လူကုန်ကူးခံရသူ မိန်းကလေးကို ကယ်တင်နိုင်ခဲ့တဲ့ လေယာဉ်မယ်

လူကုန်ကူးခံရသူ မိန်းကလေးကို ကယ်တင်နိုင်ခဲ့တဲ့ လေယာဉ်မယ်

ရှယ်လီယာ ဖရက်ဒရစ် (Shelia Fedrick) ဆိုတဲ့ အမျိုးသမီးဟာ အလာစကာ (Alaska) လေကြောင်းလိုင်းမှာ အလုပ်လုပ်နေတဲ့ လေယာဉ်မယ် တစ်ဦး ဖြစ်ပါတယ်။

တစ်နေ့၊ သူမ တာဝန်ကျနေတဲ့  ( ဆီယက်တယ်လ်က ဆန်ဖရန်စစ္စကို အသွား ) လေကြောင်းခရီးစဉ်မှာ ပုံမှန် မဟုတ်တာ တစ်ခု ရှိနေတာ သတိထားမိလိုက်ပါတယ်။ ခရီးသည်တွေထဲက အသက် ၁၄ နှစ် ၊ ၁၅ နှစ်အရွယ် မိန်းကလေးတစ်ယောက်နဲ့ လူကြီးလူကောင်းပုံစံ သားသားနားနား ဝတ်ဆင်ထားတဲ့ အသက်ကြီးကြီး အမျိုးသား တစ်ယောက်တို့ အတူထိုင်နေတာကို သူမ မြင်ခဲ့ရတယ်။ ထူးခြားတာက ကလေးမလေး ကြည့်ရတာ ဆိုးဆိုးရွားရွား စိတ်ထိခိုက်ကြောက်ရွံ့နေတဲ့ ပုံ ပေါက်နေတာပါပဲ။ အဲဒါနဲ့ ရှယ်လီယာလည်း သူတို့ဆီ စကားသွားပြောရင်း အကဲခတ်ကြည့်တဲ့ အခါမှာ အတူပါလာတဲ့ လူကြီးက ကြိုက်နှစ်သက်တဲ့ ပုံ မပြခဲ့ပါဘူး။  ရှယ်လီယာရဲ့ သံသယလည်း ကြီးမားလာခဲ့ရပါတယ်။

လေယာဉ်မယ် ရှယ်လီယာဟာ မိန်းကလေး အိမ်သာဆီ ထ လာတာ မြင်တော့ အိမ်သာထဲကို ဦးအောင် သွားပြီး အဆင်မပြေရင် အကူညီတောင်းနိုင်တဲ့အကြောင်း စာရွက်တစ်ရွက်ပေါ်မှာ ရေးပြီး မြင်သာတဲ့ နေရာမှာ ထားခဲ့တယ်။ ကောင်မလေးကလည်း စာရွက်မှာ သူမကို ကယ်ဆယ်ပေးဖို့ စာပြန်ရေးထားခဲ့ပါတယ်။ အဲဒါနဲ့ ရှယ်လီယာဟာ လေယာဉ်မောင်း pilot ကို အကြောင်းကြားပြီး အဲဒီကမှ တဆင့် ရဲတပ်ဖွဲ့ကို အသိပေးနိုင်ခဲ့ပါတယ်။  ဆန်ဖရန်စစ္စကို လေဆိပ်ကို ဆိုက်ရောက်တဲ့ အခါမှာ အသင့်စောင့်နေတဲ့ ရဲတပ်ဖွဲ့က မိန်းကလေးကို ကယ်တင်လိုက်နိုင်ခဲ့ပါတယ်။ ရှယ်လီယာသာ မကယ်ဆယ်နိုင်ခဲ့ရင် မိန်းကလေးဟာ လိင်မှုလုပ်သား အဖြစ် ရောင်းစားခံရတော့မယ်ဆိုတာကိုလည်း တွေ့ရှိခဲ့ရပါတယ်။

တကယ်တော့ စူပါဟီးရိုး ဇာတ်လမ်းတွေထဲက လူစွမ်းကောင်းတွေလို စွမ်းအင်တွေ၊သိုင်းပညာတွေ ပိုင်ဆိုင်ထားမှ ကမ္ဘာကြီးကို ကယ်တင်နိုင်တာ ၊ အားနည်းသူတွေ ဘက်က ရပ်တည်ပေးနိုင်တာ မဟုတ်ပါဘူး။ ပတ်ဝန်းကျင်ကို သတိထားအကဲခတ်တတ်တဲ့ အလေ့အကျင့်နဲ့ ဉာဏ်ရည်ဉာဏ်သွေးကောင်းမွန်မှု၊ ပြီးတော့ ချစ်ခြင်းမေတ္တာနဲ့ အများအပေါ် စေတနာ ထားချင်စိတ်ရှိရင် လူတိုင်းဟာ လူစွမ်းကောင်းတွေ ဖြစ်နေနိုင်တဲ့ အကြောင်း ဒီ အဖြစ်အပျက်ကလေးက ဖော်ပြနေပါတယ်။

Ref: The Sun “ Heroic air stewardess rescues girl from human trafficker by leaving message in plane’s bathroom after noticing she looked like she’d ‘been through pure hell’ “

ကျော်သန့် (ရိုးရာလေး)