ရန်ကုန်၊ ဖေဖော်ဝါရီ ၄။
ငြိမ်းချမ်းရေးအတွက် လူထုလှုပ်ရှားမှုတစ်ခုကို ယနေ့နံနက်တွင် ညောင်တုန်းမြို့၌ ပြုလုပ်ခဲ့ကြောင်း ဒေသခံများ၏ ပြောကြားချက်အရ သိရသည်။
ယနေ့ ဖေဖော်ဝါရီလ ၄ရက်နေ့ နံနက် ၈း၃၀နာရီခန့်၌ ညောင်တုန်းမြို့မဈေးနှင့် မြို့ထဲတွင် ငြိမ်းချမ်းရေးကဗျာများ ဖြန့်ဝေခဲ့ကြကြောင်း၊ နံနက် ၁၀း၁၅ နာရီ၌ ညောင်တုန်းမြို့ ဗိုလ်ချုပ်ကြေးရုပ်ရှေ့တွင် ငြိမ်းချမ်းရေးကဗျာများ ရွတ်ဆိုခဲ့ကြကြောင်း ဦးဆောင်ပါဝင်သူတစ်ဦးဖြစ်သည့် ဦးတင်ဌေးက ပြောကြားသည်။
" အခုလို လုပ်ဖြစ်သွားတဲ့အကြောင်းက ဒီမြို့ကလူတွေကို ပြည်တွင်းစစ်ရဲ့ အရေးကြီးပုံကို သိစေချင်လို့ပါ။ အခြားနေရာမှာ စစ်ဖြစ်နေတာကို ကိုယ်နဲ့မဆိုင်သလို နေလို့မရပါဘူး။ ကင်ဆာလို ပွားလာတတ်တယ်ဆိုတာကို သိစေချင်လို့်ပါ"ဟု ဦးတင်ဌေးက ဆိုသည်။
မောင်ဆောင်းခ
No comments:
Post a Comment