောက်အဦး ပြန်လည် တည်ဆောက်မယ့်နေရာနဲ့ ပြန်လည်တည်ဆောက်မယ့်နေ့တို့ကို ဆုံးဖြတ်မှာဖြစ်ပါတယ်။
Photo: Kaung Htet Kyaw/ RFA
( ကျောင်းသားသမဂ္ဂအဆောက်အအုံ ပြန်လည်တည်ဆောက်ရေးကို ဖေဖော်ဝါရီလ ၂၆ ရက်နေ့က ရန်ကုန်မြို့ Orchid Hotel မှာ ဆွေးနွေးစဉ် )
No comments:
Post a Comment