"သက်ငယ်မုဒိမ်းပြစ်ဒဏ်"

"သက်ငယ်မုဒိမ်းပြစ်ဒဏ်"

သက်ငယ်မုဒိမ်းအကြောင်းပြောပြပါဆရာ
ယူတီကေ ။ ။ ယခုတစ်လောမှာလွှတ်တော်နဲ့မီဒီယာတွေမှာ ဒီအကြောင်းရေးသားပြောဆိုနေကြတယ်။ ဗဟုသုတအဖြစ်တင်ပြပါမယ်။
မုဒိမ်းမှု
လူယောက်ျားက လူမိန်းမကိုစပ်ယှက် (အိပ်)တယ်။ လူသားတွေပေါက်ဖွားလာတယ်။ ကျောက်ခေတ်မှာတော့ လူမိန်းမသဘောတူတူမတူတူလူယောက်ျားဟာအတင်းအဓမ္မ အိပ်စက်တယ်။ ပြစ်မှုဗေဒအလိုအရလူသတ်မှုနဲ့ မုဒိမ်းမှုဟာ ရှေးအကျဆုံးရာဇ၀တ်မှု တွေဖြစ်ခဲ့ပြီးယနေ့တိုင် နိုင်ငံတိုင်း၊ လူမျိုးတိုင်းမှာဆက်လက်ဖြစ်ပေါ်နေတဲ့ အခြေခံ အကျဆုံးရာဇ၀တ်မှု (Basic Crimes)တွေဖြစ်တယ်။ လူသားဟာယဉ်ကျေးလာတဲ့အခါ မိမိအဖွဲ့၊ အုပ်စုသဘောတူထားတဲ့ စည်းမျဉ်း၊ စည်းကမ်းများအရလူမိန်းမနဲ့ အိပ်စက်လာတယ်။ ကမ်းလှမ်းပြောဆိုခြင်း၊ စေ့စပ်ခြင်း၊ လက်ထပ်ထိမ်းမြားခြင်းတွေ ဆောင်ရွက်ပြီးမှ လူယောက်ျားကလူမိန်းမနဲ့အတူအိပ်စက်ခွင့်ရလာတယ်။ လက်မထပ်ရင်လည်းလူမိန်းမရဲ့(သို့မဟုတ်) အုပ်ထိန်းသူရဲ့ခွင့်ပြုချက်၊သဘောတူညီချက် ရရှိမှသာအတူအိပ်စက်ခွင့်ဆိုတဲ့ စည်းကမ်းတွေ ပေါ်ပေါက်လာတယ်။ ဒေသ၊ လူအုပ်စု၊ ယုံကြည်ကိုးကွယ်ရာပေါ်အခြေခံပြီးချမှတ်ကြတဲ့ စည်းကမ်းတွေဖြစ်လို့ နေရာဒေသ ၊ လူမျိုး၊ ဘာသာကွဲပြားရင် ကွဲပြားသလိုပေါင်းသင်းခြင်း/အတူအိပ်စက်ခြင်း စည်းကမ်းများလည်းကွဲပြားတယ်။
ဒီစည်းကမ်းတွေကိုနေရာဒေသ၊ နိုင်ငံ၊ လူမျိုးစုအလိုက် ဥပဒေအဖြစ် ပြဌာန်းကြတယ်။ ''ဘယ်အပြုအမူကိုမပြုလုပ်ရဘူး''ဆိုတဲ့ (ရှောင်ကျဉ်ရန်စည်းကမ်း) သတ်မှတ်ကြတယ်။ (DON'T)ဒီဥပဒေ(စည်းကမ်း) ကိုချိုးဖောက်ကျူးလွန်ရင် ဒီလိုမျိုးပြစ်ဒဏ် (PUNISHMENT)ပေးမယ်လိုတစ်ပါတည်းရေးသားကြတယ်။
စာရေးသူတို့နိုင်ငံမှာရှိတဲ့ ဒီကာမဆိုင်ရာပြစ်မှု (Sexual Offence)မြောက်စေတဲ့
(က) ပြုလုပ်မှု ACTION
(ခ) ပြုစဉ်အခြေအနေ CONDITIONS
(ဂ) အပြုခံရသူမိန်းကလေးရဲ့အသက် AGE OF FEMALE
(ဃ) ကင်းလွတ်ချက် EXCEPTION
(င) ပြစ်ဒဏ် PUNISHMENT
တွေအကြောင်းတင်ပြပါတယ်။
(က)ပြုလုပ်မှု
''လူယောက်ျားဟာလူမိန်းမကိုကာမစပ်ယှက်ခြင်း''တဲ့။ (Sexual Intercourse) ဒီပြုလုပ်မှုကိုလူသားတိုင်းကမ္ဘာဦးကအစကနေ့အထိ ပြုလုပ်နေကြတာပါပဲ။ ဒါပေမယ့် ဒီကိစ္စပြုတိုင်း ပြစ်မှု့ မြောက်တာမဟုတ်ပါဘူး။ဥပဒေကသတ်မှတ် တားမြစ်ထားတဲ့ အခြေအနေ(၅)ရပ်မှာလူယောက်ျားဟာ လူမိန်းမကိုမစပ်ယှက်ရဘူးတဲ့။
(ခ) တားမြစ်ထားတဲ့ အခြေအနေ(၅)ရပ်(CONDITIONS)
၁။ မိန်းမကအလိုမတူခြင်း against her will
၂။ မိန်းမကခွင့်မပြုခြင်း။ without her consent
၃။ မိန်းမကခွင့်ပြုရတာဟာသူကိုသေမှာ၊ နာမှာကြောက်အောင်(ခြိမ်းခြောက်)ပြုလို့ခွင့်ပြုလိုက် ရတာဖြစ်ခြင်း။
၎။ မိန်းမကခွင့်ပြုလိုက်တာဟာ သူ့ယောက်ျားထင်လို့ ခွင့်ပြုတာဖြစ်ခြင်း။
၅။ ခွင့်ပြုသည်ဖြစ်စေ၊ မပြုသည်ဖြစ်စေမိန်းကလေးရဲ့အသက်(၁၆)နှစ် အောက်ဖြစ်နေခြင်းတဲ့။
(ဂ) အပြုခံရသူကလေးရဲ့အသက် (AGE OF WOMAN)
၁။ အသက်(၁၆)နှစ်ပြည့်ပြီးတဲ့မိန်းမဖြစ်ရင် ထိုမိန်းမကသဘောတူညီမှ/ခွင့်ပြုမှသာအတူအိပ်စက်လို့ရတယ်။ ခွင့်မပြုရင် မုဒိမ်းမှုပဲ။
` ၂။ (သေမယ်၊နာမယ်)ကြောက်အောင်ပြုခံရလို့ မိန်းမကခွင့်ပြုရတာဆိုရင်လည်း သဘောတူ၊ ခွင့်ပြုရာမရောက်ဘူး။ (ခြိမ်းခြောက်၊ ဓါးနဲ့ထောက်ထားလို့ခွင့်ပြုခဲ့ခြင်း)
၃။ ခွင့်ပြုလိုက်တာဟာမှားယွင်းပြီး မိမိလင်မှတ်လို့ခွင့်ပြုရင်လည်းသဘောတူခွင့်ပြုရာ မရောက်ဘူး။ (အိပ်ပျော်နေတဲ့ မိန်းမကိုသူ့လင်လိုလို ပုံမှားရိုက်ပြီး ၀င်အိပ်သွားတာမျိုး)
၎။ မိန်းမရဲ့အသက်ဟာ(၁၆)နှစ်အောက်ဖြစ်နေရင် သူရဲ့သဘောတူညီချက်ဟာသဘောတူရာမရောက်ဘူးတဲ့ ။ ဒါကြောင့်(၁၆)နှစ်အောက် မိန်းမကို (မိန်းမကခွင့်ပြုပြု/မပြုပြု)အိပ်စက်ခွင့်မရှိဘူး၊ မုဒိမ်းမှုမြောက်တယ်တဲ့ ဘယ်အသက်အရွယ်ရှိသူဖြစ်ဖြစ်၊ မိန်းမကခွင့်မပြုရင် ဖြစ်စေ၊ ကြောက်လို့၊ မှားယွင်းလို့ခွင့်ပြုရင်ဖြစ်စေမုဒိမ်းမှု ဖြစ်တယ်။ (၁၆)နှစ်အောက် မိန်းမကိုတော့ လုံးဝသွားပြီး အိပ်လို့မရဘူးဆိုတာတွေရတယ်။မ်ိန်းကလေးရဲ့ အသက်ကိုယခင်(၁၄)နှစ်ကယခု(၁၆)နှစ် အဖြစ်ပြင်ဆင်ခဲ့၏။ (၇.၁.၂၀၁၆)နေ့မှာ ``ရာဇသတ်ကြီးကို ပြင်ဆင်တဲ့ ဥပဒေ´´ ထုတ်ပြန်လိုက်တယ်။ ရာဇသတ်ကြီးကို (၁.၅.၁၈၆၁)နေ့မှာအင်္ဂလိပ်ဘာသာနဲ့ ပြဌာန်းသွားခဲ့တာဖြစ်တယ်။ ဒါကြောင့် ပြည်ထောင်စုလွှတ်တော် ဥပဒေအမှတ်(၆/၂၀၁၈)နဲ့ရာဇသတ်ကြီးကို ပြင်ဆင်တဲ့အခါမှာလည်းအင်္ဂလိပ်ဘာသာနဲ့ ရေးသားပြင်ဆင်ရတယ်။ မြန်မာဘာသာစကားတစ်လုံးမှ မပါရဘူး။ ပြင်ဆင်ချက်မှာပုဒ်မ(၃၁)ခုကို ပြင်ဆင်ခဲ့တယ်။ အကျဉ်းချုပ်အားဖြင့်
(၁) အခေါ်အဝေါ်တွေပြင်ဆင်တယ်။
(၂) တစ်သက်တစ်ကျွန်းပို့ဒဏ်ကိုပယ်ဖျက်တယ်။(မပို့တော့ဘူး) တစ်သက်တစ်ကျွန်းပြစ်ဒဏ်အစား အနှစ်(၂၀)ထောင်ဒဏ် သတ်မှတ်တယ်။
(၃) ငွေဒဏ်ပြင်ဆင်တယ်။ (၁၈၈၁)ခုနှစ်ကငွေတန်ဖိုး ဖြစ်တဲ့ရွှေတစ်ကျပ်သား(၁၀ိ)ဖြစ်လို့ ငွေဒဏ်ကို(၁၀ိ+ ၂၀ိ၊ ၁၀၀၊ ၁၀၀၀ိ၊ ၂၀၀၀ိ) သတ်မှတ်ခဲ့တယ်။ အမြင့်ဆုံးငွေဒဏ်(၂၀၀၀ိ)ဟာရွှေ(၂)ပိသာရှိခဲ့တယ်။ ၁၉၆၂ ခုနှစ်ကစပြီးရွှေတန်ဖိုးတွေတက်၊ ငွေတန်ဖိုးကကျဆင်းလာတယ်။ ကနေ့ဒဏ်ငွေ(၁၀၀၀ိ)ဟာရယ်စရာဖြစ်နေလို့ ပြင်လိုက်တယ်။ ယခင်ဒဏ်ငွေကိုအဆ(၁၀၀)သို့မဟုတ် ၁၀၀၀၀%တိုးမြှင့်လိုက်တယ်။ ယခင်ဒဏ်ငွေ(၁၀၀၀)ဟာကနေ့ ကျပ်(၁၀၀၀၀၀)တစ်သိန်းဖြစ်သွားတယ်။
(၄) အခန်းခေါင်းစဉ်တွေပြင်တယ်။
(၅) လိမ်လည်မှု (ပုဒ်မ ၄၁၇)ပြစ်ဒဏ်ကိုယခင်တစ်နှစ်အစား(၃)နှစ်ထိတိုးမြင့်လိုက်တယ်။
(၆) လူခိုးမှု(ပုဒ်မ-၃၆၁)နဲ့ မုဒိမ်းမှု(ပုဒ်မ-၃၇၅)မှာပါတဲ့ မိန်းမအသက်ကိုပြင်လိုက်တယ်။
ပုဒ်မ-၃၆၁မှာ မိန်းမအသက်(၁၆)နှစ်အောက်ကို (၁၈)နှစ်အောက်လို့ပြင်တယ်။
ပုဒ်မ-၃၇၅ (မုဒိမ်းမှု)မှာမိန်းမအသက်(၁၄)နှစ်အောက်အစား (၁၆)နှစ်အောက် မိန်းမအသက်လို့ပြင်တယ်။
(င)ကင်းလွတ်ချက် ။ ။ ယခင်ကင်းလွတ်ချက်မှာ(၁၃)နှစ်အောက်မဟုတ်တဲ့/(၁၃)နှစ် အထက် မိမိမယားနဲ့အိပ်ရင်မုဒိမ်းမှုမမြောက်ဘူး။ အခုပြင်လိုက်တော့ မိမိမယားဖြစ်သော်လည်း(၁၅)နှစ်အောက် ဆိုရင်မုဒိမ်းမှုတဲ့။ လင်ကမိမိမယားအသက်(၁၅)နှစ်ကျော်မှ အိပ်ခွင့်ရှိတယ်တဲ့ ။ (၁၅)နှစ်အောက်မိန်းကလေးကိုလင်ပေးစားလို့မရတော့ဘူး။ လင်နဲ့နှစ်ဖက်မိဘများပြစ်မှုမြောက်မယ်။ သတိထားရမယ်။
(စ)ပြစ်ဒဏ်
ပုဒ်မ ၃၇၆မှာ မုဒိမ်းမှုအတွက် ပြစ်ဒဏ် ပြဌာန်းထားတယ်။ (ဘယ်အသက်အရွယ်ရှိရှိ)မိန်းမအပေါ် ကျူးလွန်ရင် တစ်သက်တစ်ကျွန်းဒဏ်(ယခုထောင်ဒဏ်အနှစ်-၂၀)ဖြစ်စေ၊ (၁၀)နှစ်ထိထောင်ဒဏ်ဖြစ်စေချမှတ်ရမယ့်အပြင်ငွေဒဏ်လည်းချမှတ်နိုင်သည်တဲ့။
တည်ဆဲပြစ်ဒဏ် ပြဌာန်းချက်အရတော့ အသက်အရွယ်(၅နှစ်၊ ၁၀နှစ်)မိန်းကလေးငယ်ကစပြီးအသက်(၈၀၊ ၉၀)အဖွားကြီးအထိဘယ်အရွယ်ရှိရှိမ်ိန်းမအပေါ်ကျူးလွန်ရင် ထောင်ဒဏ် (အနှစ်၂၀/၁၀)ကျနိုင်တယ်။
``သက်ငယ်မုဒိမ်းမှု´´ဆိုပြီးကနေ့ လွှတ်တော်နဲ့ပြည်သူကြားမှာ ပြစ်ဒဏ်တိုးမြင့်ဖို့ ပြောဆိုနေကြတာတွေ့ ရတယ်။ အဆိုပြုကြတာက (၁၆)နှစ်အထက် မိန်းမအပေါ် ကျူးလွန်တဲ့ ပြစ်ဒဏ်ကိုတော့ ယခင်အတိုင်းထားတယ်။ အသက်(၁၆)နှစ်အောက် မိန်းမပေါ်ကျူးလွန်လျှင်(သက်ငယ်မုဒိမ်းမှု)ဖြစ်တယ်။ ကျူးလွန်သူကိုသေဒဏ်/တစ်သက်တစ်ကျွန်းဒဏ် ချမှတ်ဖို့ အဆိုပြုလာကြတယ်။
ဒီ(၁၆)နှစ်အောက် မိန်းကလေးကိုလူနှစ်ဦးနှင့်အထက်က ၀ိုင်းဖွဲ့ပြီး ကျူးလွန်ရင် အားလုံးကို (သေဒဏ်) အထိတိုးမြင့်ပြစ်ဒဏ် ချသင့်ကြောင်းပြောဆိုလာကြတယ်။
ဥပဒေတစ်ရပ်ကို ပြင်ဆင်လိုရင် ပြည်ထောင်စုလွှတ်တော်က ပြင်ဆင်နိုင်ပါတယ်။ အမျိုးသားလွှတ်တော် နဲ့ ပြည်သူ့လွှတ်တော်တို့မှာ ``ဥပဒေကြမ်းရေးဆွဲရေးကော်မတီ´´ဆိုပြီး (ဥကြမ်းကော်)ဖွဲ့ထားပါတယ်။ ဒီ(ဥကြမ်းကော်) က (၇.၁.၂၀၁၆)နေ့ကရာဇသတ်ကြီးကို ပြင်ဆင်ဖို့ ဥပဒေကြမ်းကိုအင်္ဂလိပ်လိုရေးဆွဲပြီးတင်ပြလို့ ပြည်ထောင်စုလွှတ်တော်က အတည်ပြုပြီး ပြင်ဆင်ခဲ့ပါပြီ။ (မူရင်းကဘိုလိုရေးထားရင် ဘိုလိုပဲရေးပြီးပြင်ရတယ်တဲ့)အခုလည်း (၁၆)နှစ်အောက် မိန်းကလေးအပေါ်
ကျူးလွန်တဲ့မုဒိမ်းမှုကို (သေဒဏ်)လို့ အင်္ဂလိပ်လို(လွယ်လွယ်လေး)ရေးပြီး အစားထိုးပြင်ဆင်လိုက်ရုံပါပဲ။ မြန်မာလိုရေးပြီး ပြင်ခိုင်းနေရင်တော့(နည်လမ်း) procedure မမှန်ဘူးဆိုပြီး ပြင်ပေးမှာမဟုတ်ပါဘူး။ အင်္ဂလိပ်လို ပြန်တင်ပါ။(သေဒဏ်)ကို(Death) လို့ပြင်ရေးလိုက် (လွယ်လွန်လွန်းလို့)။

ယူတီကေ(စိတ်၊ လိပ်၊ ဥ၊ တု)
Lawyer U Tun Kyi