Latest News

Saturday, February 25, 2017

ရခိုင်ပြည်နယ်၏ပထမဆုံးသော အထည်ချုပ်စက်ရုံအဖြစ် စစ်တွေ မြို့တွင်ဖွင့်လှစ်

ရခိုင်ပြည်နယ်၏ပထမဆုံးသော အထည်ချုပ်စက်ရုံအဖြစ် စစ်တွေ

မြို့တွင်ဖွင့်လှစ်


စစ်တွေ၊ဖေဖော်ဝါရီ ၂၅။ ရခိုင်ပြည်နယ်၏ စီးပွားရေးလုပ်ငန်းများ ကျဆင်းနေချိန်တွင် စီးပွားရေးလုပ်ငန်းသစ်တစ်ခုဖြစ်သည့် အထည်ချုပ်စက်ရုံတစ်ခုကို စစ်တွေမြို့တွင် ယနေ့ ဖေဖော်ဝါရီ ၂၅ ရက်နေ့တွင် ဖွင့်လှစ်ခဲ့ကြောင်း သိရသည်။

အဆိုပါ အထည်ချုပ်စက်ရုံကို ဒေသတွင်းစီးပွားရေးလုပ်ငန်းရှင်တစ်ဦးက စတင်တည်ထောင် ခဲ့ခြင်းဖြစ်ပြီး ယင်းစက်ရုံကို ရခိုင်ပြည်နယ်အတွင်း တည်ထောင်ရခြင်းမှာ အလုပ်အကိုင်ရှားပါး မှုကြောင့် ပြည်ပသို့သွားရောက်ကာ အလုပ်လုပ်ကိုင် နေကြရ သည့်အတွက် အလုပ်လက်မဲ့ ပြဿနာ များအား ဖြေရှင်းနိုင်ရေးအတွက် ရည်ရွယ်တည်ထောင် ခဲ့ခြင်းဖြစ်ကြောင်း သိရသည်။

“အခုလိုမျိုးစက်ရုံဖွင့်လှစ်ခြင်းအားဖြင့် တခြားမြို့နယ်၊ ပြည်နယ်တွေကို အလုပ်သွားရောက်လုပ်နေ ရတဲ့ ရခိုင်ဒေသက အမျိုးသမီးတွေရဲ့  အခက်အခဲတွေကို လျော့ချပေးနိုင်မယ်လို့ ထင်ပါတယ်။ အလုပ်ခန့်ထားတာကတော့ မော်တာစက်ကျွမ်းကျင်သူတွေအပါအဝင် စုစုပေါင်း ၈၁ ယောက် ရှိပါတယ်။ လောလောဆယ် ချုပ်နေတာက ကျောင်းဝတ်စုံတွေကို ချုပ်နေပါတယ်။ အဓိကက ကျွန်တော်တို့ ရခိုင်ဒေသက မိန်းကလေးတွေ အလုပ်အကိုင်ရရှိလာဖို့ အတွက်ပါ။ စီးပွားရေအရ တော့သိပ်ပြီး အတွက်ခြေကိုက်မှာမဟုတ်ပါဘူး။’’ စမတ်အထည်ချုပ် စက်ရုံပိုင်ရှင် ဦးမင်းဇော်ကဆိုသည်။

စက်ရုံအလုပ်သမားများ နေရေးထိုင်ရေးနှင့် အခြားသောအခက်အခဲများ ရှိနေသေးသည့်အတွက် လောလောဆယ်တွင် အလုပ်သမား ၈၁ ဦးကိုသာ ခန့်အပ်တာဝန်ပေးထားနိုင်ခဲ့ပြီး နောက်ပိုင်းမှသာ တိုးချဲ့ခန့်အပ်သွားမည်ဖြစ်ကြောင်းသူကပြောသည်။

ယင်းစက်ရုံမှ ကျောင်းသားများ အရည်အသွေးကောင်းမွန်သည့် ဝတ်စုံများကိုဝတ်ဆင်နိုင်ရန်အတွက် ကျောင်းဝတ်စုံများကိုသာ အဓိက ထုတ်လုပ်ပေးသွားမည်ဖြစ်ကြောင်းသိရပြီး စက်ရုံဖွင့်လှစ်နိုင်ရေး အတွက် ပညာရေးဌာနနှင့် လူမှုကယ်ဆယ်ရေးနှင့် ပြန်လည် နေရာချထားရေးဝန် ကြီးဌာနတို့က အကူအညီပေးခဲ့ကြောင်းသိရသည်။

သတင်းဓါတ်ပုံ - အေးအေးသန်း

North Rakhine

RiA

No comments:

Post a Comment