သခင်ဖိုးလှကြီးရဲ့ လည်ပင်းမှာဆွဲထားတဲ့ သံကြိုးကြီးက ဘာအဓိပ္ပာယ်လဲ (သို့) သွေးကပြောတဲ့ သမိုင်း

သခင်ဖိုးလှကြီးရဲ့ လည်ပင်းမှာဆွဲထားတဲ့ သံကြိုးကြီးက

ဘာအဓိပ္ပာယ်လဲ (သို့) သွေးကပြောတဲ့ သမိုင်း

တချို့က နယ်ချဲ့ အင်္ဂလိပ် BOC ရဲ့ နှောင် ကြိုးကို ဖြတ်တောက် ပစ်လိုက်တဲ့ နိမိတ်ပုံ သင်္ကေတ လို့ ဆိုကြတယ်။ တချို့က အရေးတော်ပုံကာလ ချီတက်ပွဲကြီးမှာ ဆွဲထားတဲ့ “ခရာကြိုး” လို့ပဲ ပြောကြတယ်။ ဘယ်ဟာမှ အတည် ယူလို့ မရ နိုင်ခဲ့ပါဘူး။

ပန်းပုဆရာကြီး ဦးဟန်တင် ထုလုပ်ခဲ့တဲ့ ချောက် GTI ကျောင်းရှေ့က သခင်ဖိုးလှကြီးရုပ်ထု မှာလည်း သံကြိုးကြီး ကိုတွေ့ရပါတယ်။ ဆရာကြီးက ၁၃၀၀ ပြည့် အရေးတော် ပုံကာလအတွင်းမှာ ရိုက်ခဲ့တဲ့ သခင်ဖိုးလှကြီး သတင်းစာ ကိုကိုင်ပြီး ရိုက်ထားတဲ့ ဓာတ်ပုံကိုကြည့်ပြီး ထုလုပ်ခဲ့တာပါ။
အဲဒီပုံက နှောင်းခေတ် လူတွေရဲ့ အမြင်မှာ စွဲထင် နေတာ ကြာခဲ့ ပြီပေါ့။နောက်တစ်ခါ ဦးနေ၀င်းရဲ့လမ်းစဉ် ပါတီခေတ် က ထုတ်ဝေခဲ့တဲ့ (၄၅) ကျပ်တန် ငွေစက္ကူ မှာလည်း သခင် ဖိုးလှကြီးရဲ့ ရုပ်ပုံနဲ့ ထုတ်ဝေ ထားတာကို တွေ့ရပြန်တယ်။ အဲဒီပုံကတော့ ပန်းပုဆရာကြီး ဦးဟန်တင် ထုလုပ်ထားတဲ့ သခင် ဖိုးလှကြီးရဲ့ ရုပ်ထုပုံနဲ့ အတူတူပါပဲ။အဲသလို မြင်ကွင်း တွေကြောင့် လည်း နှောင်းခေတ် လူတွေရဲ့အသိမှာ သခင် ဖိုးလှကြီးဆိုရင် လည်မှာ သံကြိုးကြီးတန်းလန်းနဲ့လို့ ထင်ယောင်ထင်မှား ဖြစ်ကုန်ကြတာပါ။

(၇.၇.၂၀၁၃) နေ့တုန်းကလည်း ဒီလိုပဲ ၁၃၀၀ ပြည့် ရေနံမြေ အရေးတော်ပုံ စိန်ရတု အထိမ်းအမှတ် အနေနဲ့ သခင် ဖိုးလှကြီးရဲ့ ကြေးသွန်းရုပ်ထုကို ချောက်မှာရှိတဲ့ အလုပ်သမား မေဒေး ပန်းခြံမှာ စိုက်ထူကြမယ်ပေါ့။ တချို့ကလည်း အားမာန်အပြည့်နဲ့ သုံးရောင် ခြယ်အလံကို ကိုင်နေတဲ့ ပုံကို ထုလုပ်ချင်ကြတယ်။ တချို့ကလည်း ကုန်ကျစရိတ် နည်းမယ့် ကိုယ်တစ်ပိုင်းပုံကိုပဲ ထုလုပ်ချင်ကြတယ်။ နောက်ဆုံးတော့ ရန်ပုံငွေ အခြေအနေအရ သခင်ဖိုးလှကြီးရဲ့ ကိုယ်တစ်ပိုင်း ရုပ်ထုကိုပဲ ကြေးရုပ် လုပ်ကြမယ်ပေါ့။

ဒီမှာတင် ပြဿနာ ကမပြီးသေးဘူး။ သခင်ဖိုးလှကြီးရဲ့ လည်မှာဆွဲထားတဲ့ သံကြိုးကိုထည့်မလား၊ မထည့်ဘူးလား။ ထည့်မယ်ဆိုရင် ကလေးတွေ ပြောကြ၊ လှောင်ကြတဲ့ “သံကြိုးကြီး နဲ့ ဒရွတ် ဒရွတ်” ဆိုတာမျိုးဖြစ်မယ်။ မထည့်ဘူး ဆိုရင် မြင်နေကျ သခင်ဖိုးလှကြီးရဲ့ ပုံနဲ့ကွဲပြား နေမယ်ပေါ့။

လူတွေရဲ့ အမြင်မှာ သခင်ဖိုးလှကြီး ဆိုရင် သံကြိုး ပါရမယ် လို့မြင်နေကြပြီလေ။သံကြိုးမပါတဲ့ ပုံတော့ ရှိပါတယ်။ မောင့် ကျက်သရေ ခေါင်းပေါင်းနဲ့ပုံ၊ ဒီပုံကြတော့လည်း မာန်မပါ လို့ မသုံးချင်ကြဘူး။ နောက်ဆုံး အရေးတော်ပုံကာလမှာ ရိုက်ခဲ့တဲ့ ဓာတ်ပုံထဲက ပုံကိုပဲ သုံးကြမယ်လို့ ဆုံးဖြတ်လိုက် ကြတယ်။ အဲဒီပုံကလည်း (၄၅) ကျပ်တန် ငွေစက္ကူ ထဲကပုံနဲ့ ဆရာကြီး ဦးဟန်တင်ရဲ့ ပန်းပုပုံနဲ့ အတူတူပါ။

ဒါပေမဲ့ ဒီသံကြိုးကြီး ကို ဘ၀င် မကျဖြစ် နေတယ်။ ဘာလို့ ပန်းပုရုပ်မှာ သံကြိုးဖြစ်နေရတာ လဲပေါ့။ သူတို့ ဆွဲခဲ့တဲ့၊ ထုလုပ်ခဲ့ တဲ့သံကြိုးက အခု အတော်စဉ်းစားရ ကျပ်နေ တယ်။

ကံကောင်းတယ်လို့ ပြောရမလား။ ဒါမှမဟုတ် ကွယ်လွန် လေပြီးသော သခင်ဖိုးလှကြီးကများ စိတ်စွမ်းအင်တွေပေးပြီး ပြဿနာကို ဖြေရှင်းလိုက်လေသလား မသိဘူး။ ပြဿနာရဲ့ မူလ အဖြစ်မှန်ကို သိလိုက်ရတယ်။

ဒါဟာ သမိုင်းကို ပြန်လည်တည့်မတ် လိုက်ခြင်းဖြစ်လို့ သိပ်ပြီး တန်ဖိုးကြီးမားပါတယ်။ အဲသလိုမဟုတ်ရင် တသက်လုံး သခင် ဖိုးလှကြီးရဲ့ လည်မှာဆွဲထားတဲ့ သံကြိုးကြီးက ဘ၀င် မကျ စရာဖြစ်နေမှာ၊ အခုတော့ ရှင်းသွားပြီ။

ဖြစ်ပုံက ဒီလိုပါ၊ ၁၃၀၀ ပြည့် ရေနံမြေ အရေးတော်ပုံ စိန်ရတု အခမ်းအနား ကျင်းပမယ်လို့ သတင်းစာတွေ၊ ဂျာနယ်တွေ၊ ဖေ့စ်ဘွတ်ခ်တွေကနေပြီး သတင်းဖြန့်လိုက်တယ်။ ဒီမှာတင် သခင် ဖိုးလှကြီးရဲ့ မျိုးဆက်သစ်တွေက စိတ်ဝင်စားသွား တယ်။ ချောက်မှာရှိတဲ့ သခင်ဖိုးလှကြီးရဲ့ မျိုးဆက် တချို့က ဒီသံကြိုးပြဿနာကို ထဲထဲဝင်ဝင် မသိကြပေမယ့် မန္တလေးမှာ ရောက်နေတဲ့ မျိုးဆက်သစ်တစ်ယောက်ကတော့ ဒီပြဿနာ ကိုသိထားတယ်။ သူ့ကိုမေးလာတဲ့ သံကြိုး ပြဿနာကိုလည်း လက်လှမ်းမီသလောက် ရှင်းပြခဲ့ ဖူးတယ်။ ဒါပေမဲ့ တနိုင်ငံလုံး အတိုင်းအတာနဲ့ဆို ဘယ်ပြီးပြည့်စုံပါ့မလဲ။
၁၃၀၀ ပြည့် စိန်ရတု ကျင်းပရေးကော်မတီ အနေနဲ့ လည်း ၁၃၀၀ ပြည့် ရေနံမြေ အရေးတော်ပုံ သခင်၊ သခင် မကြီး တွေနဲ့ လက်လှမ်းမီသလောက် ဆက်သွယ်လိုက်တဲ့ အခါမှာတော့ သခင်ဖိုးလှကြီး ရဲ့ သမီး (ဒေါ်ကျင်ကျင်ဝေ) ဆိုတာ နတ်မောက် မှာရှိနေတဲ့ အကြောင်း သိလိုက် ရတယ်။ သူ့ဆီမှာ သမိုင်းဝင် ဓာတ်ပုံ လည်းရှိတယ်လို့ ကြားသိရတော့ ဆက်သွယ်လိုက်တယ်။ သခင်ဖိုးလှကြီး ရဲ့သား ဦးအောင်သန်း ကတော့ ကွယ်လွန်သွားပြီမို့ ကျန်ရစ်တဲ့ မိသားစုဆီက အထောက်အထား သိပ်မရဘူး။

ကံကောင်းချင်တော့ သခင် ဖိုးလှကြီးရယ်၊ သခင် သိန်းမောင် ကြီးရယ် စုပြီးရိုက်ထားတဲ့ ဘင်ခရာတီးဝိုင်း ဓာတ်ပုံကို နတ်မောက်မှာ ရောက်နေတဲ့ ဒုတိယသမီး ဒေါ်ကြင်ကြင် ဝေဆီက ရလိုက်တယ်။
ဒေါ်ကြင်ကြင်ဝေအနေနဲ့ မန္တလေးမှာ ရောက်နေတဲ့ သူ့သမီး ဒေါ်ခင်အုန်းဝေကို ဖုန်းနဲ့ ဆက်ခေါ်ပြီး သူတို့မိသားစု ချောက်ကို ရောက်လာကြတယ်။ ကွဲကွာသွားခဲ့တဲ့ မွေးရပ်မြေ ကိုပြန်ပြီး ခြေချရတော့ သူတို့ရင်မှာ ပီတိတွေ လွှမ်းခြုံ နေတာပေါ့။ နှစ်ပေါင်းများစွာ ကွဲကွာနေကြတဲ့ ဆွေမျိုး သားချင်း တွေ ပြန်လည်ဆုံတွေ့ကြရလို့လည်း မျက်ရည်လည်ရွှဲ ဖြစ်နေကြ သေးတယ်။အချင်းချင်းတွေ့ကြ၊ ဆုံကြတဲ့ အခါမှာတော့ ငယ်ဘ၀တွေကို လွမ်းဆွတ်တမ်းတရင်း သူတို့ အဖေ၊ သူတို့အဘိုးကို သတိတရ နဲ့ ဂုဏ်ယူ နေကြတယ်။

အ့လိုနဲ့ ရှေးဟောင်းအောက်မေ့ဖွယ်တွေကို ပြောကြဆိုကြ ရင်းက သခင်ဖိုးလှကြီးရဲ့ လည်မှာဆွဲထားတဲ့ သံကြိုးကိစ္စကို ရောက်သွားတယ်။ သမီးဖြစ်သူ ဒေါ်ကြင်ကြင်ဝေကတော့ အသက်ကလည်း (၈၀) ကျော် နေပြီ။ သတိတွေကလည်း ချွတ်ယွင်းနေပြီမို့ စကားတောင် လေးလုံးကွဲအောင် မပြောနိုင် တော့ပါဘူး။ အတူတူပါလာတဲ့ သမီးဖြစ်သူ ဒေါ်ခင်အုန်းဝေက သာ ဦးဆောင်ပြီး ပြောသွားခဲ့တာပါ။သခင်ဖိုးလှကြီးရဲ့ မြေးဖြစ်တဲ့ ဒေါ်ခင်အုန်းဝေဟာ သူ့အဘွား၊ ဒေါ်စောညွန့် ပြောပြ ခဲ့တဲ့ ၁၃၀၀ ပြည့် အိပ်မက်တွေကို အမှတ်တရ ပြောပြခဲ့ပါတယ်။

***သခင်ဖိုးလှကြီးရဲ့ လည်မှာဆွဲထားတာဟာ သံကြိုး မဟုတ်ပါဘူး တဲ့။ ခရာကြိုးပါတဲ့***။ သံကြိုးနဲ့တူနေရတာ ကတော့ သူ့အဘွား ဒေါ်စောညွန့် ထိုးပေးလိုက်တဲ့ သိုးမွှေးကြိုးဟာ ကွင်းဆက်ဖြစ်နေတာမို့ သံကြိုးနဲ့တူနေတာပါတဲ့။ ရန်ကုန်ကို ချီတက်တဲ့နေ့ အမှီ အဲဒီ သံကြိုးကွင်းဆက်ပုံ သိုးမွှေးကို ထိုးပေးလိုက်တာပါတဲ့။ သံကြိုးနဲ့တူသရောင် ရှိပေမယ့် ပေါ့ပါးတဲ့ “ခရာကြိုး” လေး ဖြစ်တဲ့အကြောင်း၊ တမာအိုင့်ရပ်ကွက်အရောက်မှာ အပြေးကလေးလိုက်ပေး ရတာဖြစ်ပါတယ်လို့ သမိုင်းရဲ့ ကွက်လပ်တစ်ခုကို ဖြည့်ဆည်းရင်း ပြောပြသွားတာကို မှတ်သား လိုက်ရပါတယ်။
သမိုင်းမှာ မှားနေတာတွေ၊ ကွင်းဆက် ပြတ်နေတာတွေ၊ ပျောက်ကွယ်နေတာတွေကို အခုလိုပဲ ကြုံကြိုက်တဲ့အခါမှာ မေးမြန်း မှတ်သား တင်ပြနိုင်ကြမယ်ဆိုရင် ပြီးပြည့်စုံတဲ့ သမိုင်း မှတ်တမ်းကြီးတွေကို ဖော်ထုတ်နိုင်မှာ ဖြစ်ပါကြောင်း။

Credit - မူရင်းတင်သူများ
(မိတ်ဆွေများအားလုံး အမှားကိုပစ် အမှန်ချစ်၍ ချမ်းသာစင်စစ်ကို ရနိုင်ကြပါစေလို့ ဆုတောင်းရင်း . . .)

The Red